Еврокомиссийн тэргүүн Урсула фон дер Ляйен ерөнхий агуулгаараа Оросын царцаасан хөрөнгийг хурааж, Оросыг шийтгэх тусгай шүүх байгуулах төлөвлөгөөнд зориулж дүрс бичлэг, текст гаргаж, твиттерт төдийгүй Европын комиссын цахим хуудсанд нийтэлсэн байна. Орос Украин руу довтолсон нь үхэл, сүйрэл, хэмжээлшгүй их гамшиг зовлон авчирсан бөгөөд Украинд "20,000 гаруй энгийн иргэн, 100,000 Украины цэрэг" амь үрэгдсэн тухай улстөрч онцолжээ.
Харин Украины эрх баригчид өмнө нь цэргийн амь үрэгдэгсдийн тоог мэдэгдэхүйц бага гэж дурдаж, амь үрэгдэгсдийн тоог нарийн тогтоох боломжгүй, энэ нь Мариуполь зэрэг хотууд эзлэгдсэнтэй холбоотой гэж байв.
Еврокомиссийн тэргүүний энэ дурдсан энэ 100,000 гэсэн тоог баримтыг Украйны Жанжин штаб батлах боломжгүй гэж мэдэгдлээ. "Украины армийн хохирол нь албан ёсны мэдээлэл бөгөөд нийтэд тэр бүр ил тод зарлахыг хязгаарлах заалттай. Үүний зэрэгцээ Европын Комиссын тэргүүний мэдэгдсэнээр түрэмгийлэгч улстай хариуцлага тооцох боломжтой бол бид зөвхөн үйл ажиллагааг дэмжиж чадна." Энэ нь Украины ард түмнийг хоморголон устгах ажиллагааг зохион байгуулсан хүмүүсийг хуулийн дагуу шийтгэхэд хувь нэмэр оруулна" гэжээ.
Украины Ерөнхийлөгчийн хэвлэлийн нарийн бичгийн дарга Сергей Никифоров сэтгүүлчдэд хэлэхдээ, хохирлын талаарх мэдээллийг зөвхөн Батлан хамгаалахын сайд Алексей Резников, Зэвсэгт хүчний командлагч Валерий Залужный, Ерөнхийлөгч Владимир Зеленский нар хуваалцах боломжтой гэж мэдэгдэв.
Дээрх 100000 гэсэн хохирлын хэмжээг хэрхэн тооцсон бэ?
Пентагон өмнө нь амиа алдсан болон шархадсан Оросын цэргүүдийн тоог тооцоолохдоо 100 мянган хүн гэж нэрлэж байсан юм. Арваннэгдүгээр сард АНУ-ын Зэвсэгт хүчний нэгдсэн штабын дарга Марк Милли Украины дайнд Оросын 100 мянга гаруй цэрэг амь үрэгдэж, шархадсан гэж мэдээлэхийн зэрэгцээ Украины арми үүнтэй ижил хэмжээний хохирол амссан байж магадгүй гэж таамаглаж байсан.
Тэрбээр "Бид 100 мянга гаруй хүн амь үрэгдэж, шархадсан Оросын цэргүүдийн тухай ярьж байна. Магадгүй Украины тал ч мөн адил. Энэ бол хүний зовлонгийн асар том хэмжээ" гэж хэлснийг Ройтерс агентлаг иш татав. Милли энэ тооцоог юунд үндэслэсэн, мэдээлэл хаанаас гарсныг дэлгэрэнгүй тайлбарлаагүй байна.
Еврокомисс Украинд учруулсан хохирлыг 600 тэрбум ам.доллар гэж тооцож, ОХУ-аар төлүүлнэ гэж амлаж байна. (Саяхан 385 тэрбум ам.доллар гэж тооцож байв). Фон дер Лейен видео мессежэндээ Оросын олигархиудын царцаасан хөрөнгө болон Төв банкных нь хөрөнгөөр дайны хохирлыг төлүүлэхийн тулд Европын бүтцүүд боломжтой бүхнийг хийнэ гэж амласан.
Түүний хэлснээр, Төв банкны 300 тэрбум еврогийн нөөц, Оросын бизнесмэнүүдийн 19 тэрбум еврогийн хөрөнгө одоогийн байдлаар ЕХ-нд түгжигдээд байна. Европын Комисс эдгээр хөрөнгийг Украиныг сэргээхэд ашиглах механизмыг боловсруулах ажлыг санаачилж байна.
Тэрээр Европын комисс Олон улсын эрүүгийн шүүхтэй хамтран дайны гэмт хэргийн тусгай шүүх байгуулах болно гэлээ.
Эх сурвалж: ВВС
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.