Г.Амартүвшин: Засгийн газар хэлбэрдсэн хөрөнгө оруулалт хиймээргүй байна

 УИХ-ын чуулган хуралдаж байна.

УИХ-ын гишүүн Г.Амартүвшин: Сургууль, цэцэрлэг  барьж, шинээр ашиглалтад орууллаа гээд тууз хайчлаад л байдаг. Гэтэл ашиглалтад орсон сургууль нь үйл ажиллагаа явуулья гэхээр багш нарт нь компьютер хэрэгсэл, тэр байтугай зарим анги нь ширээ сандал ч үгүй байна. Жишээ нь: Хан-Уул дүүргийн 163, 214, 34, 115  дугаар сургууль. Ноднин улсын төсөвт тоног төхөөрөмжинд нь зориулж 750 сая төгрөг суулгасан боловч Боловсролын яам ямар ч ажил хийгээгүй. Ингээд төсөв нь татагдсан байдаг. Сургууль шинээр ашиглалтад орж байгаа нь сайн боловч багш нар, сурагчдын хичээл хийх боломжийг хангах хэрэгтэй. Хоосон сайхан байшин байгаад яах вэ дээ. Хэлбэрдсэн ийм хөрөнгө оруулалт хиймээргүй байна. Тиймээс анхаарна уу.

Хоёрт, зээлийн хүү буурсан гээд бичжээ. Гэтэл амьдрал дээр зээлийн хүү буураагүй байна. Аж ахуйн нэгжүүдийн авч байгаа зээл жилийн 15-19 хувийн хүүтэй байна. Гэтэл яагаад буурсан гэж дүгнээд байгаа юм бэ. Эдийн засгаа сайжруулья гэвэл аж ахуйн нэгжүүдээ дэмжих хэрэгтэй. Манайд компанийн ашгийн марж нь 40 орчим хувьтай байдаг. Татвараа төлөөд 10 гаруй хувьтай л үлддэг. Ер нь зээлийн хүүндээ идэгдээд дуусч байгаа. Татварын бодлогодоо анхаармаар байна. Компаниуд Нийгмийн даатгалын өрнөөсөө одоо л гарч байна шүү дээ.

Гуравт, Улаанбаатар хотын шинэ орон сууц, барилгажилт.ын асуудал байна  Сургууль цэцэрлэгийн асуудлаа шийддэггүй, замын ачааллаа бодоогүй баахан шинэ орон сууц барилаа. Хан-Уул дүүргийн 18 дугаар хороо байна. Манай барилга барьдаг сайд нар зөндөө л хороолол барьсан байдаг. Хоёр эгнээ замын нэг эгнээнд битүү машин тавиад өдөр шөнөгүй түгжрэл. Сургууль, цэцэрлэгийн газаргүй. Тэгэхээр шинээр баригдаж байгаа хорооллын зураг төсөлд маш өндөр шаардлага тавьдаг болмоор байна.

БХБ-ын сайд Ц.Даваасүрэн: Газар олдлоо л бол ямар ч төлөвлөлтгүй бариад байгаагаас барилгаын салбарт дээр ийм асуудал үүсээд байна. Хөрөнгө мөнгийг зөв ашигладаггүй. Өнгөрсөн жилүүдэд барилгын салбарт 3 их наядын хөтөлбөр гээд Монгол банк гаргасан байгаа юм. Өөрсдөө ч цохьсон. Хөгжлийн банк ч бас баахан мөнгө гаргасан. Дарга нар нь өөрсдөө цохьсон.  Ингэхээр төлөвлөлтөөр шийдэх юмнууд нь байхгүй болдог.  Улаанбаатар хоёр жил төлөвлөлттгүй явж байна. Ер нь, нэн яаралтай төлөвлөлтийн асуудлыг шийдэхгүй бол байдал энэ хэвээр үргэлжлээд л байна.  Дүрэм журмаар нь явбал нийслэл хотын асуудлыг шийдэж болно шүү дээ.