Монгол Улсын 32 дахь Ерөнхий сайд Л.Оюун-Эрдэнэ өнгөрсөн жил өөрийн танхимаа бүрдүүлж, дан болон давхар дээлтэй сайд нараа томилж, засгийн ажлаа жинхэлж үйл ажиллагаагаа явуулж эхэлсэн. Хамгийн гол нь итгэл найдвар хүлээлгэж томилогдсон салбарын сайд нар нь өнөөдөр хэр ажиллаж байгаа вэ гэдгийг өнгөрсөн жилийнх нь ажил тайлагнаад өгч байна. Нэг жилийн хугацаанд хэр үр бүтээлтэй ажиллав. Салбар толгойлсон сайд нар хариуцлагатай байсан уу гэдэг асуудал урган гарч ирнэ. Саартай салбар бий. Тухайлбал 16 сайдаа томилохдоо ХНХ-ын сайдаар Д.Сарангэрэлийг томилсон. Гэвч өөрийнхөө үг, үйлдлээс болж сар болохгүй хугацаанд сайдын суудлаасаа “унасан”. Харин дараа нь уг салбарыг УИХ-ын гишүүн Т.Аюурсайханаар удирдуулахаар томилсон ч бас “нүүрсний” хулгайн хэрэгт холбогдоод чөлөөлөгдсөн байгаа. Одоогоор сайдгүй байгаа яамыг энэ 7 хоногт сайдтай болгоно гэх. Тэгвэл өнгөрсөн жилийн хугацаанд Засгийн газрын үйл ажиллагааны биелэлт муу байгаа учраас салбарын 5 сайдад хариуцлага тооцож, хариуцлагын асуудлыг хөндөх нөхцөл байдал үүсчээ. Тодруулбал, Улсын Их Хурлын Төрийн байгуулалтын болон Эдийн засгийн байнгын хороод өчигдөр хамтран хуралдаж, Монгол Улсыг 2021-2025 онд хөгжүүлэх таван жилийн үндсэн чиглэлийн 2022 оны биелэлт, Монгол Улсын Засгийн газрын 2020-2024 оны үйл ажиллагааны хөтөлбөрийн 2022 оны хэрэгжилт, Монгол Улсын хөгжлийн 2022 оны төлөвлөгөөний гүйцэтгэлийн тайланг хэлэлцсэн байна. Өөрөөр хэлбэл, энэ хурлаар Засгийн газар болон сайдууд ямар ажиллаж байгаа талаар дүн тавьжээ.
Засгийн газрын Хэрэг эрхлэх газрын дэд дарга бөгөөд Засгийн газрын хяналт хэрэгжүүлэх газрын дарга Б.Баасандорж Засгийн газрын үйл ажиллагааны хөтөлбөр 39,2 хувьтай байгаа. 2022 онд хэрэгжүүлэх ажлыг 60,8 хувиар үнэлж УИХ-д өргөн мэдүүлсэн байгаа. Үлдсэн хугацаанд биелүүлэх боломжтой. Нийт 131 арга хэмжээ биелээгүй байгаа нь олон хүчин зүйлээс шалтгаалж байна. Төлөвлөлт бодит бус байхаас гадна Төрийн хэмнэлтийн тухай хуулийн хэрэгжилт зэргээс хамаарч гүйцэтгэл хангалтгүй байна гэсэн.
Харин сайд Ч.Хүрэлбаатар Засгийн газрын үйл ажиллагааны хөтөлбөрийн биелэлт 39,3 хувьтай байна. Биелэлт муутай байгаа учраас хамгийн багадаа таван сайдтай хариуцлага тооцохоор яригдаж байгаа гэжээ.
Тэгвэл хариуцлага тооцох таван сайд хэн бэ. Хамгийн муу ажиллаж байгаа хэл амтай сайд нарыг явуулах байх. Хамгийн түрүүнд ХХААҮХ-ийн сайд Х.Болорчулуун, араас нь ЭМ-ийн сайд С.Чинзориг, БХБ-ын сайд Ц.Даваасүрэнгийн нэр ч дуулдаж эхэллээ. Ийнхүү танхимын тэргүүнээрээ дүн тавиулж дүгнүүлж, суудлаасаа буух таван сайдын нэрс удахгүй ил болох байх. Нөгөөтэйгүүр сайд нараа муу сайн ажиллалаа гэсэн шалтгаанаар буулгаж, суулгаад, явуулаад байвал энэ Засгийн газрын чиг үүрэг, тогтвортой байдал, мерит зарчим юу болж хувирах вэ гэх мэт олон асуудал ар араасаа гарч ирнэ дээ.
Сэтгэгдэл (2)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.
Оюунэрдэнэ Хүрэлбаатар нар хамгийн түрүүнд зайлах хэрэгтэй
Хамгийн түрүүнд Болорчулуун Даваасүрэн хоёрыг явуул.мөн хотын даргыг зайлуул.