Их хэмжээний хохирол амсан байж эзэлсэн Павловка тосгон Оросуудад яагаад чухал вэ?

Донецк муж дахь Павловка сууринг эзэлсэн тухай ОХУ-ын Батлан ​​хамгаалах яам мэдэгдэв. Угледар хотын ойролцоох жижиг тосгоныг авахын тулд дор хаяж хоёр долоо хоног үргэлжилсэн дайралтын үеэр Оросын арми их хэмжээний хохирол амссан нь тодорхой болсон. Урьд өмнө байгаагүй байсан гэмээр энэ их хохирлыг юугаар зөвтгөх вэ? 

Павловка нь Донецкийн баруун өмнөд хэсэгт байрладаг, дайны өмнө 2.5 мянга орчим оршин суугчтай. Мөн Угледар хоттой бараг зэргэлдээ оршдог энэ тосгон онолын хувьд Донбасс дахь Оросын цэргүүдийн давшилтын  чухал байрлал болж чадна.  

"Павловка, Угледарт хяналт тогтоосноор манай цэргүүд дайсны Авдеевка бүлэглэлийн ар талд  хүрэх боломжийг олгож байна" хэмээн Оросын topwar.ru  портал үзэж байна.

Оросын цэргийн сурвалжлагчид тав хоногийн өмнө Павловка хотыг эзэлсэн тухай бичиж, тосгон руу довтлох үеэр Оросын арми асар их хохирол амссныг баталжээ.

"Шууд хохирол буюу амь үрэгдсэн дайчдын тухайд Батлан ​​хамгаалах яамны хэлсэн 1% болон 7% -иас хамаагүй их байна" гэж цэргийн командлагч генерал Алексей Суконкин "Telegram"-д  бичжээ.
Тосгоныг эзэлсэн тухай албан ёсны мэдэгдлийн дараа БНДАУ-ын хээрийн командлагч Александр Ходаковский "Дайснууд Павловка дээр нисэх онгоц ашигласан. Амь үрэгдсэн хүмүүс байна. Хэрэв бид цааш явахгүй бол Павловка  урхи болно" гэж анхааруулав. 

Жижиг тосгоныг ямар ч үнээр хамаагүй эзлэн авах гэсэн ийм тууштай оролдлого нь Оросын командлал энэ чиглэлд ихээхэн ач холбогдол өгч байгааг харуулж байна.

Тухайлбал, Украины Зэвсэгт хүчнийг Донецкээс холдуулах. Украйны Зэвсэгт хүчнийг төмөр замаас холдуулж Запорожье дахь бүлгээ нийлүүлэх боломжийг олж авах, түүнчлэн зарим чиглэлд санаачилгыг гартаа авахыг хичээж буй бололтой. Генерал Суровикин Батлан ​​хамгаалахын сайд Шойгуд Херсоныг зайлшгүй орхих шаардлагатай гэж тайлагнаж байхдаа Донбассыг ойрын саруудын гол тулааны талбар гэж дурдсан нь ийм учиртай байх боломжтой.

Эх сурвалж: ВВС