Ерөнхий сайд Л.Оюун-Эрдэнэ ХБНГУ-д айлчлахдаа МИАТ-ийн Улаанбаатар-Франкфуртын нислэлийг Берлинд буулгаж, албан тушаалаа урвуулан ашиглаж, онгоцонд зорчиж явсан 200 гаруй зорчигчийн эрхийг зөрчсөн хэмээн иргэдийн бухимдал цахим орчинд үүсээд байгаа.
Энэ талаар МИАТ ТӨХК-ийн гүйцэтгэх захирал Б.Мөнхтамир тайлбар хийлээ.
МИАТ ТӨХК-ийн гүйцэтгэх захирал Б.Мөнхтамир: "Ерөнхий сайдын нислэг есдүгээр сарын сүүлээр төлөвлөгдсөн. Тиймээс бид нислэгийн хуваарьт өөрчлөлт оруулж бүх зорчигчдодоо мэдэгдсэн. 10 дугаар сарын 04-ний өдөр бүх хүмүүст мэйл очсон. Цаашлаад манай дотоод журамд нислэгийн хуваарьт өөрчлөлт орох юм бол дамжин нисэх ёстой зорчигчдынхоо зохицуулалтыг бүгдийг нь хийж өгдөг. 30 гаруй иргэн дамжих байсан. Тухайн иргэдэд билетийг нь сольж өгсөн. Ер нь нислэгийн хуваарьт өөрчлөлт орох юм бол заавал мэдэгдэж зохицуулалт хийдэг. Мэдээлэл очихгүй байна гэж байхгүй. Дамжин нисэх хүмүүс рүү ч утсаар холбогддог. 217 зорчигч бүгд эерэгээр хүлээж авч ойлгосон. Бухимдалтай байгаа иргэний хувьд Франкфуртэд буух билеттэй ч Берлинд буухыг хүссэн гэх мэт асуудлууд гарсан юм байна"гэв.
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.