Аливаа шинэ зүйлийг өөрийн хүсэл тэмүүллээр сурвал илүү амтанд нь орж мэдлэг болон үлддэг. Зөвхөн өөрийнхөө хүссэн зүйлийг хийж амьдарна гэдэг сайхан. Шинэ авьяаслаг уран бүтээлч Harono буюу Д. Баярцогттой ярилцлаа.
Harono нь 2020 онд анхны бүтээл "Numb" тракаараа ( хөгжмийн ая ) Улаанбаатарын газар доорх техногийн тайзнаа гарч ирсэн. Цаашдын уран бүтээлүүдэд EBM, RAVEACID, HARDTRANCE, TECHNO, INDUSTRIAL зэрэг сэтгэцэд нөлөөлөх дуугаралтууд шингэсэн байна.
-Сайн байна уу ? Таны техно сонирхох болсон шалтгаан, хамгийн их сонирхоход хүргэсэн зүйл юу байсан бэ ?
-2009 оноос хойш транс хөгжимд илүү дурлаж, түүнийг сонирхон судалж электрон хөгжмийг илүү таньж мэдэхийг хүссэн. Тухайн үед Basshunter гээд мундаг хөгжмийн продюсер артист хүн байсан юм. Түүний хийсэн бүх хөгжмийг сонсож, тухайн үеийн электрон хөгжмийн хэмнэлийг мэдэрч, энэ хүн шиг л болно хэмээн дотроо нууцхан мөрөөддөг байсан. Энэ мөрөөдөл минь тухайн үедээ тэгээд л өнгөрсөн хэн ч намайг DJ болно гэж төсөөлж байгаагүй байх. 2019 онд найзуудтайгаа “PLAYTIME”-ийг үзээд электрон хөгжимд илүү гүн орсон. Түүнээс хойш хаана хөгжмийн эвент болж байна тэнд байнга очиж, монгол DJ нарын хэмнэлийг мэдэрч бүжиглэдэг байсан.
-Анх хөгжим хийж эхлэхэд би чадахгүй юм байна гэх мэт сөрөг бодол төрж байсан уу?
-2020 оны хавраас хөгжим хийхийг оролдож эхэлсэн. Эхлээд би хөгжим сонсдог ч бусдаар юу ч мэдэхгүй 100 хувь өөрийн сонирхлыг дагаж, шууд хөгжмийн программ руу орж ирсэн ая хийгээдл эхэлсэн. Тухайн үедээ надад үнэхээр гайхалтай санагдсан ч одоо сонсохнээ жаахан муу байдаг. Гэхдээ өөрөө шийдсэн бол бүгдийг 100 хувь чадна гэж боддог. Өөртөө их итгэлтэй байдаг тул хэзээ ч чадахгүй юм байна гэсэн бодол төрж байгаагүй .
- Өөрийн бие даасан ANGRY DOG лейбэлийн талаар мэдээлэл өгөөч.
- Одоогоор өөрийн лейбэлийг хөгжүүлэн хүмүүст таниулахыг зорьж байгаа. ANGRY DOG лейбэл хоёр гишүүнтэй. Нөгөө гишүүн нь Gerlee Merlee нэрээр олонд танигдсан DJ байдаг.
-Их авууштай зан байна. DJ байхын хамгийн өгөөжтэй тал юу вэ?
-Баярлалаа. Энэ асуултад хариулж сайн мэдэхгүй байна. Би хэзээ ч ашиг хардаггүй сонирхсон зүйлээ тултал нь хийдэг. Хөдөлмөрлөж л байвал үр өгөөж нь ирнэ гэж боддог.
-DJ set- ийн үеэр ямар мэдрэмж авдаг вэ?
- Өөрийн тоглолтын үеэр миний мэдрэмж, сэтгэл санаа бүгд маш их хөөрдөг гэх үү дээ. Хөгжим эхлэх тэр үед би өөрөө ч юу болоод байгааг мэддэггүй. Цаг хугацаа гэнэт л хурдтай явж байгаа юм шиг, заримдаа бүр зогсчихсон юм шиг л болно. Хөгжмийн дуугаралт миний тархинд эргэлдэж өөрөө ч мэдэхгүй бие минь хөгжмийг даган хөдөлж эргэн тойрноосоо тасарч, өөр газар байгаа юм шиг санагддаг.
-Та сонсогчдоо татахын тулд ямар арга, техник ашигладаг вэ?
-Би зүгээр л тайзан дээр гараад өөрийнхөөрөө байдаг. Тэрэнд минь хүмүүс ч дуртай. Бас миний тавьж байгаа хөгжим бусдаас өөр байдаг.
-Хэзээ ямар үед, ямар хөгжим тоглуулахаа шийдэхэд юунд анхаардаг вэ? Тоглох хөгжмөө хэрхэн сонгодог вэ?
-Интроний араас л тоглох тракаа сонгодог. Тоглох хөгжмөө маш их хайж цагийг өнгөрөөдөг. Хэдэн мянган трак сонсож түүнээсээ чихэнд минь наалдсан, үнэхээр гоё хөгжимлөг гэснийг нь сонгож авдаг. Сонгосон хөгжмүүдээ тоглолтон дээр хурдны дарааллаар тоглох дуртай. Багаасаа их, ихээсээ бага гээд тоглох дуртай.
-DJ-д байх хамгийн энгийн ур чадвар?
-Хамгийн сайн сонсогч байх хэрэгтэй. Гоё, сайхныг ялгах түвшинд сонсдог байх.
-Гэрт болон клубт хөгжмөө сонсох нь ялгаатай юу?
-Орчин их чухал байдаг. Гэрт бол тийм гоц мэдрэмж авч чаддаггүй. Яг орчинд нь тоглох үед шал өөр байдаг. Гэрт сонссон хөгжмөө клубт тавих үед тэс өөр хөгжим болж сонсогддог нь их хачирхалтай.
-Клубт манай залуусын хөгжим сонсох соёл болон согтууруулах ундаатай харьцах байдал гээд таны анзаарсан зүйлсээс дурдвал?
-Залуус их соёлтой болсон санагддаг. Яг тухайн эвентдээ гоё хөгжим сонсож тухайн цагаа аз жаргалтай өнгөрөөх зорилготой болсон байна билээ. Уухаас илүүтэй зүгээр л жаргалтай байдаг болсон. Хөгжмийг мэдэрч найзуудтайгаа цагийг зугаатай өнгөрөөх ийм л дүрэмтэй .
-Өөрийн үеийн залууст хэлэх үг байвал хуваалцаач .
-Залуучууд өөрийн сонирхлыг л дага. Юу хүсэж байна түүнийгээ хийж амьдар гэж хэлмээр байна. Хүн бүр анх удаагаа амьдарч байгаа заавал хүсээгүй юмаа хийх албагүй .
-Ярилцахад таатай байлаа . Танд амжилт хүсье баярлалаа .
-Баярлалаа.
Soundcloud дээр ANGRY DOG Label хаягаар түүний хэд хэдэн гайхалтай бүтээл тавигдсан байдаг. Сонсох юм бол тоглолтыг нь үзэхийг хүснэ гэдэгт итгэлтэй байна. Түүний тоглолтыг өөрийн биеэр үзэж, мэдрэмжээ хуваалцахыг хүсвэл CUE+ бааранд хийх тоглолтыг нь сонирхоорой.
Ярилцсан Э.Номуунаа
Сэтгэгдэл (1)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.
Мундаг залуу шүү бас гоё зурна