Л.Оюун-Эрдэнэ: Монгол Улсын Ерөнхий сайдын хувьд хандлагаа өөрчлөхөд бэлэн байна

“Хөдөөгийн сэргэлт-Чуулга уулзалт” Соёлын төв өргөөнд өнөөдөр /2023.03.10/ болж байна. Чуулганд УИХ, Засгийн газрын гишүүд, бодлого тодорхойлогчид болон хотоос хөдөөд гарч, үлгэр жишээ амьдарч байгаа залуус болон 1000 гаруй энгийн иргэн оролцож байгаа аж.

Ерөнхий сайд С.Оюун-Эрдэнэ чуулганыг нээж, Хөдөөгийн хөгжлийг тодорхойлоход хөгжлийн бодлого чухал учраас Алсын хараа-2050 бодлогын баримт бичгийг боловсруулж баталсан талаар илтгэл тавьсан.

Илтгэлд дурдсанаар өнөөдрийн байдлаар  Өмнөговь, Орхон, Дорнод, Дорноговь, Дархан-Уул, Сэлэнгэ 6 аймаг өөрсдийнхөө төсвийг бүрдүүлдэг бусад аймгууд улсаас татаас авсаар байгаа юм. Хэрвээ бүх аймаг өөрсдөө төсвөө бүрдүүлж чадвал хөдөөгийн хөгжил шат ахилаа хэмээн үзэж болох нь. Өнгөрсөн 30 жилийн хөгжлийн бодлогын нэг том алдаа бол нийслэлийн хэт төвлөрөл буюу хөдөөгөө хөгжүүлээгүй байдал юм.

Өнгөрсөн жил Засгийн газраас боловсруулсан Шинэ сэргэлтийн бодлогын гол зорилго бол 43 их наядын дотоодын нийт бүтээгдэхүүнээ 80 их наяд төгрөгт хүргэх.

Энэ хүрээнд 6 сэргэлтийн бодлогыг тодорхойлсны нэг Боомтын сэргэлт нь хөдөөгийн хөгжлийн бодлогод хамгийн их дэмжлэг болох нь. Боомтын сэргэлтийн хүрээнд Замын-Үүд, Алтанбулагийг хурддны замаар холбоно. Бүх боомтыг автозамаар холбоно.  Ингэснээр тээвэр ложистикийн бойм тайлагдана гэв. Мөн Ерөнхий сайдын зүгээс Хөдөөгийн сэргэлт концевцийг амьдралаараа үлгэрлэж байгаа залуустдаа талархал илэрхийлэв.

Тэрээр “Монгол Улсын Ерөнхий сайдын хувьд хандлагаа өөрчлөхөд бэлэн байна. Монгол Улсын Засгийн газар хандлагаа өөрчлөхөд бэлэн байна. Би гэдэг үзлээсээ бид гэдэгт шилжиж чадвал 30 жилд хүрэх үр дүндээ 3 жилийн дотор очих боломжтой” хэмээн онцлон хэллээ.

Чуулганд  Шадар сайд, Эдийн засгийн хөгжлийн сайд Ч.Хүрэлбаатар “Эдийн засгийн бүсчилсэн хөгжлийн үзэл баримтлал” сэдвээр мэдээлэл өгөв. Түүний мэдээлэлд Монгол Улсын иргэдийн бодит орлого өнгөрсөн жил 0.7 хувиар буурснаас хөдөөгийн иргэдийнх 15.6 хувиар буурсан гэв.