“Иргэдийн оролцоо нэгдэл” намын дарга Ц.Оюунгэрэл Ерөнхий сайд Л.Оюун-Эрдэнийн захирамжаар байгуулагдсан Н.Энхбаяр ахлагчтай ажлын хэсгээс боловсруулсан “Шинэ Үндсэн хууль”-ийн төсөлтэй холбоотой асуудлаар байр сууриа илэрхийлэв.
Тэрбээр “МАН-ын дарга Л.Оюун-Эрдэнийн захиалгаар МАХН-ын дарга асан Н.Энхбаярын удирдсан ажлын хэсгийн зохиосон ордны хуйвалдааны бичиг баримттай уншиж танилцлаа. Энэ төсөлд иргэдийн өмчилж авсан газрыг булааж авах заалтыг оруулсан байна. Иргэдийн өмчилсөн газрыг төрөөс хянаж, нийтийн сайн сайхан, хүн амын эрүүл мэндийн эсрэг ашигласан бол хурааж авна гэдэг заалтыг оруулжээ. Хашаандаа нүхэн жорлонтой айлыг хүн амын эрүүл мэндэд сөргөөр нөлөөлж байна гэж үзээд газрын хурааж авах, гэр хорооллыг хүссэнээрээ барилгажуулах заалтыг Үндсэн хуульд оруулах гэж байна. Гэр хорооллын иргэдийн газар руу шунаад эхэлжээ” гэлээ.
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.