Монгол Улсын Ерөнхийлөгч Ухнаагийн Хүрэлсүхийн санаачилгаар Монгол Улсын хүн ам, улс орны эдийн засгийг баталгаатай, хүрэлцээтэй усаар найдвартай хангаж, байгалийн үнэт баялаг болох усны нөөцийг хамгаалах, хэмнэлттэй, зүй зохистой ашиглахад талуудын оролцоог хангах, хамтын ажиллагааг бэхжүүлэх зорилгоор "Цэнхэр алт" усны салбарын үндэсний чуулган 2023 оны гуравдугаар сарын 24-нд болно.
Энэ хүрээнд өнөөдөр "Газрын доорх усны нөөц ба тулгамдсан асуудал" сэдвээр нэгдүгээр салбар хуралдааныг Цэнгэг усны нөөц, байгаль хамгаалах төв дээр зохион байгуулж байна.
Дэлхийн усны өдөр 3-р сарын 22-нд тохиох бөгөөд Өөрчлөлт сэргэлтийг хурдасгая уриан дор Монгол Улс тэмдэглэн өнгөрүүлнэ.
Өнөөдрийн хуралдаанаар доорх асуудлын хүрээнд болно.
- Газрын доорх усны талаар Төрөөс баримтлах бодлого;
- Газрын доорх усны ордуудыг хамгаалах стратегийн зорилт;
- Газрын доорх усны эрэл хайгуулын өрөмдлөгийн ажлын стандарт, нормыг шинэчлэх шаардлага;
- Монгол орны ус хангамжийн одоогийн нөхцөл , ундны усны чанар;
"Оюу толгой" ХХК-ийн Усны менежмент ба сайн туршлага гэсэн сэдвүүдээр илтгэл, хэлэлцүүлэг өрнөж байна. Хуралдаан ч усны эрдэмтэн докторууд илтгэл тавьж үүнтэй нь холбогдуулан асуулт хариулт авч байна.
Усны доктор Д.Басандорж “Илтгэл тавьсан хүмүүс маш чухлыг сонгожээ. 2030 он гэхэд бүх салбарт усны хэрэглээг үлэмж хэмжээгээр нэмэгдүүлж, усны хомсдлоос гаргана гэж яриад байдаг. Зорилтууд нь өөр өөр болоод байна. Ус хөтөлбөр 2020 онд дуусчихсан байна. Тэгэхээр бид бодлогын асуудлыг дахин ярих шаардлагатай байна. Стрессээ тайлаад өнгөрөх хурал биш байгаасай. Тиймээс Ерөнхийлөгчийн ивээл дор усны асуудлыг хийхээр болж байна.
Нэг өдөр Улаанбаатарчуудын ундны усыг хаачихвал яасан юм бэ. Тэгээд амаа мэдэг энэ дарга нар. Нэг ч грамм ч усгүй нэг өдөр өнжихөд баас шээстэйгээ яаж холилдож болохыг энэ дарга нарт үзүүлж мэдрүүлбэл яасан юм бэ. Агаарын бохирдол бидэнд мэдрүүлээд байна, тэгэхээр усаараа бас мэдрүүлмээр байна. Газар доорх усныхаа нөөцийг ашигласны төлбөр гээд 5-6 тэрбум төгрөг олдог биздээ. Энэ мөнгийнхөө тодорхой хувийг асуудалтай зүйлдээ зарцуулбал яасан юм бэ. Хууль байдаг даанч хэрэгждэггүй. Төсвийн цоорхойг нөхөөд байж болохгүй шүү дээ. Үүнийг Ерөнхийлөгчид сайн ойлгуулж хэлэх ёстой. Яах аргагүй тулгамдаж байгаа асуудал шүү. Гүний хоолойн ордуудаа хамгаалалтад авмаар байна. Усны хуулиндаа өөрчлөлт оруулж газар доорх баялагаа хамгаалмаар байна. Хэн дуртай хэн мөнгөтэй нь газар ухдаг баймааргүй байна шүү. Боловсон хүчний асуудал яригдаж байна. Барилгын яамтай ярьж хэлэлцэж байгаа зүйл бий” гэлээ.
Сэтгэгдэл (2)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.
ene balai um dandaa soliorch bdag, nerd garahiin don tussan nuhur, us duusna gej bhgui shyy
UB n 300 myanga oron suutsand amidarch bgaa ail urhuud us heregllee geed usgvi boloh gej bgaa bol hudlaa shu usaa gamtai ashiglaj zuv gehdee uur shaltgaan s bolood usgvi boloh baih yamar 300 n saya hvntei bish