ЛХАГВА, Jul 15, 2020

Ц.Элбэгдоржийн бүлэглэлээр дахин засаглуулахгүйн тулд У.Хүрэлсүхийн цагийг сунгая

6/ 22/ 2020    14 цаг 03 минут

            Хурандаа У.Хүрэлсүхийн улс төрийн хронологи үргэлжилж байна. Тэрбээр УИХ-ын 2020 оны сонгуулийн сурталчилгааны нээлтийн үеэр “Эхлүүлсэн ажлаа дуусгах боломж, цаг хугацааг бидэнд өгөөч. Задарсныг засаглаж, ядарсныг тэтгэнэ” гэх хурц мэдэгдлийг хийж, нийгэмд том дохио өгөв. Эрх баригч хүчний тэргүүний энэ үгэнд олигархууд сандарч, ард түмэнд харин хүлээлт үүслээ.“Одоо л биш бол хэзээ ч үгүй”... У.Хүрэлсүхийн мэдэгдлийн цаад утга нь “Өвлийн хүйтэнд Сүхбаатарын талбайд 30 мянгуулаа цугларч, Монголын баялгийг хуваан цөлмөж буй эрх мэдэлтнүүд, олигарх засаглалын эсрэг эхлүүлсэн тэмцлээ үргэлжлүүлье” гэж байгаа бол олон нийтэд өгсөн мессэж нь “МАН олигархуудтай хэзээ ч гар барихгүй. Харин ард түмэндээ баялгийг тэгш хуваарилж, сайхан амьдрах боломж олгоно”юм.

            Ардчиллаар наймаалцаж, төрөөс төрсөн тэрбумтнуудад У.Хүрэлсүхийн багийнхан аль хэдийнээ “Баяртай” гээд хэлчихсэн. Ц.Элбэгдорж, Ч.Сайханбилэг, С.Баярцогт, Э.Бат-Үүл, Да.Ганболдзэрэг том толгой “ноёд”-ыг төрийн хуульд “тушаачихлаа”. Монголын хувь заяаг покерийн ширээн дээр арилждаг байсан задарсан засаглагчдад алганы амтыг ингэж үзүүлэв. Гэвч үйл явдлын гол зангилаа УИХ-ын 2020 оны сонгуультай давхацлаа. Эрх мэдлээ алдаж, хууль дуудахаар гутлаа тосолж, зангиагаа засаад очих ёстой олигархууд энэ завшааныг ашиглан дахин өндөлзөж эхлээд байна. У.Хүрэлсүх тэргүүтний эхлүүлсэн шударга ёсны төлөөх тэмцлийг эцэс болгохын тулд тэд АН-ыг худалдан авч, өөрсдийн төлөөний хүмүүсийг сонгуульд нэр дэвшүүлж, алдсан орон зайгаа буцааж авахын тулд улайрч байна. Ийм л эгзэгтэй цаг үед У.Хүрэлсүх МАН-ын дарга, Монгол Улсын Ерөнхий сайдын хувьд “Бидэнд дахиад боломж, цаг өгөөч” гэж ард түмнээсээ хүссэн юм.Ерөнхий сайд болохдоо “Шударга ёсны төлөө амь насаа ч алдахаас айхгүй байна”гэх мэдэгдлийнх нь ард түүнийг ямар эрсдэл хүлээж байсан нь улс төрд өрнөсөн, өдгөө өрнөж буй халуун үйл явдлуудаас харагдана.

            УИХ-ын 2016 оны сонгуулийн үр дүнд МАН 65 суудалтай болсон.Гэвч АН-ынхан тэдэнд эрх баригч хүчний сэнтийг хүлээлгэж өгөхдөө юу үлдээсэн байсан гээч. Гадаад, дотоодоос авсан 400 гаруй өрийн бичгийг АН-ынхан МАН-д “өвлүүлсэн” байдаг юм. Н.Алтанхуяг Ерөнхий сайд байхдаа “АН-ын үед тавьсан өрийг ирээдүйн үеийнхэн маань төлчихнө өө” гэж инээд алдан хэлж байсныг ард түмэн мартаагүй. Тэр эх орондоо ийм хайргүй Ерөнхий сайд байв. Засаг тэргүүлж байхдаа охин, хүргэн, ахлах зөвлөх тэргүүтэндээ авилгын “хаалга”-ыг нээж өгчхөөд хуулийнхан түүн дээр нь гэрэл асаамагц “Шударга бусын хонгил” гэж орилдог Н.Алтанхуяг, “Тавантолгойг би л ард түмэнд үлдээсэн” гэж өдгөө сонгогчдыг мунхруулж яваа З.Энхболд нар төрийг ч, АН-ыг ч засаглаж байх үед Монголын эдийн засаг дандаа хасах цэг рүү хазайж, улсын өрийн хэмжээ 21 тэрбум ам.доллар, иргэн бүр 15 сая төгрөгийн өртэй болсон байлаа. “Чингис”, “Самурай”, “Мазаалай”, “Хуралдай”, “Дим сам”, “Гэрэгэ” бондын өр гэх мэтчилэн Н.Алтанхуяг, Ч.Сайханбилэг нарын засгийн үед тавьсан 8.5 их наяд төгрөгийн өрийг МАН эрх барих үедээ төлжээ. Хамгийн харамсалтай нь энэ бол АН-ын үед ард түмний алдсан боломж, цаг хугацаа. Хэрэв дээрх өрийг АН-ынхан хамтдаа хөлжихийн тулд тавиагүй бол гурван сая иргэн тус бүрд 2.8 сая төгрөг олгоход хүрэлцэх байсан мөнгө гэдгийг эдийн засагчид халаглан ярьдаг. Тиймээс МАН-ын дарга У.Хүрэлсүх “Манай намд эрх барих боломж дахин олгооч. Алдсан боломжийг тань эргүүлэн олж өгье” гэж мэдэгдсэн хэрэг.

            УИХ-ын 2020 оны сонгуулийн санал хураалт өнөө, маргаашгүй эхэлнэ. МАН эрх барих үед сөрөг хүчний үүргээ ч гүйцэтгэж чадаагүй, УИХ дахь бүлгээ тараасан АН-д ард түмэн хасах оноо өгсөн хэвээр байна. Намаа дотор нь хэд хувааж, эцэстээ Ц.Элбэгдоржийнхон болон ХХБ тэргүүтэй олигархуудад арилжсан С.Эрдэнийн багийнхан энэ удаад дахин ялагдах нь тодорхой боллоо. Тиймээс Э.Бат-Үүл олон нийтийг үймээн самуунд уриалан жиргэж, өнгөрсөн бямба гарагт “Хорьсон хүмүүсийг суллахгүй бол хууль бус сонгууль гэж үзнэ” гэж агсамнав. Баабарын бичсэнчлэн Э.Бат-Үүл ердийн шударга нэгэн бус, ер бусын анархизмд хүмүүсийг ийнхүү уриаллаа. “АН-ынхан ялагдсандаа шаралхаж, ардын хүүхдүүдийг ашиглан дахиад “Долдугаар сарын 1”-ний хэргийг өдүүлэх гэж байгаа юм биш биз” гэсэн айдсыг ч нийгэмд давхар төрүүлэв. АН-ынхан болон Ж.Батзандан, Б.Жаргалсайхан нар 2008 онд ялагдаад тухайн үеийн МАХН-ын цагаан байрны өмнө залуусыг турхирсан. Тэр үеэр таван залуу амиа алдсан хар түүхийг өдгөө хэн ч мартаагүй. Үймээнд уриалж, хүмүүсийг турхирчхаад өөрсдөө хаяад явцгаасныг нь бас санаж байгаа.Ийм л учраас С.Эрдэнийн тэргүүлж буй АН-аас иргэд айж байна. Учир нь С.Эрдэнийн цаана эрх мэдлээ алдсан нөгөө бүлэглэл бий.Гучин жилийн түүхтэй ардчиллаар овоглосон намаа гишүүдтэйгээ зарж чадсан С.Эрдэнэ тэргүүтэнд улс орон, ард түмний хувь заяа ч юуны хамаа.АН-ын дарга ийнхүү улс төрийн панзыг улайх ч үгүй хийсэн бол ахлах зөвлөх З.Энхболд нь Баянзүрх дүүргийн сонгогчдын саналыг бензинээр худалдан авах гэж байгаад хуулийнханд баригдан булайгаа дэлгэж байна. “Тавь хүрчихлээ. Одоо л чуулгандаа сууж, ажил хийнэ дээ” хэмээн дундговийнхныг доромжилсон Б.Наранхүү сонгогчдод 300 мотоцикл тараах гэж байгаад мөн л хуулийнханд илчлэгдсэн аж. АН-ынхны энэ улайрлын цаана Ц.Элбэгдорж тэргүүтэй улс төр, бизнесийн бүлэглэлийнхний Монголыг дахин засаглах гэсэн ашиг сонирхол байна гэхээр бүр ч аймшигтай биз.

 

С.Галт-Уул

 эх сурвалж: Үндэсний шуудан сонин



АНХААРУУЛГА: Уншигчдын бичсэн сэтгэгдэлд toim.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих

ШИНЭ МЭДЭЭ

Д.Нарангэрэл:  Сүүлийн 24 цагт дэлхий дахинд 180 мянган хүн шинээр COVID-19-ийн  халдвар авлаа7 сар 14. 11:30Д.Нямхүү:Корогнавирусийн халдварын 13 тохиолдол шинээр бүртгэгдлээ7 сар 14. 11:24Говь-Алтай аймагт бүртгэгдсэн тарваган тахлын сэжигтэй тохиолдлын онош батлагджээ7 сар 14. 11:08Улаанбаатарт өдөртөө дуу цахилгаантай аадар бороо орно7 сар 14. 11:05АНХААР: Мөрөн-Хатгал чиглэлийн замын хөдөлгөөнийг хаажээ7 сар 14. 11:03Д.Нямхүү: Халдварын 230 тохиолдлоос 203 нь эдгэрээд байна7 сар 13. 11:37Өнөөдөр ихэнх нутгаар бороотой7 сар 13. 10:52Энхийг сахиулагчид  Афганистанаас эх орондоо ирлээ7 сар 13. 10:43Долоон начин, гурван харцага, нэг заан цолтон шинээр төрөв7 сар 13. 10:39Улсын арслан П.Бүрэнтөгс түрүүлж  АВАРГА цолны болзол хангалаа7 сар 13. 10:35АЗАРГА: Б.Нямжавын хээр азарга түрүүллээ7 сар 11. 12:31Коронавирусийн халдвар шинээр илрээгүй, харин гурван хүн эдгэрч ХӨСҮТ-өөс гарлаа7 сар 11. 12:27Монгол Улсын Ерөнхийлөгч Халтмаагийн Баттулга Үндэсний их баяр наадмыг нээж үг хэллээ7 сар 11. 12:23Мэдэгдэл7 сар 10. 13:29ЗГ: Монгол Улсад тогтоосон хөл хориог ДАХИН СУНГАЛАА7 сар 10. 13:06“Монгол, ОХУ-ын найрсаг харилцаа, иж бүрэн стратегийн түншлэлийн тухай гэрээ”-г баталлаа7 сар 10. 12:28Э.Энхболд: Наадмын үеэр орон нутгийн ЗАМЫГ ХААХ шийдвэр гараагүй7 сар 10. 12:04Д.Нямхүү: Онгоцонд амаржсан эх, ихэр хүүхдүүдийг ХӨСҮТ-д авчирч, тусгаарласан7 сар 10. 11:29Монгол Улсын зээлжих зэрэглэлийг “B” хэвээр үлдээлээ7 сар 10. 11:27Истанбул-Улаанбаатар чиглэлийн онгоцонд мэндэлсэн  ихэр охид эх орондоо ирлээ7 сар 10. 10:56Шинэ Засгийн газар өнөөдөр анхны хурлаа хийнэ7 сар 10. 10:47Өнөөдөр Төрийн далбааны өдөр7 сар 10. 10:42"Мөнх хөх тэнгэр биднийг ивээж, Монгол Улс маань мандан бадрах болтугай"7 сар 10. 10:37Барилгын салбарын мэргэжлийн ур чадвамжийн гэрчилгээг 83 иргэн гардан авлаа7 сар 10. 10:16Шинэ Зеланд Хонконгтой хийж буй харилцаагаа эргэж харна7 сар 10. 9:53Баярын өдрүүдэд эмнэлгийн байгууллагуудын ажиллах хуваарь7 сар 10. 9:29Ц.Ганзориг: Тусгаарлах байрны тоог нэмнэ7 сар 9. 13:34Т.Гантөмөр: Ариутгал халдваргүйжүүлэлтийг тусгай зөвшөөрөлтэй 37 аж ахуйн нэгжүүд гүйцэтгэж байна7 сар 9. 11:42Д.Нямхүү: 701 хүний сорьцонд шинжилгээ хийхэд коронавирус илрээгүй 7 сар 9. 11:28Гурван Байнгын хороо нэмж байгуулна7 сар 9. 11:06Тусгай үүргийн онгоц Истанбулыг зорилоо7 сар 9. 10:13Энэ жилийн ЭЕШ-д улсын хэмжээнд 196 хүүхэд 800 оноо авав7 сар 9. 9:24Шинээр томилогдсон сайд нар тангараг өргөлөө7 сар 9. 9:15Сөүлээс өнөөдөр тусгай үүргийн онгоцоор 258 иргэн ирнэ7 сар 9. 9:12Төвийн аймгуудын ихэнх нутгаар усархаг бороо орно7 сар 9. 8:59Өнөөдөр УИХ-ын анхдугаар чуулган өндөрлөнө7 сар 9. 8:53Сайд нар 16:00 цагт тангараг өргөнө7 сар 8. 13:21Үүссэн нөхцөл байдалд шуурхай арга хэмжээ авч, хэвийн болголоо7 сар 8. 12:29Ш.Батхүү, Ч.Ганзориг нарт холбогдох хэрэгт яллах дүгнэлт үйлджээ7 сар 8. 12:19 ОХУ-аас ирсэн хоёр хүний шинжилгээнд коронавирус илэрлээ7 сар 8. 11:29
© 2018 toim LLC. Facebook Twitter Youtube