Энэ мэдээ хуучирсан буюу 2023-01-07 нд нийтлэгдсэн байна.

Улсын даян аварга Н.Батсуурь: “Алдаж болохгүй, заавал дарж унана шүү” гэх бодол толгойд зурвас орж ирсэн. Яг энэ хоромд Орхонбаяр хөмөрчихсөн

1/ 7/ 2023    10 цаг 44 минут


Улсын даян аварга Н.Батсуурьтай ярилцлаа. Аварга Зайсангийн эцэст байрлах “Сүлд” спорт хорооны зааланд хэсэг бөхчүүдийн хамт хүчний бэлтгэлээ базааж байхад нь очиж ярилцсан юм. Сая “Ерөнхийлөгчийн цом”-ын төлөөх барилдааны хоёрын даваанд улсын аварга О.Хангайг өвдөг шороодуулсан аймгийн арслан Б.Өсөхбаяр болон аймгийн арслан Э.Мөнх-Эрдэнэ, аймгийн харцага Н.Ширчинхүү, сумын заан Б.Цагаанбанди нарын хэдэн залуус аваргатай хамт бэлтгэл хийж байна. Шүүхийн шийдвэр гүйцэтгэх газрын хурандаа Н.Батсуурь “Сүлд” спорт хорооны даргаар ажиллаж байгаа юм.


-Эхлээд танаас “Сүлд” спорт хорооны үйл ажиллагааны талаар тодруулмаар байна. Хэдэн тамирчид сул цалин аваад сууж байдаг гэх ойлголт нийгэмд байна л даа. Энэ спорт хороо ямар ач холбогдолтой юм бэ?

-Шүүхийн шийдвэр гүйцэтгэх ерөнхий газрын харьяа “Сүлд” спорт хороо 2007 оноос үйл ажиллагаа явуулж байна. Дунд нэг удаа татан буугдсан ч үйл ажиллагаа нь эргэж сэргэсэн юм билээ. Бусад спорт хороодыг бодоход сүүлд байгуулагдсан. Цомхон бүрэлдэхүүнтэй ажилладаг. Миний тухайд 2019 оноос хойш “Сүлд” спорт хорооны даргаар ажиллаж байна.

ажиллагаа ШШГЕГ-ын 3200 орчим ажилтныг спортоор хичээллүүлж эрүүл чийрэг аж төрөхөд чиглэдэг. ШШГЕГ-ын алба хаагчид хүнд нөхцөлд хөдөлмөр эрхэлдэг. Энэ хүмүүс спортоор хичээллэж эрүүл чийрэг байх хэрэгтэй.Энэ чиг үүргийнхээ хүрээнд алба хаагчдын дунд сар бүр спортын тэмцээн зохион байгуулдаг. Салбар хооронд уур амьсгал бүрдүүлэх зэргээс авахуулаад спортын тэмцээн олон ач холбогдолтой. Хамгийн гол нь хүнд нөхцөлд хөдөлмөр эрхэлдэг алба хаагчид эрүүл чийрэг аж төрөхөд л энэ спорт хорооны үйл ажиллагаа чиглэдэг.

-“Сүлд” спорт хороонд мэргэжлийн тамирчид данстай байдаг шүү дээ. Тэд бэлтгэлээ энд базаадаг юм уу?

-Энд хийдэг тамирчид ч бий. Манайх жүдо бөхийн бүтэн багтай. Сая дэлхийн аварга болдог гавьяат тамирчин Ц.Цогтбаатар “Сүлд” спорт хорооных. Гавьяат тамирчин Л.Отгонбаатар, О.Ууганбаатар, ОУХМ Г.Хэрлэн, аймгийн арслан Э.Мөнхжаргал гээд шигшээ данстай тамирчид манайд харьяалалтай. Л.Энхрийлэн, Б.Баасанхүү нар ч улсын шигшээ багт бэлтгэл сургуулилтаа базаадаг. Алба хаагчид маань дэлхийд данстай эдгээр тамирчдаа дэмжиж амжилт ялалтад нь баярлаж суудаг. Дан ганц жүдо ч биш, спортын олон төрлийн тамирчид “Сүлд”-ийн харьяаллаас бэлтгэл сургуулилтаа базааж, тив дэлхийн хэмжээнд амжилт үзүүлээд явж байна. Хөдөлмөрийн баатар П.Содномпилжээ ч энд бэлтгэлээ базааж байгаад л олимпийн аварга болсон.

-Өнгөрсөн жил Сар шинийн барилдаанд Э.Мөнхжаргал аймгийн заан цолтой барилдаж түрүүллээ. Бага цолтой бөх том барилдаанд цойлж түрүүлсэн нь түүхийн шинэ хуудас нээсэн. Тухайн үед танд ямар сэтгэгдэл төрж байв?

-ШШГЕГ-ын үе үеийн удирдлагууд спорт хороонд бага цолтой бөхчүүд харьяалагдаж байна гэх шүүмжлэл хэлдэг байсан юм. Өнгөрсөн жил Э.Мөнхжаргал ийм ойлголтыг эвдсэн. Бага цолтой бөх том барилдаанд өндөр амжилт үзүүлэх бүрэн боломжтойг харуулсан. Өнгөрсөн зун наадмаар Булган аймгийн заан Б.Түвшинтөгс тав давж улсын начин цол хүртсэн. Энэ залуу мөн л “Сүлд” спорт хорооных. Тэгш ойн жилийн наадмаар Б.Серик маань сайн барилдаж улсын заан цол хүртсэн. Манай спорт хорооны дасгалжуулагчаар улсын начин Ж.Чулуунбат ажилладаг. Улсын заан Н.Жаргалбаяр, улсын харцага Т.Баасанхүү, өсөх идэр начин Ч.Батчулуун нарын улсын цолтнууд залуу бөхчүүдийн хамт бэлтгэл сургуулилтаа хийдэг.

-Одоо хоёулаа өнгөрсөн жилийн наадмын талаар хөөрөлдье л дөө. Ардын хувьсгалын 100, 101 жилийн ойн их баяр наадмаас танд ямар сэтгэгдэл үлдэв?

-Улсын баяр наадам монголчуудын дархлаа гэдгийг өнгөрсөн зун илүү сайн ойлголоо. Бид улсын их баяр наадмаа үзэж дархлаагаа тогтоодог улс юм байна. Сүүлийн хоёр ч жилийн хугацаанд сар шинийн барилдаан тодорхой шалтгааны улмаас завсарлаад байлаа. Улсын наадмаа ч тэмдэглэж чадалгүй нэг жил өнжсөн. Энэ утгаараа ч юм уу нийгэм бухимдалтай байв. Үндэсний их баяр наадмаа үзэж л сэтгэл зүйн дархлаагаа тогтоолоо гэж харсан. Олон бөх улсын цолны босго алхлаа. Шинэ аварга төрлөө. Их сайхан сэтгэгдэл үлдсэн шүү. Үндэсний баяр наадмын тухай хуулийн шинэчилсэн найруулгаар 10 жилд нэг удаа 1024 бөх барилдахаар болж байна. Одоо 2031 онд Ардын хувьсгалын 110 жилийн ойгоор 1024 бөх барилдана. Энэ бүхнээс үзэхэд онцлог үйл явдлууд давхацсан наадам боллоо гэж харж байна.

-Та дархан аварга цолны даваанд Б.Орхонбаярыг амлаж барилдаад өвдөг шороодсон. Залуу арслангаас ямар хий зай харж амлав. Ер нь ямар барилдаан төлөвлөж гарсан бэ?

-Тухайн үеийн л мэдрэмж юм даа. Шуудганд хүрэхэд л Б.Орхонбаярыг давна гэж тооцоолсон хэрэг. Нөгөө талд П.Бүрэнтөгс, О.Хангай нарын барилдаан удаж хэн хэнийгээ цуцаах болов уу гэж тооцоолж байлаа. Түрүү үзүүрийн барилдаанаа бас хараад байна шүү дээ (инээв). Барилдаан санаснаар болох биш дээ. Эгзэгтэй үед бага зэрэг алдаа гаргаад өвдөг шороодсон. Тэр барилдаанд нэг их харамсаагүй ээ. Сайхан үзээд л унасан.

-Та барилдааны явцад арслангийн алсын сүвээнээс дүүрэн атгаж авсан шүү дээ. Тэр том барьцыг “чулуу” болгож чадсангүй юу. Дараад унахад л дархан аварга болох байлаа.

-Барилдаан ч ерөнхийдөө миний төлөвлөснөөр л явсан. Барилдааны явцад алсын сүвээний барьц атгаад “Одоо алдаж болохгүй, заавал дарж унана шүү” гэх бодол толгойд зурвас орж ирсэн юм. Яг энэ хоромд л Орхонбаярын хөмрөө ороод ирсэн. Шийдсэн мэх нь даацтай болж би унасан. Хэрэв доогуур даваанд тийм барьц байрлал надад олдсон бол дайраад л хаяж болох байх. Тухайн үеийн хэдхэн хоромд яагаад ч юм тийм бодол ороод ирсэн.

-Б.Орхонбаяр таны аманд очихдоо суларсан байв уу. Өмнөх даваанд Б.Бат-Өлзий заантай цаг гаруй ноцолдсон шүү дээ. Маш хүнд барилдаан хийсэн.

-Наадамд өндөр даваанд гарч барилдах зорилготой бөх 4-5 хүнд барилдааны ачаалал даах хэмжээнд бэлтгэлээ базаадаг. Орхонбаярын тухайд залуу хүн амархан сэргэсэн байна лээ. Бэлтгэл нь ч тун сайн байсан. Гэхдээ барилдааны эхэнд гар нь бага зэрэг суларсан нь анзаарагдаж байсан.

-Та ер нь тэсрэлттэй залуу бөхийн оронд П.Бүрэнтөгс аваргыг амлаад барилдчихаж болоогүй юм уу. Та хоёрын давсан нь л цол ахих байсан шүү дээ.

-Яах вэ. П.Бүрэнтөгсийг амлаад барилдаж болно. Би давбал дархан аварга, Бүрэнтөгс давбал даян аварга болно. Тухайн үед миний гаргасан шийдвэр л Б.Орхонбаяр. Болоод өнгөрсөн асуудал.

-Таны тухайд 1980-аад оны дунд үеийн төлөөлөл. Өнөөдөр бөхийн дэвжээнд 1998 оны бар жилтнүүд ширүүн өрсөлдөж байна. Шинэ мянганы төлөөлөл бөхчүүд ч гялалзаад эхэллээ. Ийм ширүүн өрсөлдөөнөөс та дархан аварга болох боломжоо яаж харж байна вэ?

-Дархан аварга цолтой бөх 100 жилийн хугацаанд найм ес л төрдөг. 11 жилд нэг дархан аварга төрдөг үзүүлэлт бий. А.Сүхбат, Г.Өсөхаяр нарын аваргуудаас хойш дархан аварга цолтон төрөөгүй байгаа. Тэр хоёр хүний араас залгачих юмсан гэх бодол байсан ч болсонгүй. Миний дотор цолоо ахиулах бодол байсан ч дархан аваргын төлөө тэгж их шунаж улайраад байгаа юм алга. Мэдээж бэлтгэл сургуулилтаа маш сайн хийнэ. Тэгээд хаа хүрэх нь үү. Дархан аварга болбол болно,болохгүй бол болохгүй. Бөхийн дэвжээг орхиход сүүлд харамсаад байхгүйн тулд л ингээд явж байна.

-Залууст тахимаа өгөх ч арай болоогүй биз дээ?

-Болоогүй ээ. Сая хөлбөмбөгийн дэлхийн аваргаар цом өргөсөн Месси чинь надтай яг чацуу. Надаас ах Роналду ямар гайхалтай хөлбөмбөг үзүүлж байна. Энэ хүмүүсийн тамирчны замнал дуусах яагаа ч үгүй байгаа биз дээ. Үндэсний бөх их спорт шиг хурд тэсрэлт шаардах нь гайгүй. Өдөр тутмын амьдралын зөв хэвшлийг сонгоод явахад 40 гартлаа дүү нартайгаа барилдана л гэж боддог юм. Манай үндэсний бөх чинь нас, жин, өндөр заадаггүй онцлогтой. Өрсөлдөгчөө сонгож барилдах цолтой бөхийн давуу тал надад байна. Хэдэн жил ард түмнээ баясгаад сайхан барилдана аа. Үүний тулд л өдөр бүр бэлтгэл сургуулилтаа хийгээд явж байна.

-Ингэхэд та наадмын өмнө бэртэлтэй байсан гэв үү?

-“Увс нуур” галын сорилгын үеэр аймгийн харцага Х.Наранбаяртай барилдах явцдаа гуяны дотор талаа

бэртээчихсэн юм. Бэлтгэлийн үеэр бол алхахад хөндүүрлээд амар байгаагүй шүү. Гүйцэд илааршуулж амжилгүй зүү тавиулж байгаад л наадамд барилдахаар гарсан. Хүмүүсээс нуугаад ямар нэгэн боолт зүүлгүй шууд барилдсан юм. Тэсэрвэл гуяны бэртлээ хөндчих болов уу гэх айдас төрж л байлаа.

-Та доороос ямар бөхчүүдийг бэлтгэж байна вэ?

-Шүүхийн шийдвэрийн алба хаагчид долоо хоногт 2-3 удаа бэлтгэл хийдэг юм. Завсар зайгаар нь намайг гээд ирсэн хүүхдүүдэд мэдэх юмаа хэлж, зааж зөвлөөд л явж байна. Арай түрүүлж ойлгож ухаарсан зүйлээ л хэлээд явдаг юм. Чигээрээ явбал эд маань хэдэн жилийн дараа л ойлгоно. Алдаа оноогоо эрт тунгаагаад явбал өөрсдөд

залуу бөхчүүддээ харамгүй хэлж өгдөг. Энд бэлтгэл хийж буй залуусын маань хоёр нь өнгөрсөн зун аймгийн арслан боллоо. Нэг нь аймгийн заан боллоо. Аймгийн начингууд ч байна. Цаашид дажгүй барилдах байх аа.

-Баттулгын Өсөхбаяр арслан тантай цуг бэлтгэл хийж байна уу?

-Сүүлийн гурван жил надтай хамт бэлтгэл хийж байна. Бөхийн спортыг сонгож байгаа бол өөрийгөө бүрэн дайчилж л амжилтад хүрнэ. Саяны барилдааны үеэр өнгөрсөн наадмын түрүү бөхийг хоёрын даваанд давж байна лээ. Аваргыг давж л аварга болдог. Өөрт байгаа боломжоо олж харсан болов уу гэж найдаж байгаа. Үндэсний бөхөөр хичээллэж байгаа хэдэн мянган залуусын хэн илүү хөдөлмөрлөнө тэр хүн л өндөр амжилт үзүүлнэ.

-Сүүлд нь асуухад та өөрийн нэрийн “БАСУ” брэндийг гаргасан байна лээ. Спортын нэр хүндийг ийм зарчмаар ашиглах нь зөв жишиг санагддаг юм.

-Жижиг дунд үйлдвэрлэл гэх юм уу даа. Бэлтгэлийн хувцас үйлдвэрлээд явж байна. Одоогоор хараахан худалдаанд гаргаж амжаагүй л байна. Жүдо бөх болон хүндийн өргөлт, таэквондогийн шигшээ багийн тамирчдын хувцсыг бэлтгэдэг. Дотооддоо чанартай биеийн тамирын хувцас үйлдвэрлэж болох жишиг тогтоохыг зорьсон. Юм бүхнийг л гаднаас авчирч байна. Ядахад тамирын хувцсаа ч болов дотооддоо чанартай хийдэг болчихвол хаа хаанаа л хэрэгтэй.

21


Сэтгэгдэл (21)

⚠ Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.



66.181.161.42Зочин   • 2023, 1 сарын 10. 11 цаг 23 минут

Tiim barits avsan hvn chine orgood tsatsaad gargaad ireh baisiin gej boddog sh de Sansa aar boldgvi l bh l da

202.9.47.22ган   • 2023, 1 сарын 10. 9 цаг 40 минут

баянмөнхийг хэрэггуй талбайд гаргаж цол дуудуулсын.Даваагуй бөх цол дуудуулснаас Увсынхны хийморь доройтсон,Ойрын 20 жилдээ Увсын бөх улсад туруулэхгуй болсон.

103.26.194.9Допингийн аварга   • 2023, 1 сарын 9. 18 цаг 23 минут

Допингиын аварга!!!! Хүрэлсүх ерөнхийлөгчийн хүргэн гэсэн. тэгээд л допингоор аварга цол аваад эрхээ 11 сараар хасууллааа ч гэх шиг???!!!! новшийн худлаа амьтан, луйвардаж аварга болсон. Худал цолыг хурааж авах цаг ирэх бизээ.

66.181.176.241Зочин   • 2023, 1 сарын 9. 9 цаг 39 минут

Өшөө их амжилт гаргаараи

66.181.161.37Зочин   • 2023, 1 сарын 8. 20 цаг 57 минут

saihan baridaanch sain awarga sportiin amjilt hvsii darhan awarga bolooroi

59.153.113.178Үнэн   • 2023, 1 сарын 8. 19 цаг 44 минут

ГОЁ БӨХ ШҮҮ. МУУ ХЭЛЭЭД БАЙГАА НЭГЭНД АВЪЯАС НЬ БХАД ААГ НЬ ХАМТ ЯВДАГ ЮМАА. ГЭЖ ХЭЛЬЕ. ХОВОР БӨХ ГЭЖ БОДОЖ ЯВДАГ ДА

103.26.194.9гөлөг шаа   • 2023, 1 сарын 9. 18 цаг 24 минут

Допинг шаа. батсуурь өөрөө бичээд инээдтэй!!

66.181.160.68Buhchin   • 2023, 1 сарын 8. 18 цаг 33 минут

Buhiin huvid bol gaihamshigtai buh daanch judag baihgui novsholdoo ter etsgee duraisan biz

103.26.195.54Зочин   • 2023, 1 сарын 8. 18 цаг 09 минут

Ам авахдаа л буруу ам авсан Орхонбаярт дараалаад уначихаад Бүрэнтөгс ийн авсан бол цол нэмэх байлаа

202.126.88.172Ah ni   • 2023, 1 сарын 8. 17 цаг 53 минут

Olon zaluuchuudiin khudulmur,khuchiig uneguiduulsen dee!!!

202.126.90.28Basu   • 2023, 1 сарын 8. 9 цаг 30 минут

Doping. Olon jil dopindsondoo

66.181.183.63Мөнхөө   • 2023, 1 сарын 8. 8 цаг 58 минут

Спорт хувцас дотооддоо хийхн маш зөв шүү

192.82.89.233Зочин   • 2023, 1 сарын 8. 8 цаг 50 минут

Даян аваргад амжилт хүсье.

103.26.194.9Удахгүй хураалгана. Луйвар!!   • 2023, 1 сарын 9. 18 цаг 27 минут

Луйвардаж авсан цол. Ацаараа даян аварга!!! Допингийн хүргэн... удахгүй хураалгана.

118.235.13.116Зочин   • 2023, 1 сарын 8. 8 цаг 06 минут

Durvud hun hun bish durvun shiir mah bish

146.70.61.248Би   • 2023, 1 сарын 10. 1 цаг 34 минут

Бөөсөг чинь

118.235.12.24Зочин   • 2023, 1 сарын 8. 8 цаг 05 минут

Darhan avarga yg bolj haragdaach .neg saihan dopin uuval ch boloh l baig

103.161.242.155Ops   • 2023, 1 сарын 7. 22 цаг 38 минут

Сайн аварга шүү дэмждэг дархан аварга болох болтугай нээрээ л амлах эрх нь бн цолны дайралт хийнэ шүү

66.181.191.52Зочин   • 2023, 1 сарын 7. 13 цаг 31 минут

Mundag awraga shvv darhan awraga bolooroi

64.119.24.42зочин   • 2023, 1 сарын 7. 13 цаг 08 минут

Гаднаас харахад хэнэггүй хүн байдаг ярилцлага сайхан сэтгэгдэл төрүүллээ.

202.126.90.120М   • 2023, 1 сарын 7. 11 цаг 34 минут

Тусгаар тогтносон Монгол улс гэж байдаг шүү гэдгийгээ жил бүр дэлхийд харуулж, тунхагладаг дархлаа юм уу даа Наадам .



ШИНЭ МЭДЭЭ

Ашиглалтын хамгийн олон лиценз “МАК”, “Гацуурт” хоёрт, хайгуулынх "Цайна инвэстмент монголиа"-д байна5 сар 30. 7:26Үерийн эрсдэлтэй бүсэд голын голдирол өөрчлөн барьсан барилга, байгууламжийг буулган, даланг хүчитгэж байна5 сар 30. 7:24Б.Энх-Амгалан: Сонсголоор хэн нэгнийг гэмт хэрэгтэн буруутан болгож шүүхгүй5 сар 30. 7:19Улаанбаатарт бага зэргийн бороотой, +15...+17 градус дулаан байна5 сар 30. 7:08Зурхай:Үс шинээр үргээлгэх буюу засуулбал эд, эдлэл, идээ, ундаа олно5 сар 30. 7:05УИХ-ын гишүүн асан Ц.Гарамжавыг АТГ-аас баривчилсан байна5 сар 29. 17:38Цэцэрлэгийн хүүхдийн өдрийн хоолны зардлыг 500 төгрөгөөр нэмэгдүүлнэ5 сар 29. 12:57Н.Өнөрцэцэгт холбогдох хэргийн шүүх хурлыг хаалттай хийнэ5 сар 29. 10:44Дүнжингараваас ХУД-ийн И-Март хүртэлх уулзварыг 6 хоног хааж, шинэчилнэ5 сар 29. 10:35Өнөөдөр: Олон улсын энхийг сахиулагчдын өдөр5 сар 29. 10:30ЭИ: Цаазын ялын тоо 2023 онд 30 хувиар нэмэгдсэн5 сар 29. 10:26ЗГ: Цэцэрлэгийн хүүхдийн хоолны зардлын хэмжээг шинэчлэн тогтоох тухай хэлэлцэж байна5 сар 29. 9:47Гэрээсээ дайжсан хүүхдүүдийн 60 гаруй хувь нь охид байна5 сар 29. 7:543х3-ын “Эмэгтэйчүүдийн Дэлхийн Гранпри" зургадугаар сард Улаанбаатарт болно5 сар 29. 7:49Улаанбаатарт бороотой, +14...+16 градус дулаан байна5 сар 29. 7:20Зурхай: Ургаа мод таслах, газрын ам нээх, гөлөг тэжээхэд муу өдөр5 сар 29. 7:17АН-аас Дорнодод дэвшихээр болсон хоёр найз хэн бэ5 сар 28. 12:35Түүхэн товчоон: КОМИНТЕРН (Коммунист Интернационал)5 сар 28. 8:20Б.Анхзаяа: Улс төрийн шинэ соёл хандлагыг түгээж, олон нийтэд танилцуулж чадсан улс төрийн хүчинд их боломж байна5 сар 28. 8:14Л.Гантөмөр: АН сонгуульд бэлэн. Бид Монголын ардчиллыг хамгаалж УИХ-ын сонгуульд оролцоно5 сар 28. 8:13Ли Син Жэ: БНСУ-ын Е9 виз илүү удаан хугацаанд албан ёсоор ажиллах боломж олгодог5 сар 28. 8:12Амралтын өдрүүдэд “Санал авах загвар гэр” ажиллана5 сар 28. 8:11Лу.Гантөмөр: Намын шийдвэр, намын даргын явуулсан нэрс нэг л байгаа5 сар 27. 14:29Үер усны аюулаа урьдчилан сэргийлэх, бэлтгэл байдлыг хангахыг орон нутгийн удирдлагуудад даалгалаа5 сар 27. 13:56Бурхан, шашны 82 ширхэг эд зүйлс хулгайлсан этгээд 7 жилийн дараа зарж борлуулах гэж байгаад баригджээ5 сар 27. 11:12Хүнсний 4 дүгээр дэлгүүрийн уулзвараас ШУТИС-ийн уулзвар хүртэлх авто замыг шинэчилнэ5 сар 27. 10:38Нэг дүгээрт ХҮҮХЭД ❤️5 сар 27. 8:09Зэсийн үнэ өсөж, гадаад худалдааны эргэлт 8.4 тэрбумд хүрэв5 сар 27. 7:49Түүхэн товчоон: Умард Хүннү5 сар 27. 7:46ЭХНИЙ ТОВЧ ЗӨРВӨЛ ҮЛДСЭН НЬ БҮГД БУРУУ5 сар 27. 7:43“Их-7”: Европт "гацсан" ОХУ-ын хөрөнгийн асуудлыг шийдвэрлэнэ5 сар 27. 7:41Монголын улстөрчид шунал шүглэсэн “чөтгөр, шуламнууд” болчихоод зовоож байна5 сар 27. 7:40Нам, эвслүүд нэр дэвшигчдийнхээ материалыг СЕХ-нд хүргүүллээ5 сар 27. 7:07Улаанбаатарт +24...+26 градус дулаан байна5 сар 27. 7:04Зурхай:Үс шинээр үргээлгэх буюу засуулбал “Сайн нөхөртэй учирах” хэмээх сайн5 сар 27. 7:00Нэг дүгээрт ХҮҮХЭД ❤️5 сар 25. 11:04Эрдэмтэд дэлхийтэй ойролцоо хэмжээтэй, онолын хувьд амьдрал байх боломжтой гараг нээжээ5 сар 25. 10:55Ж.Цэвээнжав: Газрын тосны хуулийг урж хаядаггүй юм аа гэхэд хурдхан өөрчлөх ёстой5 сар 25. 10:53Ихэнх нутгаар бороо орж салхи шуургатай байх тул болзошгүй эрсдэлээс урьдчилан сэргийлэхийг анхааруулав5 сар 24. 14:05Гамшгийн үед үүрэг гүйцэтгэх техник хэрэгслийн бэлэн байдал 68,4 хувьтай байна5 сар 24. 12:36
 Facebook Twitter Youtube