Өнөөдөр Төрийн ордонд УИХ-ын гишүүн Х.Булгантуяа, Б.Баярсайхан хоёр камерын өмнө шүгэл үлээж үзүүлэв. Харсан хүн бүхэн Шүгэл үлээгчийн тухай хуультай л холбож ойлгосон байх. Гэтэл тийм биш юмаа, Хүүхэд хамгааллын урьдчилан сэргийлэх чиглэлээр “Шүгэл” төслийг УИХ-ын гишүүн Х.Булгантуяа санаачилан оруулж байна. Хүүхэд аюулд, хүчирхийлэлд өртөх үедээ шүгэл үлээх юм байна гэж ойлгов. Мөн хүүхдүүдийг ч байнга шүгэлтэй явж шүгэл үлээхийг ч уриалав. үүлийн үед бага насны хүүхдүүд хүчирхийлэлд өртөж эрүүл мэнд амь насаараа хохирч байна. Тиймээс өөрт учирч тулгарч магадгүй эрсдлээс өөрийгөө хамгаалах зорилгоор шүгэл үлээж мэдээлэл дамжуулж байх ёстой гэнэ. Гэхдээ шүгэл үлээснээр хүүхэд аюулаас хамгаалагдахгүй гэдгийг гишүүд мэдэхгүй байгаа бололтой. Шүгэлдсэнээс ямар нэгэн эрсдэл аюулаас хамгаалагдана гэдэг нь өөрөө өрөөсгөл ойлголт.Хүчирхийлэгчид хүүхэд шүгэлдэхийг хүлээж байж байхгүй.
Үнэндээ Төрийн ордны хурдын индрээс шүгэл үлээх, хүчирхийлэгчдийн хажуунаас шүгэл үлээх нь тэнгэр газар шиг ялгаатай өөр нөхцөл юм шүү, Х.Булгантуяа, Б.Баярсайхан хоёроо. Та хоёр шиг тайван орчин нөхцөлд хүүхэд хүчирхийлэлд өртөх гээд шүгэлдээд, хүчирхийлэгч нь шүгэлдүүлээд зогсож байх вэ дээ.
Харин ч шүгэл үлээсэн хүүхэд эрсдэлд орж эрүүл мэндээрээ хохирч байсан харамсалтай хэрэг БНСУ-д 2008 онд гарч байжээ. Тодруулбал, Солонгост шүгэл зүүсэн охины шүглийг булааж байгаад хоолойг нь боогоод алсан хэрэг гарч байж. Мөн шүгэл руу нь цохиод шүдийн нь хугалсан хэрэг гарч байжээ. Харин манай улсад олон жилийн хойно сэтгэсэн ажил болжээ. Тиймээс энэ ажил хэрэг нь хэр удаан хугацаанд үргэлжлэх, хэр үр бүтээлтэй ажил байхыг цаг хугацаа л харуулах болов уу даа.
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.