Хөгжлийн банкнаас 17 төсөл хөтөлбөрийн хүрээнд 1,6 их наяд төгрөг санхүүжилтийг арилжааны банкуудаар дамжуулан хөнгөлөлттэй зээл хэлбэрээр олгосон. 2013 онд санхүүжүүлж, Голомт банкаар дамжуулж олгосон Хөдөө аж ахуй, ноос ноолуур, сүү, хүлэмжийн болон оёдлын салбарын төслийн зээлийн үр ашгийн тооцооны талаар Хөгжлийн банкны гүйцэтгэх захирал Н.Мандуул доорх тайлбарыг хийв.
Тэрээр “Хөдөө аж ахуй, ноос ноолуур, сүү, хүлэмжийн болон оёдлын салбарын төслийг Чингис бондын эх үүсвэрээр санхүүжүүлсэн. Энэ төслийн онцлог нь шууд Голомт банк руу эх үүсвэр болох 269 тэрбум төгрөгийг олгосон байдаг. Хөгжлийн банкны ам.долларын эх үүсвэрийг банк өөрөө Голомт банкинд 2013 оны 8 дугаар сард ханш нь 1568,2 төгрөг байхад төгрөгөөр олгосон байдаг. Голомт банкнаас эргэн төлөлт нь 2017 оны 12 сард ам.долларын ханш 2489,5 төгрөг байхад хийсэн. Энэ хугацаанд Хөгжлийн банк 158 тэрбум төгрөгийн ханшийн алдагдал хүлээсэн. Нөгөө талдаа Голомт банк руу олгосон 5,5 хувийн хүүгээс 8,2 тэрбум төгрөгийн ашиг хийсэн. Ингээд нийтдээ Хөгжлийн банк зөвхөн энэ хөтөлбөрийн хүрээнд 150 тэрбум төгрөгийн алдагдал хүлээсэн байна.” гэлээ.
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.