Монголын залуу эрдэмтдийн холбооноос дижитал эриний шинэ бүхнийг эрэлхийлэгч, шилдэг залуу судлаач, эрдэмтдийнхээ дунд уламжлал болгон зангиагүй уулзалтыг 2017 оноос хойш тав дахь жилдээ зохион байгуулах нь.
Энэ удаагийн зангиагүй уулзалтыг “Explore and Create” уриан дор залуу эрдэмтэн судлаачдад өөрсдийн судалгааны ажил, шинэ санаа болон инновацын бүтээлүүдийг хэрхэн асуудал шийдвэрлэх шийдэл болгон хувиргах буюу бизнес болгох тухай энтрепренерийн сэтгэлгээ болон нэтвөркинг хөгжүүлэх зорилгоор зохион байгуулж буйгаар онцлог аж.
Тус арга хэмжээнд Монгол Улсын шинжлэх ухааны академи болон Дэлхийн гуравдагч орнуудын шинжлэх ухааны академийн Шилдэг эрдэмтэн, академич, шинжлэх ухааны доктор (Sc.D) Ж.Тэмүүжин болон Монголын үндэсний маркетингийн холбоо ТББ болон "Стартап Маркетинг Спэйс" ХХК-н үүсгэн байгуулагч, ТУЗ-н дарга, Мэдээлэл технологийн үндэсний паркийн захирал Ж.Золзаяа нар хүндэт илтгэгчээр уригджээ.
“Explore and Create” зангиагүй уулзалтыг олон улсад ахисан түвшинд магадлан итгэмжлэгдсэн Санхүү эдийн засгийн их сургууль болон Монос группийн гарааны бизнес, төсөл хөтөлбөрүүдийг хөгжүүлэгч "Inno HUB" хамтран зохион байгуулж байна. Тус арга хэмжээ гуравдугаар сарын 25-ны 17 цагт болно.
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.