Сүхбаатар аймгаас сураггүй алга болсон охиныг дөрвөн жилийн дараа эсэн мэнд олжээ. Тодруулбал тухайн аймгийн цагдаагийн газрын жижүүрийн ахлах мөрдөгч, цагдаагийн ахмад Р.Бямбашагай дөрвөн жил сураггүй алга болсон охиныг олж ээжид нь хүлээлгэн өгчээ. Иргэн А нь Сүхбаатар аймагт дөрвөн жилийн өмнө хүүхдээ алдсан бөгөөд түүний хүүхдийг өргөж авах санал тавихад ээж нь зөвшөөрөөгүй тул хулгайлсан байж болзошгүй хэргийг илрүүлсэн байна. Охиноо алдсаны дараа А гэр бүлээрээ Дорноговь аймаг руу нүүсэн бөгөөд Сүхбаатар аймгийн цагдаагийн ахмад Р.Бямбашагай дөрвөн жилийн турш тасралтгүй хайсны эцэст охины сургийг гаргаж, Сүхбаатар аймгаас олж, охиныг төрсөн ээжид нь хүлээлгэн өгчээ.
Хэргийн шалгалтын явцад хүн хулгайлсан хэргээр охиныг авч явсан этгээдэд хэрэг нээн шалгаж байгаа ч охины хойд эцэг нь хүнд өргүүлсэн байж болзошгүй нөхцөл мөн урьдчилсан байдлаар тогтоогдсон байна. Хэргийг Дорноговь аймгийн цагдаагийн газар шалгаж байна.
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.