Mөнгөний нийлүүлэлт 2023 оны хоёрдугаар сарын эцэст урьдчилсан гүйцэтгэлээр 30.2 их наяд төгрөг болж, өмнөх оны мөн үеийнхээс 4 (15.2 хувь) их наяд төгрөгөөр өсжээ. Үүнд валютын харилцах 2.7 (2.2 дахин) их наяд, валютын хадгаламж 1.6 (38.7 хувь) их наяд төгрөгөөр өссөн нь нөлөөлөв.
Бага мөнгө дээрх хугацаанд урьдчилсан гүйцэтгэлээр 6.5 их наяд төгрөг болж, өмнөх сарынхаас 103.7 (1.6 хувь) тэрбум төгрөгөөр багасаж, өмнөх оны мөн үеийнхээс 1 (19.1 хувь) их наяд төгрөгөөр нэмэгдэв. Үүний 5.6 (85.9 хувь) их наяд төгрөг нь төгрөгийн харилцах, 919.2 (14.1 хувь) тэрбум төгрөг нь хадгаламжийн байгууллагаас гадуурх мөнгө байгааг Үндэсний статистикийн хороо мэдээллээ.
Бараг мөнгө өнгөрсөн сарын эцэст урьдчилсан гүйцэтгэлээр 23.7 их наяд төгрөг болж, өмнөх сараас 625.7 (2.7 хувь) тэрбум, өмнөх оны мөн үеийнхээс 2.9 (14.1 хувь) их наяд төгрөгөөр нэмэгджээ. Бараг мөнгөний 12.9 (54.6 хувь) их наяд төгрөг нь төгрөгийн, 5.8 (24.4 хувь) их наяд төгрөг нь валютын хадгаламж, 5 (21 хувь) их наяд төгрөг нь валютын харилцах байна.
Гүйлгээнд гаргасан бэлэн мөнгө энэ оны хоёрдугаар сарын эцэст урьдчилсан гүйцэтгэлээр 1.2 их наяд төгрөг болж, өмнөх сарынхаас 208.1 (20 хувь) тэрбум, өмнөх оны мөн үеийнхээс 208.8 (20.1 хувь) тэрбум төгрөгөөр нэмэгджээ.
Гадаад цэвэр актив мөн хугацаанд урьдчилсан гүйцэтгэлээр 3.6 их наяд төгрөг болж, өмнөх сарынхаас 83 (2.4 хувь) тэрбум, өмнөх оны мөн үеийнхээс 1.7 (90.4 хувь) их наяд төгрөгөөр нэмэгдсэн байна. Дотоод цэвэр актив 26.7 их наяд төгрөг болж, өмнөх сарынхаас 439.1 (1.7 хувь) тэрбум, өмнөх оны мөн үеийнхээс 2.3 (9.4 хувь) их наяд төгрөгөөр нэмэгджээ. Мөнгөний нийлүүлэлтийн жилийн өсөлтийг дотоод цэвэр актив бүрдүүлсэн аж.
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.