Улсын дээд шүүхийн Захиргааны хэргийн танхимын нийт шүүгчийн хуралдаан 2023 оны 3 дугаар сарын 21-ний өдөр болж, иргэн Ш.Сайхансамбуугаас 2023 оны 3 дугаар сарын 14-ний өдөр ирүүлсэн Ардын чуулган нам байгуулсныг улсын бүртгэлд бүртгүүлэх хүсэлтийг хэлэлцэв.
Хуралдаанаар нам үүсгэн байгуулсныг бүртгүүлэх өргөдөл зөрчилтэй хэвээр буюу гишүүний тоо 801-д хүрээгүй байх тул Ардын чуулган намыг улсын бүртгэлд бүртгүүлэх өргөдлийг буцаах шийдвэр гаргасан байна.
Мөн иргэн Б.Ганзоригоос 2023 оны 3 дугаар сарын 07-ны өдөр ирүүлсэн Их монгол засахуй ухаан нам үүсгэн байгуулсныг бүртгүүлэх хүсэлтийг буцаасан байна.
Шүүхээс Нам үүсгэн байгуулсныг бүртгүүлэх өргөдөлд хавсаргасан баримт зөрчилтэй хэвээр, түүнчлэн үүсгэн байгуулах хурлыг хийхдээ Улс төрийн намын тухай хууль болон Улс төрийн намын бүртгэл хөтлөх журмыг зөрчсөн гэж үзэн өргөдлийг буцаав гэжээ.
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.