Ирэх сонгуульд тойргоо сольж нэр дэвших улс төрчдийн нэгээр УИХ-ын гишүүн, Цахим хөгжил, харилцаа холбооны сайд Н.Учрал яригдаж буй. Түүнийг Сүхбаатар дүүрэгт нэр дэвшихээр төлөвлөж байгаа гэсэн таамаг өмнө нь гарч байсан. Харин саяхан Сүхбаатар дүүргийн МАН-ын хорооны даргаар сонгогдсон нь энэ таамгийг бататгасан юм.
Н.Учрал тойргоо солихоор шийдсэнийг илтгэх өөр нэг таамаг. Сонгууль ойртохтой зэрэгцэж УИХ-ын гишүүд иргэдтэйгээ ойр ажиллаж тойргоо усалж эхэлдэг. Тухайлбал сар шинийн баярыг угтаж тойргийнхоо ахмадууддаа гарын бэлэг тараадаг. Тэгвэл энэ жил СХД буюу УИХ-ын 28-р тойргийн ахмадуудад хүндэтгэл үзүүлэх УИХ-ын гишүүдийн нэрс дунд Н.Учралын нэр байгаагүй гэнэ. Эх сурвалжийн хэлж буйгаар 28-р тойргоос сонгогдсон П.Анужин, Э.Батшугар нар ахмадуудад хүндэтгэл үзүүлэхээр СХД-ийн хороодод мэдээ хүргүүлжээ.
Өнгөрсөн жил хэвийн боов тарааж шүүмжлэлийн бай болж байсан Н.Учрал гишүүн энэ жил бэлэг тараахгүй гэж шийдсэн үү эсвэл тойргоо сольж буй учир СХД-ийн сонгогчдыг услах шаардлагагүй гэж үзсэн үү гэдэг нь ирэх сонгуульд хаана нэр дэвшихээс нь тодорхой болох биз ээ.
МАН-аас Сонгинохайрхан дүүрэгт хоёр удаа нэр дэвшиж УИХ-ын гишүүнээр сонгогдож байсан Н.Учрал 2020 оны сонгуулиар "Сонгогчдоороо ажлаа дүгнүүлэхээр тойргоо солилгүй нэр дэвшиж байна" хэмээн сурталчилгаагаа хийж байсан юм.
Г.Жав
Сэтгэгдэл (3)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.
Яаж ч бсан МАН цаашаа баба муухай
Учралд том алба өгч гарт нь сүх атгуулбал бодлогогүйгээр хүлээхгүйгээр шуурхай чавчих нөхөр байна даа. Ёүхбаатарчууд хүн их танин даа. Тойргоо сольж давхисан Цогзолмаад хоч өгөөд л хөөгөөд явуулсан шүү.
Яачихсан шаналсан царайтай юм дээ ЖДҮ ээс олон авсан зээлээрээ байгуулсан тэр олон цёмэнтэн орд харштай компианиудаа удирдаад ажиллаж болдоггүй юм уу амалсан тойргийнхоо залууст ажлын байр гаргаж өгөөч