Хөгжлийн банкны хоёр дахь нээлттэй сонсголд Х.Баттулгыг хүү, охиных нь хамт гэрчээр дуудна

Хөгжлийн банкнаас санхүүжүүлсэн төсөл, хөтөлбөрийн хэрэгжилт, үр дүн, зээл олголт, эргэн төлөлтийн явц, байдлыг хянан шалгах түр хорооноос  нотлох баримтыг шинжлэн судлах сонсголыг зохион байгуулж буй.

Хоёр дахь сонсгол ирэх хоёрдугаар сарын 6-8-ны өдрүүдэд болно. Энэ талаар түр хорооны дарга, УИХ-ын гишүүн Б.Энхбаяр өнөөдөр сэтгүүлчдэд мэдээлэл хийлээ.

Хөгжлийн банкнаас санхүүжүүлсэн төсөл, хөтөлбөрийн хэрэгжилт, үр дүн, зээл олголт, эргэн төлөлтийн явц, байдлыг хянан шалгах түр хорооноос  нотлох баримтыг шинжлэн судлах сонсголыг зохион байгуулж буй.

Хоёр дахь сонсгол ирэх хоёрдугаар сарын 6-8-ны өдрүүдэд болно. Энэ талаар түр хорооны дарга, УИХ-ын гишүүн Б.Энхбаяр өнөөдөр сэтгүүлчдэд мэдээлэл хийлээ.

Тэрбээр "Эхний удаагийн сонсгол таван өдөр үргэлжилж, Хөгжлийн банкнаас шууд санхүүжүүлсэн зээл, түүний зарцуулалттай холбоотой асуудлаар 60 орчим компанийн талаарх шинжээчийн дүгнэлттэй танилцсан. Ирэх долоо хоногийн даваа гарагт хоёр дахь сонсгол эхэлнэ. Гурван асуудал хэлэлцэнэ.

1. Хөгжлийн банканд хяналт, шалгалт хийж байсан байдал. Эрх бүхий байгууллагаас гаргасан дүгнэлт, зөвлөмжийн үр дүнг эхлээд хэлэлцэнэ. Үүнтэй холбоотой 21 албан тушаалтныг гэрчээр дуудна. Нэгдүгээрт миний бие өөрөө байгаа.

2. Хөгжлийн банкны охин компаниас санхүүжүүлсэн үйл ажиллагааны үр дүн, эргэн төлөлтийн асуудлыг хэлэлцэнэ. Санхүүгийн түрээстэй холбоотой 40 орчим харилцаа үүссэн байна. Үүнээс шинжээчийн дүгнэлтээр нэмж тодруулах шаардлагатай, зөрчилтэй, эсхүл эргэн төлөлт хангалтгүй гэх 10 орчим санхүүгийн түрээстэй холбоотой хэлцлүүдийг ярилцана. Үүнд нийт 35 гэрч дуудагдана.

3. Хөгжлийн банкнаас санхүүжүүлсэн улсын төсөвт суусан, Засгийн газрын төсөл хөтөлбөрийн багц гэсэн асуудлыг ярина. Энэ бол зээл биш. Хөгжлийн банкнаас 2012-2016 оны үед улсын төсөвт суулгаж эргэн төлөх нөхцөлтэй санхүүжүүлсэн 350 орчим төсөл, арга хэмжээний үр дүнг сонсоно.

Эндээс тодруулах шаардлагатай гэж 43 гэрчийг дуудна. Тухайлбал Эдийн засаг хөгжлийн сайдаар ажиллаж байсан Н.Батбаяр, Үйлдвэр, хөдөө аж ахуйн сайдаар ажиллаж байсан Х.Баттулга, Ерөнхий сайд асан Н.Алтанхуяг. "Шинэ төмөр зам" төслийн хүрээнд олон хүн дуудагдана. Тухайлбал, "Түмэн хишигтэн" ХХК-ийн хувьцаа эзэмшигч Баттулгын Хүлэгт, Намуун, Номин гэдэг хүмүүс дуудагдахаар байна" гэлээ.