Б.Бат-Эрдэнэ: МИАТ үнээ буулгах боломжгүй бол бусад авиакомпаниудыг нисгэх сонголт байж болно

0

Шударга өрсөлдөөн, хэрэглэгчийн төлөө газрын дарга Б.Бат-Эрдэнэ, улсын байцаагч нар "МИАТ компани тийзний үнээ нэмэгдүүлсэн, сонголтгүй үнэ тулгаж  байна" гэх иргэдийн гомдлын дагуу өнөөдөр /2020.09.09/  ИНЕГ-т ажиллалаа. Учир нь "Чартер нислэгийн  билетийн  өндөр үнэтэй байна, корона далимдуулж үнэ нэмж байна" гэх гомдол иргэдийн зүгээс ирсэн тул ийнхүү газар дээр нь ажилласан юм.

ШӨХТГ-ын дарга Б.Бат-Эрдэнэ уулзалтын үеэр "Үндэсний агаарын тээвэлэгч гэдэг  утгаар төрөөс МИАТ компанийг тусгай үүргийн нислэг хийлгэхэд зориулан нисгэж байгаа. Гэвч үнийн бодлого иргэдэд маш том дарамт болж байна. Гэр бүлээрээ эх орондоо буцаж ирэхийн тулд нэг талдаа 10-20 сая төгрөг  зарцуулах хүртэл шаардлага хүртэл үүсэж  байна. Тиймээс чартер буюу тусгай үүргийн нислэгт алдагдал байгаа бол иргэн биш төр даах,  нэг талдаа зорчин ирж буй иргэн (Хэрэглэгч) - д 2 талын тийзний үнийг шахахгүй байх, энгийн зэрэглэлийн суудлыг үнийн түвшингөөр ялгаварлахгүй байх шаардлагатай байна. 

"Аsiana airlines" "Хүннү airline"-аас УОК-т   авиа компаниудыг зэрэгцээ түвшинд аваачих санал ирүүлсэн. Та бүхний зүгээс татгалзах зүйл байхгүй гэж ойлголоо. Бид саналаа УОК-т танилцуулна. Гол асуудал бол гадаадад байгаа иргэд эх орондоо ирэхдээ ямар нэг дарамтгүй ирэх ёстой. Тиймээс авиа компаниудыг зэрэгцэээ түвшинд авчрах, чартер нислэгт хамруулах саналыг Засгийн газарт тавина. Тиймээс МИАТ  аль чиглэлд тийзийн үнийг бууруулах боломжийг судалж, танилцуулахыг хүсэж байна" хэмээсэн. Харин Харин МИАТ  компанийн удирдлагуудын зүгээс одоогийн тариф бол дөнгөж амиа зогоож байгаа учир шууд үнийг буулгах амлалт өгч чадахгүй гэх  тайлбарыг өгсөн юм. 

Уулзалтын дараа ШӨХТГ-ын дарга Б.Бат-Эрдэнээс зарим зүйлийг тодрууллаа.  

-Иргэдээс МИАТ сонголтгүй үнэ тулгаж байна гэсэн гомдол ирсэн гэсэн.  Үнэтэй холбоотой асуудал үүссэнийг тогтоосон уу?

-Тухайн нислэгийн өртгийн задаргааг авч байж  нэгж тасалбарын үнийг тогтоох ёстой. Бидэнд ирсэн мэдээллээр Улаанбаатар-Сөүл-Улаанбаатарын буюу хоёр талын нислэг 1020800 төгрөг байсан. Гэтэл одоо зөвхөн Сөүл-Улаанбаатар чиглэлийн нислэг 1438000 төгрөг  байгаа. Зөрүү нь 418 мянган төгрөг.  Энэ чинь эрс ялгаатай байгаа биз дээ. Нислэгийн туршид замдаа хоол өгч байгаа юу, ямар үйлчилгээ үзүүлж байна вэ гэдгээсээ шалтгаалж, үнээс хасагдах ёстой. Энэ үйлчилгээнүүдийг үзүүлж байгаа эсэхийг тодрууллаа. Дээрээс нь хоёр талдаа тийз аваад явсан иргэдийг заавал шинэ тасалбар худалдаж ав, тусгай үүргийн онгоц учраас өөр аргагүй гэдэг шаардлага тавиад байна гэсэн гомдол гарсан. 

Энэ талаар МИАТ-ийн удирдлагуудаас асуухад, зөрүү үнийн дүнг нь тогтоогоод, хуучин тийзээр нь буцааж авч явж байгаа гэсэн хариултыг өгч байна. МИАТ компанийн удирдлагууд үүнээс доошоо үнэ буулгах боломж байхгүй гэдгээ шууд хэллээ. Үнийг үүнээс доош буулгахгүй тохиолдолд нэг л арга хэмжээ авч болно.  Ганцхан МИАТ нисэх ёстой юу, бусад авиакомпаниудыг оруулах уу гэдэг асуудал байна. 2014 онд ШӨХТГ-аас МИАТ компанийг давамгай байдалтай аж ахуйн нэгж гэж тогтоосон. Зүй ёсны монопол учраас бид үнээ тэгж тогтоо, шинэ үнэ гаргахдаа манайхаас зөвшөөрөл ав гэж тулгах боломж байхгүй.  

Бид өчигдөр /2020.09.08/ Шадар сайд Я.Содбаатартай уулзаж, энэ асуудлыг танилцуулсан. Шадар сайдын чиглэл болгосны дагуу өнөөдөр ирж, албан ёсны уулзалтыг хийж байна. Бид нэг нислэгийн зардлын задаргааг аваад, үнэхээр бодит үнэ мөн үү. Нэг талдаа хоол өгөхгүй, үйлчилгээ үзүүлэхгүй байгаа учраас бүх зардал хасагдаж байгаа гэж хэлсэн МИАТ компанийн удирдлагуудын хэлсэн үнэн үү гэдгийг шалгаж, тогтооно.  Өнөөдөр бидэнд материалаа өгвөл шалгаад, УОК-т саналуудаа хүргүүлнэ. Амжихгүй бол маргааш саналаа өгнө. "Хүннү эйр" зэрэг компаниудас санал ирсэн, үнийн саналаа ч өгч байгаа юм билээ.  Харьцуулсан үнийн саналыг хараач, хэрэглэгчийн эрхийг хамгаалах талаас нь ажиллаач гэдэг саналыг УОК-т хүргүүлнэ. Эцсийн шийдвэрийг УОК гаргана. 

-Бусад авикомпаниудаас ирүүлсэн үнийн санал нь хэдэн төгрөгөөр бага юм бол?

-Тэрийг яг нарийн мэдэхгүй байна. УОК-т саналууд нь ирсэн гэсэн мэдээлэл байгаа.  2018 онд одоогийн Шадар сайд Я.Содбаатар ЗТХ-ийн сайдаар ажиллаж байсан. Тухайн үед судалгаа хийж үзэхэд, Улаанбаатар-Сөүл чиглэлд 800-900 мянган төгрөгөөр нисэх боломжтой гэсэн үр дүн гарч байсан. Бид энэ тариф хүртэл үнээ буулгаач гэж байгаа. МИАТ компанийн удирдлагууд боломжгүй гэсэн. Бидэнд МИАТ компанийн үйл ажиллагаанд хөндлөнгөөс оролцох эрхгүй. МИАТ бол төрийн өмчит Хувьцаат компани.  Иргэдийн нуруун дээр тухайн компанийн алдагдалтай холбоотой асуудлууд очиж байх вий гэдгээс бид болгоомжилж байгаа юм. 

Төрийн өмчит компани учраас ямар нэг алдагдал гарч байгаа бол төр өөрөө л даах ёстой. Энэ бол зарчим. Яах гэж төрийн компани гэж байгаа юм. 

-МИАТ компанийн удирдлагууд төрөөс татаас өгөх асуудлыг тавина гэж байх шиг байна?

-Аль аль талаасаа л саналаа явуулъя. Бид үндэсний агаарын тээвэрлэгч компани дэмжих үүрэгтэй. Цар тахлын хүндрэлтэй үед үндэсний агаарын тээврийн ганц компани дампууруулж болохгүй. шүү дээ.  Тэглээ гээд хэрэглэгчид дарамт үүрүүлж бүр болохгүй.  Тодорхой хэмжээнд танаж болохоор зардал байвал танах л хэрэгтэй.  Төсвийн хэмнэлт хийх ёстой газруудад хэмнэх л ёстой байхгүй юу. Алдагдалтай гэдэг шалтгаанаар аливаа зардлыг иргэдийн нуруунд үүрүүлэхийг бид зөвшөөрөхгүй гэж байгаа юм. 

 



АНХААРУУЛГА: Уншигчдын бичсэн сэтгэгдэлд toim.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих


ШИНЭ МЭДЭЭ

Шүүхийн тогтоол албажиж очсоны дараа Д.Эрдэнэбат, Б.Болор нарыг суллана6 цаг 56 минутын өмнөУИХ-ын гишүүн асан Д.Эрдэнэбат, Б.Болор нарыг ялаас чөлөөллөө7 цаг 7 минутын өмнөМҮОНРТ-ийн ерөнхий захирал Н.Дэмбэрэлийг чөлөөлж, Г.Гэрэлийг түр томилжээ8 цаг 47 минутын өмнөНэгдүгээр төрөхөд ХАЛДВАР БАТЛАГДАЖ, хөл хорио тогтоолоо9 цаг 8 минутын өмнө“Таван-толгой” түлш ТӨХК-ийн захирал М.Ганбаатар Сүхбаатар дүүргийн МАН-ын даргаар сонгогдох уу9 цаг 12 минутын өмнөБАЙНГЫН ХОРОО: Б.Батдавааг томилох саналыг дэмжив1-19, 16:20Г.Амартүвшин, Г.Дамдинням, Х.Ганхуяг нарын Хөгжлийн банкнаас гаргасан 33 тэрбум төгрөг ил боллоо1-19, 14:02Товчоодод 8483 хүнд хяналт хийхэд сэжигтэй тохиолдол илрээгүй1-19, 12:21Д.Нарангэрэл: Ойрын хавьтлыг тусгаарлахад ямар нэг хэмжээгээр төлбөр авахгүй1-19, 12:05Цэргийн төв эмнэлэгт нас барсан иргэн коронавирусээр биш зүрхний өвчний улмаас эндсэн гэв1-19, 11:20ЭМЯ: Ажиглан тусгаарлалтад байсан 10 хүнээс халдвар илэрлээ1-19, 11:09Бусдад авлига өгсөн хэргээр дуучин Э.Оюумаад ЯЛ ОНООЛОО1-19, 10:40ЭМЯ: Хөдөө, орон нутагт халдвар нэмж бүртгэгдээгүй1-19, 10:18Д.Эрдэнэбат, Б.Болор нарын ДАВЖ ЗААЛДАХ хурал эхэллээ1-19, 10:16Ерөнхийлөгчийн сонгуулийн санал авах өдрийг 2021 оны зургаадугаар сарын 9-нд товлохыг дэмжив1-19, 10:12Ерөнхий сайд Ерөнхийлөгчид ХАРИУ өгсөн үү...1-19, 9:13Лука Дончич өөрийн замналынхаа 28 дахь трипл даблийг гүйцэтгэж алдарт Майкл Жордантой тэнцлээ1-19, 9:08Айл бүрт заавал байх хэрэгцээтэй олон үйлдэлт аяны “Эко мешок”-ыг тусгайлан Монголд үйлдвэрлэв1-14, 18:38Ковид ба кибер аюулгүй байдал1-14, 18:25“Урбанек” Б.Лхагважав барилгын салбарыг УЛС ТӨРИЙН ТАЛБАР болгож эхэлжээ1-14, 14:10ОУХМ Г.Алтанбагана, Ө.Дүүрэнбаяр нар өнөөдөр барилдана1-13, 11:50"Алтан жолоо импекс" компанийн ажилтнаас халдвар илэрчээ1-13, 11:34З.Баянсэлэнгэ, Ц.Сандуй, А.Ганбаатар нарт яллах дүгнэлт үйлджээ1-13, 11:29Хөвсгөл аймгийн Ханх суманд 07:47 цагт дахин газар хөдөлжээ1-13, 11:26Дэлхийн хамгийн сонирхолтой хоббитой хүмүүс1-13, 11:17ХӨСҮТ: "Ачтан" эмнэлгийн нэг эмч, БГД-ийн 4 дүгээр хорооноос 8, БЗД-ийн 17 хорооноос 4 хүнээс халдвар илэрлээ1-13, 11:09Авто тээврийн товчоодоор 24 цагийн хугацаанд 6088 хүн нэвтэрчээ1-13, 10:45Хөвсгөлд нэг өдөрт 300 удаа газар хөдөлж, барилга цуурав1-13, 10:33С.Баярцогтоос 4 тэрбум 10 сая төгрөг болон 3 үл хөдлөх хөрөнгийг хураана1-13, 10:16С.Баяраас 5 тэрбум 580 сая төгрөг, 1 тэрбум 97 саяын ҮЛ ХӨДЛӨХ ХӨРӨНГӨ хураана1-13, 10:11Ханиад, COVID-19 хоёрыг хэрхэн ялгах вэ?1-13, 10:00Ашиг сонирхлын зөрчилд хамаарах 55 гомдлыг шалгав1-13, 9:40УИХ-ын байнгын хороо, ажлын хэсэг хуралдана1-13, 9:26Ардчилсан Үндсэн хууль баталсны 29 жилийн ой тохиож байна1-13, 9:00Чингэлтэй дүүргийн ЭМТ-д PCR шинжилгээний лаборатори байгууллаа1-12, 13:12“Korea Grand Sale 2021”: Нэгдүгээр сарын 14-нөөс 46 хоногийн турш онлайнаар зохион байгуулагдана1-12, 11:51ЭМЯ: Ажиглан тусгаарлалтад байсан 14 хүнээс халдвар илэрлээ1-12, 11:03Хөвсгөлд газар хөдөлж, Улаанбаатарт 4-6 баллаар мэдрэгджээ1-12, 10:22Т.Мөнхсайхан: Голомтуудаа хяналтандаа авсан учраас цаашид эрсдлийн үнэлгээн дээр тулгуурлан хөл хорио тогтоох эсэхээ шийднэ1-11, 11:54"Ачтан" эмнэлгийн голомтоос 47 хүн халдварт өртжээ1-11, 11:07

NEWS STORY

Popular Tags