Эрдоганыг Нобелийн шагналд нэр дэвшүүлэх санал санаачлагын талаар Кремль тодотгов

Украины мөргөлдөөнийг зохицуулахад Туркийн зуучлалыг Орос улс өндрөөр үнэлж байна гэж ОХУ-ын Ерөнхийлөгчийн хэвлэлийн төлөөлөгч Дмитрий Песков мэдэгдэв.

Тэрбээр "Мэдээж бид ноён Эрдоганы хүчин чармайлт, энхийг сахиулах үйл ажиллагаа, зуучлал, Орос-Туркийн хоёр талын харилцааг хөгжүүлэхэд чиглэсэн хандлагыг өндрөөр үнэлж байна" гэж мэдэгдлээ.

Мөн Песков Эрдоганыг Нобелийн энх тайвны шагналд нэр дэвшүүлэх Туркменистаны экс Ерөнхийлөгч Гурбангулы Бердымухамедовын саналд тайлбар хийлээ. Түүний хэлснээр, Туркийн удирдагч бол "иргэдийнхээ төдийгүй бүх лалын шашинт ард түмний амар амгалан амьдралыг хангахын төлөө агуу их ажил хийж буй гарамгай хувь хүн, дэлхийн хэмжээний улстөрч юм.

Бердымухамедов энэ санааг анх гаргаж байгаа хүн биш. Өнгөрсөн оны арванхоёрдугаар сарын сүүлчээр Туркийн парламентын дарга Мустафа Сентоп “Орос, Украины энх тайвныг тогтооход оруулсан хувь нэмрийг нь үнэлэн Эрдоганыг Нобелийн энх тайвны шагналд нэр дэвшүүлэх санаачилга гаргаснаа зарласан.

Түүнчлэн Унгарын Гадаад хэргийн сайд Петер Сийярто мөн Эрдоганыг тус шагналд нэр дэвшүүлэх санал дэвшүүлж, цэргийн мөргөлдөөний үеэр Орос, Украины хооронд зуучлалын амжилттай оролдлого хийсэн цорын ганц  хүн гэдгийг  тэмдэглэсэн.

Үүнээс гадна Туркийн удирдагчийн тохиролцоонд хүрэх хүчин чармайлтыг Пакистаны Сенатын дарга Мухаммед Садик Санжрани мөн тэмдэглэж, өнгөрсөн нэгдүгээр сард Туркийн ерөнхийлөгчийг шагналд  албан ёсоор нэр дэвшүүлсэн юм.

Эх сурвалж: Сentralasia.media