Холер буюу булчин задрах тахал дэлхий даяар цаашид тархах эрсдэл маш их байгааг Дэлхийн эрүүл мэндийн байгууллага анхаарууллаа.
Өчигдөр шөнө нийтэлсэн ДЭМБ-ын тойм мэдээнд тэмдэглэснээр, гуравдугаар сарын 20-ны байдлаар 24 улсад өвчний шинэ тохиолдлыг бүртгэсэн аж.
Тодруулбал, "2023 оны хоёрдугаар сарын 11-ний өдрөөс буюу өвчний талаарх өмнөх тойм мэдээ нийтлэгдсэнээс хойш нөхцөл байдал улам дордов. Шинээр дөрвөн улсад өвчний дэгдэлт бүртгэгдэж, гуравдугаар сарын 20-ны байдлаар нийт тоо 24-т хүрсэн. Энэхүү нөхцөл байдлыг харгалзан дэлхий даяар тархах эрсдэлийг маш их гэж үнэлж байна" гэж ДЭМБ-ын мэдээнд онцолжээ.
Он гарснаас хойш Зүүн-Өмнөд Африкт булчих задрах тахал өвчний дэгдэлт эрс нэмэгдсэн байна. Мэргэжилтнүүд ялангуяа "Фредди" хар салхины улмаас гуравдугаар сард Малави, Мозамбик улсуудад байдал улам дордож болзошгүй гэж санаа зовж байгаа гэнэ. Оны эхээр Замби, Зимбабве, Танзани, Өмнөд Африк болон Африк тивийн зүүн хэсэгт шинэ дэгдэлт бүртгэгджээ.
ДЭМБ “Олон улс оронд өмнөх жилүүдтэй харьцуулахад нас баралтын түвшин өндөр байна" гэж мэдэгдэв.
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.