Банкны системийн хэмжээгээр чанаргүй зээл өмнөх сараас 10.9 хувиар өсжээ. Mөнгөний нийлүүлэлт (M2) 2023 оны хоёрдугаар сарын эцэст урьдчилсан гүйцэтгэлээр 30.2 их наяд төгрөг болж, өмнөх оны мөн үеэс 4 (15.2 хувь) их наяд төгрөгөөр өсөхөд валютын харилцах 2.7 (2.2 дахин) их наяд төгрөгөөр, валютын хадгаламж 1.6 (38.7 хувь) их наяд төгрөгөөр өссөн нь нөлөөлжээ.
Бага мөнгө (M1) 2023 оны 2 дугаар сарын эцэст урьдчилсан гүйцэтгэлээр 6.5 их наяд төгрөг болж, өмнөх сараас 103.7 (1.6 хувь) тэрбум төгрөгөөр буурч, өмнөх оны мөн үеэс 1 (19.1 хувь) их наяд төгрөгөөр өссөн байна. Бага мөнгө (M1)-ний 5.6 (85.9 хувь) их наяд төгрөг нь төгрөгийн харилцах, 919.2 (14.1 хувь) тэрбум төгрөг нь хадгаламжийн байгууллагаас гадуурх мөнгө байна. Бараг мөнгө өмнөх сарын эцэст урьдчилсан гүйцэтгэлээр 23.7 их наяд төгрөг болж, өмнөх сараас 625.7 (2.7 хувь) тэрбум төгрөгөөр, өмнөх оны мөн үеэс 2.9 (14.1 хувь) их наяд төгрөгөөр өссөн байна. Бараг мөнгөний 12.9 (54.6 хувь) их наяд төгрөг нь төгрөгийн хадгаламж, 5.8 (24.4 хувь) их наяд төгрөг нь валютын хадгаламж, 5 (21 хувь) их наяд төгрөг нь валютын харилцах байна.
Гүйлгээнд гаргасан бэлэн мөнгө 2023 оны хоёрдугаар сарын эцэст урьдчилсан гүйцэтгэлээр 1.2 их наяд төгрөг болж, өмнөх сараас 208.1 (20 хувь) тэрбум төгрөгөөр, өмнөх оны мөн үеэс 208.8 (20.1 хувь) тэрбум төгрөгөөр өсжээ гэж Үндэсний Статистикийн Хорооноос мэдээллээ.
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.