Хөгжлийн банкнаас зээл аваад зориулалтын бусаар ашиглаж, яаж үрэн таран хийсэн баримтууд ар араасаа хөвөрсөөр байна. Тухайлбал, Хөгжлийн банкнаас санхүүжүүлсэн төсөл хөтөлбөрийн хэрэгжилтийг хянан шалгах түр хорооны хуралдаан 4 дэхь өдрөө үргэлжилж байна. Өчигдөр Ноолуур хөтөлбөртэй холбоотой сонсгол явагдаж ноцтой баримт дэлгэгдсэн бөгөөд “Таванбогд трейд” ХХК-ийн захирал Ц.Баатарсайханыг гэрчээр дуудсан. Дээрх хөтөлбөрийн хүрээнд Хөгжлийн банкнаас “Голомт” банкаар дамжуулан 31.2 тэрбум төгрөгийн санхүүжилтийг зөвхөн “Ноолуурын үйлдвэрийн тоног төхөөрөмж шинэчлэл хийнэ” гэсэн нэрээр авчээ. Гэвч энэ мөнгө тоног төхөөрөмж, үйлдвэрлэл худалдаа болоогүй “Таванбогд фүүдс пицца” ХХК-ийн өр зээлийг даржээ. Тодруулбал, ноолуурын санхүүжилтээс 17,6 тэрбум төгрөгөөр өр дарж, 8,0 тэрбум төгрөгийг хадгаламжинд байршуулсан байж.
Эндээс харахад Монголд үндэсний гэх тодотголтой компани байхгүй юм байна. Албан тушаал ар өврийн байдлаа ашиглаж их хэмжээний зээл аваад зориулалтаар нь ашиглахгүй, эргүүлээд өр зээлээ дардаг. Өөрөөр хэлбэл бизнесийн зарчим гэж байхгүй, үйлдвэрлэл үйлчилгээ явуулах хүсэл сонирхол байдаггүй юм байна гэдэг нь эндээс харагдана. Ийм байхад Монголд үндэсний үйлдвэрлэл хөгжиж, жижиг дунд бизнэс эрхлэгчид бизнесээ явуулах ямар ч боломж алга. Тодруулбал “томчууд” нь боломжийг нь хулгайлж, татвар төлөгчдийн мөнгийг өөрсдөдөө ашигтай байдлаар авч, захиран зарцуулаад дуусгажээ.
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.