Казахстаны анхны ерөнхийлөгч Нурсултан Назарбаев зүрхний мэс засал хийлгэсний дараа анх удаа олны өмнө гарч ирсэн бөгөөд ням гарагт тэрээр Мажилис (парламентын доод танхим) болон маслихатын (орон нутгийн төлөөллийн байгууллага) депутатуудын ээлжит бус сонгуульд саналаа өгсөн байна.
Назарбаев “Астана Опера” театрын сонгуулийн санал авах байранд хүрэлцэн иржээ. Тэрээр нийт оролцогчдод мэндчилгээ дэвшүүлж, Наурызын баярын мэнд хүргэв.
“Наурыз ард түмэнд маань хаврын баяр баясгалан, урин дулааныг авчрах болтугай. Айл өрх бүрт хөгжил цэцэглэлт, хамгийн сайн сайхан бүхнийг хүсэн ерөөе” экс удирдагч асан хэлэв.
Энэ оны нэгдүгээр сард Назарбаев Астана дахь Зүрхний мэс заслын үндэсний шинжлэх ухааны төвд төлөвлөгөөт зүрхний хагалгаанд орсон юм. Өдгөө 82 настай улстөрч 1991 оноос хойш төрийн тэргүүнээр ажиллаж байгаад 2019 оны 3-р сард тэрээр өөрийн хүсэлтээр огцорч байв.
Эх сурвалж: Сentralasia.media
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.