Өчигдөр 93 дугаар цэцэрлэгийн багш хоёр настай хүүхдийг харанхуй өрөөнд оруулж зодож биед нь хөхрөлт үүсгэсэн байна гэх мэдээлэлийг өнөө өглөө ээж нь цахим сүлжээнд тавьсан байсан. Тэгвэл энэ мэдээллийн мөрөөр хуулийн байгууллага шалгаад эхэлжээ.
ЦЕГ-ын өгч байгаа мэдээллээр "2023.03.21- ний өдөр миний охины цэцэрлэгийн багш зодож гэмтэл учруулсан байна гэх дуудлага, мэдээлэл цагдаагийн байгууллагад бүртгэгдсэн. Дуудлага, мэдээллийн дагуу БГДЦГ-ын 2 дугаар хэлтсээс шалгалтын ажиллагаа явуулж байгаа бөгөөд охины гэмтэлд гэмтлийн зэрэг тодорхойлуулахаар шинжээч эмч томилуулсан. Гэмтлийн зэргээс шалтгаалан эрүүгийн хэрэг эсвэл зөрчлийн хэрэг нээх асуудал яригдана. Хэрэв гэмтлийн зэрэг гарвал эрүүгийн хэрэг нээж, шалгаж, прокурорт саналаа танилцуулна" гэлээ.
Харин цахим сүлжээнд нэгэн ээж нь "2023 оны 3 сарын 20-н буюу нэгдэх өдрийн орой охиноо цэцэрлэгээс авдаг эгчийн гэрээс очиж авлаа.Танай охин цэцэрлэг дээрээ бэртсэн бололтой багш нь хэлж байна лээ гэж дамжуулан хэлж өглөө. Охиныхоо духыг хартал зүүн хэсэгтээ хөхөрч хавдан судас нь дагаж тэлсэн хагаралттай байлаа. Үүнийг хараад багш руу нь залган асуутал анги дээрээ тоглож байхад нь хүүхэд ийм болгочихлоо гэсэн хариу тайлбар өгсөн бөгөөд хөхрөлтөөс харахад бага насны ялангуяа хоёрхон настай хүүхдийн хийх үйлдэл яавч биш байсан.
Өглөө очиж камер шүүж үзтэл бурхан минь охиныг минь цэцэрлэгийн хаалганаас авхуулан чирж, газар унах үед нь гараас нь дээш татан савчиж агаарт өргөн чирж ариун цэврийн өрөө рүү авч орон 5 минут орчим байлгаж байгаа дүр зураг харагдлаа. Энэ хооронд юу болж байгаа нь ойлгомжтой байсан ба багш хүүхдийг камерын бичлэг хийгддэггүй газар оруулан хүчирхийлэл үйлддэг нь ил тод.
Угаасаа камерын бичлэг дээр багшаас өөр хүн хүүхдэд маань хүрээгүй нь тод бөгөөд томруун харагдана. Өмнө нь хүүхдийн маань хамранд шүр чихэж явуулах мөн хүүхэд хүндээр бие засах үед арчиж өгөөгүйгээс үүдэн хүүхдийн эмзэг газрууд өтгөндөө түлэгдэн үнэр орох, чих рүү нь цохисноос үүдэлтэй цус хуралт гэх мэт асуудлууд бишгүй гарч байсан ба цэцэрлэгийн эрхлэгч, арга зүйчид удаа дараа мэдэгдсэн боловч ямар ч арга хэмжээ авалгүй өдийг хүрсэн. 2 багш ангидаа орилж, хүүхдүүдтэй зүй бус харьцаж байгаа нь мэргэжлийн сурган хүмүүжүүлэх арга барил эзэмшсэн хүмүүс яавч биш. 93-r tsetserleg khukhed-khugjil юу хийдэг юм бэ? Энэ болзошгүй эрсдэлийг бид тооцоолоод удаа дараа гомдол гаргаад байхад эцсийн үр дүндээ хүүхэд минь бие болоод сэтгэлийн гэмтэлтэй болоод үлдлээ” гэж бичсэн байсан.
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.