ӨНЦӨГ: Т.Дэлгэрмөрөн өөрийгөө л баллаад байх юм

Нийгэм 13:01 , 2021-3-4
0

Номин талст хамтлагийн дуучин Т.Дэлгэрмөрөн өөрийнхээ фэйсбүүк дээр гэр бүлийн маргаанаа их дэлгэдэг. Хамгийн сүүлд хамтран амьдрагч эмэгтэй нь удаа дараа бие махбодь, сэтгэл санаагаар хүчирхийлсэн, мансуурах бодис хэрэглэдэг гэж Т.Дэлгэрмөрөнгийн өөрийнх нь лайв дээр ярьсныг дуучин залуу өөрийнхөө фэйсбүүк дээр байршуулсан. Өөрөөр хэлбэл, Т.Дэлгэрмөрөнг мансуурдаг, хүчирхийлдэг тухай ярьсан хүн нь олон жил хамт амьдарсан хүн нь, харин энэ тухай олон нийтэд бичлэг хийж цацсан хүн нь Т.Дэлгэрмөрөн өөрөө. Өнгөрсөн 2019 онд яг ийм үйлдэл давтагдаж байсныг хүмүүс мартаагүй. Тэгэхээр анхны эх сурвалж нь дуучин залуу өөрөө.

Олны анхааралд өртсөн нь

Т.Дэлгэрмөрөн бол олны танил фигур, дуугаараа хүндлэгдсэн уран бүтээлч. Ийм учраас өөрийнх нь олон нийтийн сүлжээг үздэг, хардаг хүн олон. Олны танил хүмүүсийн үйлдэл үргэлжид хэвлэл мэдээллийн байгууллагын анхаарлын төвд байдаг. Энэ утгаар нь Т.Дэлгэрмөрөнгийн өөрөө лайвдсан бичлэг, бас хүүхдүүдийнх нь ээжийн “мансуурагч, хүчирхийлэгч” гэсэн мэдээллийн мөрөөр сэтгүүлчид чих тавьжээ.

Энэ талаар ЦЕГ-ын Хэвлэл мэдээллийн төвийн дарга, дэд хурандаа Б.Баатархүү, “Хоёрдугаар сарын 28-ны 21:30 цагт иргэн Т.Дэлгэрмөрөн гэр бүлийн хүчирхийлэл үйлдээд байна гэсэн дуудлага цагдаагийн байгууллагад ирсэн. Шалгаж байна” гэсэн тодруулга гуравдугаар сарын 1-нд isee.mn сайтад өгчээ. Б.Баатархүү дэд хурандаагаас олон хэвлэл мэдээллийн байгууллага энэ талаар тодруулж нийтэлсэн, эфирээр цацсан.

Т.Дэлгэрмөрөнгийн шээснээс THC илэрсэн тухай эхлээд tsahiur.mn сайт, араас нь livetv.mn, zarig.mn, ergelt.mn сайтууд мэдээлжээ. Гэвч Т.Дэлгэрмөрөн NTV телевизийг өлгөн авч буруутгаж байгаа харагдсан. Хэргийг шалгаж байх явцад албаны эх сурвалж ил гарч мэдээлэл өгөх боломжгүй байдаг ч сэтгүүлчид мэдээлэл олж авч чаддаг. Хариуцлагатай редакциуд ийм асуудлаар хөнгөн хуймгаа хандахгүй нь тодорхой. Тэгээд ч сэтгүүлчид мэдээллийг өөрөөс нь тодруулахаар удаа дараа утас руу нь залгахад Т.Дэлгэрмөрөн татгалзсан тухайгаа өөрийн фэйсбүүктээ бичсэн байдаг.

Энэ бодис нь НҮБ-ын 1961 оны конвенцийн хавсралтад орсон Тетрагидроканнабинол гэдэг мансууруулах үйлчилгээтэй бодис юм. ТНС буюу Тетрагидроканнабинол нь дотроо дельта 5, дельта 8, дельта 9 зэрэг хувилбаруудтай бөгөөд эдгээр нь бүгд марихуана болон манай оронд зэрлэгээр ургадаг олсны ургамалд агуулагддаг. Бага тунгаар хэрэглэсэн тохиолдолд сэргээшийн үйлчилгээ үзүүлдэг бол их тунгаар хэрэглэсэн үед мансууруулах, солиоруулах ч үйлчилгээ үзүүлдэг. Манайхны "өвс" гэгдэх олсны ургамлын гол найрлагад ордог бодис юм.

Олны өмнө өөрийгөө нотлосон нь

Дуучин Т.Дэлгэрмөрөн гуравдугаар сарын 2-нд “Шээсний шинжилгээ өгөхөд ургамлын төрлийн бодис илэрсэн. Би Домч давс, Баатар брэндийн тантай цай уудаг. Би хар тамхи хэрэглэдэггүй” гэсэн байна. Мөн гуравдугаар сарын 3-нд “Шүүхийн шинжилгээний үндэсний хүрээлэн надаас дахиад шинжилгээ авлаа. Миний шээснээс ургамлын төрлийн бодис илэрсэн. Тийм учраас сая хумс, үснээс шинжилгээ авсан” гэв. Хоёр удаагийн лайваараа өөрөөс нь ямар нэг бодис илэрсэн, шинжилгээ өгснөө өөрөө хүлээв.

Харин ямар нэртэй бодис илэрснийг тэр хэлсэнгүй. Буруутгагдаж байгаа этгээдийн байр суурийг хүргэх, хүргэхийг оролдох үүрэг Хэвлэл мэдээллийн байгууллагын ёс зүйн зарчимд бий. Энэ утгаараа ntv телевизийн сэтгүүлч тухайн мэдээллийн мөрөөр өөртэй нь холбогдохоор утас руу нь залгахад өөрөө татгалзсан юм билээ. Олон байгууллага хүчирхийлэл, мансууралтай холбоотой мэдээллийг түгээж эхлэхэд Т.Дэлгэрмөрөн ганц paparazzi.mn сайтад мэдээлэл өгчээ. Өнөөдөр үүссэн мэдээллийн үндсийн үндэс нь өөрийнх нь дэлгэсэн бичлэг, өөрийнх нь ааш авир байсныг ялгах ухаан дуучинд баймаар.

Сөхөгдөж буй бусад мэдээлэл

Цаашлаад хамтран амьдрагчдаа балмад авир гаргасан гэх мэдээллийн мөрөөр Т.Дэлгэрмөрөнгийн өмнөх үйлдлүүд сөхөгдөж эхлэв.

2001 оны долдугаар сард Эрүүгийн хуулийн тусгай ангийн 261.1 хэрэгт, 300.000 төгрөгөөр торгуулж, хоёр жил эрх хасах ял,

2009 оны аравдугаар сард Эрүүгийн хуулийн тусгай ангийн 181-р зүйл буюу Танхайрах гэмт хэрэг, 230 дугаар зүйлийн 230.2 дахь хэсэг буюу төрийн албан хаагчийн биед гэмтэл учруулсан хэрэгт 1 жил тэнсэн,

2010 оны дөрөвдүгээр сард мөн ЭХТА-ын 181.2.1, 230.2 дахь хэсгээр 1.6 жил тэнсэн харгалзах ялаар тус тус шийтгүүлж байжээ. Хамгийн сүүлд Хан-Уул дүүргийн цагдаагийн нэгдүгээр хэлтэст гэр бүлийн хүчирхийллээр шалгагдсан, мөн 2019 онд мансууруулах бодисын шинжилгээ өгч байсан гэх мэдээллийг eguur.mn зэрэг хариуцлагатай редакциуд бичсэн байна.  Энэ бүх асуудлаас үүдэн АНУ-ын Элчин сайдын яам Т.Дэлгэрмөрөнд Номин талст хамтлагийнхаа тоглолтоор Америк явах гэхэд нь виз олгоогүй байдаг.

Т.Дэлгэрмөрөнгийн талаар Google-д байгаа мэдээллийг шүүж үзвэл аялагч Амайгийн духыг цөмөлж, хамрыг хугалсан, цагдаагийн албан хаагчийг зодож гэмтээсэн, жүжигчин М.Баярмагнайг бүлэглэж зодсон, машинаасаа согтуу олдсон, мансуурсан гэх мэдээллүүд олдоно. Өөрөө ч залуудаа танхайрч байсан, гадаадад мансуурах бодис хэрэглэж үзсэн гэдгээ лайв дээрээ хэлж байна лээ.

Сургамж

Монгол Улс хар тамхи, гэр бүлийн хүчирхийлэлтэй сүүлийн жилүүдэд эрчимтэй тэмцэж, энэ чиглэлээр ажиллах албан хаагчдаа нэмж, хууль эрх зүйн орчноо чангаруулж байгаа. Учир нь энэ асуудал цөөн хүн амтай манай орны хувьд аюулын харанга дэлдсэн асуудал. Хэвлэл мэдээллийн байгууллагууд ч энэ төрлийн гэмт хэргийн мэдээлэлд соргог хандаж, хуулийн байгууллагуудтай хамтран ажиллаж байгаа юм. Өөрөөр хэлбэл, хүчирхийлэгч, донтогчдыг ичээх замаар нийгэмд энэ төрлийн гэмт хэргийн гаралтыг хумих, урьдчилан сэргийлэх ажлыг хамтарч хийх болсон. Олны танил хүмүүс, дуучид, жүжигчдийн холбогдсон энэ төрлийн гэмт хэргийн мэдээлэл хэвлэлээр их гардаг нь ийм шалтгаантай. Нийгэмд үлгэр дууриал болж, өөрсдийг нь шүтэн биширдэг, хүндэлж хайрладаг иргэдийн өмнө “урлаг соёлын одууд” маань нэгэнт өөрсдөө түмний өмнө амьдардаг ийм амьдрал сонгосон бол хариуцлагатай амьдрах учиртайсан.

Иргэн Т.Дэлгэрмөрөнг тойрсон мэдээлэлтэй хамааралгүйгээр хэлэхэд, орчин цагт муу зүйлд, гэмт хэрэгт холбогдсон “од”-уудыг зурагт, хэвлэлээр гаргах, уран бүтээлд оролцуулах, реклам сурталчилгаанд тоглуулахгүй байхыг нийгмийн зүгээс шаарддаг болсон. Олсон нэр хүнд, орлогодоо сагаад байвал эргээд хэн ч биш болтол нь мартахыг хариуцлагатай нийгэм шаардаж байгаа. Энэ бол олны өмнө гарч амьдралаа залгуулдаг урлагийнханд маш том шийтгэл болж өгдөг. Энэ хэрээрээ тэд үг, үйлдэлдээ анхаарч явдаг юм билээ.



АНХААРУУЛГА: Уншигчдын бичсэн сэтгэгдэлд toim.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих


ШИНЭ МЭДЭЭ

С.Мөнгөнчимэг: 22 хоногт 509.6 тэрбум төгрөгийн зээл олгоод байна8 цаг 11 минутын өмнөТАНИЛЦ: Халдвар шинээр бүртгэгдсэн аймгууд9 цаг 10 минутын өмнөЭМЯ: 885 шинэ тохиолдол бүртгэгдэж, хоёр хүн нас барж, 20 хүний биеийн байдал маш хүнд байна9 цаг 36 минутын өмнөЭВТ ЧУЛУУ ХХК-нь 15 жилийн ойгоо угтаж барилгын салбарт ISO9001, ISO14001, ISO45001 стандартуудыг цогцоор нь нэвтрүүлсэн анхны компани боллоо9 цаг 50 минутын өмнөУИХ-ын гишүүн Б.Пүрэвдоржийн хамаарал бүхий компаниудад НЭГЖЛЭГ хийжээ9 цаг 56 минутын өмнөБАРИМТ: Үндсэн хуулийн цэцийн гишүүнээр томилогдсон Ж.Эрдэнэбулган хууль бус тогтоол гаргасан уу4-13, 10:32Оюутолгойд Монголын эрх ашгийг хангаж, гэрээг сайжруулах хэлэлцээ эхлэв4-13, 10:16Чөлөөтийн эмэгтэй тамирчид олимпийн дөрвөн эрхтэй боллоо4-13, 10:05Ерөнхийлөгч Х.Баттулгын нэр дэвших эсэх асуудал хэрхэн цэц дээр очив4-13, 10:00Н.Түвшинбаяраас дахин мэдүүлэг авахад “ТОДОРХОЙ ЗҮЙЛ НЭМЖ ЯРИАГҮЙ“ байна4-13, 9:40Нийслэлээс Увс аймагт очсон хоёр хүнд халдвар илэрчээ4-13, 9:21ЭЕШ-ын бүртгэлийг тавдугаар сарын 5 хүртэл сунгалаа4-13, 9:00Завхан аймгийн Улиастай суманд хатуу хөл хорио тогтоожээ4-13, 8:45Япон улсаас 156 иргэн эх орондоо ирнэ4-13, 8:30Тусгаарлан ажиглах 99 байранд 4739 иргэн байна4-13, 8:15Х.Булгаа: Нийтийн тээврээр зорчих ёсгүй иргэд зорчиж, ачаалал үүсгэж байна4-13, 8:00Засгийн газрын лхагва гарагийн хуралдаанаар дэд сайд Б.Мөнхжинд хариуцлага тооцно4-12, 19:59Хулгайн замаар зорчсон Манлай уяач Д.Даваахүүгийн шинжилгээ эерэг гарч, албадан тусгаарлажээ4-12, 15:57“Оюутолгойн хэлэлцээ ил тод байх ёстой” гэв4-12, 13:46“Дубайн гэрээ”-г буцаах боломж монголчуудад байсан4-12, 13:22Оюутолгойн хэлэлцээгээр “Дуайн гэрээ”-г цуцлах уу?4-12, 13:00Зорчих эрхээ хязгаарлуулсан ялтан тоног төхөөрөмж эвдсэн тул ялыг хорих ялаар сольжээ4-12, 12:06Улсын начин Э.Энхбат БНСУ-д эмчлүүлэхээр явлаа4-12, 11:46Шинжилгээний цэгүүдэд цаг авах шаардлагагүй4-12, 11:15ЭМЯ: 704 шинэ тохиолдол илэрч, гурван хүн нас барлаа4-12, 11:07Зайлшгүй шалтгаанаар орон нутгийг зорих иргэдийг шинжилгээнд хамруулах цэгийн байршил4-12, 10:50Ж.Энхбат: Хөл хорионы дэглэмийг сайтар баримтлуулахын тулд тэгш, сондгойгоор зорчуулахаар болсон4-12, 10:4360-аас дээш насны болон архаг хууч өвчтэй иргэдийг дархлаажуулж эхэллээ4-12, 9:42Энэ долоо хоногт чуулган, байнгын хороод хуралдахгүй4-12, 9:30Э.Өсөхжаргал: Нийслэлийн иргэд хүсвэл орон нутагт газар үнэ төлбөргүй өмчилж авах эрхтэй4-12, 9:20Зүүн аймгуудын нутгаар цас орж, цасан шуурга шуурна4-12, 9:00СҮНЭЭ: ТЭР УИХ-ЫН ГИШҮҮНИЙ НЭРИЙГ ХЭЛЭХ ЮМ УУ, ЯАХ ЮМ?4-11, 13:15Дуучин Б.Батчулуун: Онигоо ярьсан болохоос гэмт хэрэг хийгээгүй4-11, 12:52Худалдаа хөгжлийн банк төрөөс иргэдэд олгож буй 300 мянган төгрөгийг зээлийн төлбөрт суутгаж эхэлжээ4-10, 13:00"Синофарм болон АстраЗенека вакцины хоёр дахь тунг 28-56 хоногийн зайтай хийхэд ямар ч эрсдэлгүй"4-10, 12:45Хөл хорионы үеэр COVID-19 халдварын эсрэг вакцин ХИЙГДЭХГҮЙ4-10, 12:30Гадаадад байгаа иргэд 300.000 төгрөгөө хэрхэн авах вэ4-10, 12:10Харуулын даргаа буудаж зугтаасан цэргүүдийг эрэн хайх ажил үргэлжилж байна4-10, 11:28Өнөөдрөөс дараах 15 салбарын үйл ажиллагаа хэвийн явагдана4-10, 11:15ЭМЯ: 689 шинэ тохиолдол бүртгэгдэж, дахин нэг хүн нас барж, маш хүнд хүний тоо 22 боллоо4-10, 11:09

NEWS STORY

Popular Tags