АНУ Украинд 350 сая долларын цэргийн тусламжийн шинэ багц хуваарилав

АНУ-ын Төрийн нарийн бичгийн дарга Энтони Блинкен Украинд 350 сая ам.долларын  цэргийн шинэ тусламж үзүүллээ гэж мэдэгдэв. Түүний хэлснээр, нийлүүлэлтийн жагсаалтад HIMARS харвах төхөөрөмжийн сум, гаубиц, танк эсэргүүцэх зэвсэг, HARM пуужин багтсан байна.

"Энэхүү цэргийн тусламжийн багцад Украины өөрийгөө хамгаалахад ашигладаг АНУ-аас олгосон HIMARS болон гаубицуудад зориулсан нэмэлт сум, мөн явган цэргийн  "Bradley" байлдааны машин, HARM пуужин, танк эсэргүүцэх зэвсэг, сум, завь болон бусад техник хэрэгсэл багтсан" гэж Блинкен хэлснийг "Ройтерс" агентлаг иш татжээ. 

Пентагон Украинд ни йлүүлж буй зэвсгийн жагсаалтыг танилцуулав. Үүнд:

-Пуужингийн (HIMARS) системд болонхөдөлгөөнт их буунд  зориулсан сум: 

-155 мм-ийн их бууны сум;

-25 мм-ийн сум;

-Өндөр хурдны цацрагийн эсрэг пуужин (HARM);

-81 мм ба 60 мм-ийн миномет болон минометийн сум хэрэгсэл

-AT-4 танк эсэргүүцэх зэвсгийн систем;

-Гранат харвагч, жижиг зэвсэг болон холбогдох сум;

-Нураах сум, саад тотгорыг арилгах төхөөрөмж;

-Мина цэвэрлэх төхөөрөмж;

-Түлшний сав бүхий чирэгчүүд;

-Дулааны мэдрэгч систем болон оптик ба лазерын зай хэмжигч;

-Гол мөрний эргүүлийн завь /катер/;

-Тээврийн хэрэгслийн засвар үйлчилгээ,  оношлогооны төхөөрөмж;

-Сэлбэг хэрэгсэл болон бусад хээрийн  тоног төхөөрөмж.

2021 оны нэгдүгээр сараас хойш АНУ Украины батлан хамгаалах хүч чадлыг нэмэгдүүлэхэд 32.8 тэрбум гаруй долларын хөрөнгө оруулалт хийсэн байна. Ү

2014 оноос хойш АНУ Украины нутаг дэвсгэрийн бүрэн бүтэн байдлаа хадгалах, хилээ хамгаалах, НАТО-той харилцах харилцаагаа сайжруулахад нь туслахын тулд сургалт, тоног төхөөрөмжид 34.9 тэрбум гаруй долларын  тусламж үзүүлжээ.

Эх сурвалж: Сentralasia.media