АНУ-д залуучуудын нас баралт 2020 он гарснаас хойш мэдэгдэхүйц нэмэгдэж, сүүлийн 15 жилийн дээд түвшинд хүрсэн байна. Энэ нь 9-өөс доош насны америкчуудын тухай ярьж буй хэрэг. Эрдэмтэд АНУ-ын Өвчний хяналт, урьдчилан сэргийлэх төвийн мэдээлэлд дүн шинжилгээ хийхэд 2020 оноос 19 хүртэлх насны хүмүүсийн нас баралтын түвшин 10.7%, 2021 онд дахин 8.3%-иар тус тус өссөн байна.
Сүүлийн жилүүдэд залуучуудын эндэгдэл нэмэгдэж байгаагийн гол шалтгаан нь судлаачдын үзэж байгаагаар:
-Амиа хорлолт,
-Сэтгэлийн хямрал,
-Мансууруулах бодис хэтрүүлэн хэрэглэх,
-Аллага юм.
Үүнээс өмнө олон жилийн турш эрүүл мэнд, аюулгүй байдал сайжирсантай холбоотойгоор залуучуудын нас баралтын түвшин буурч байсан юм. Олон шинжээчдийн үзэж байгаагаар нас баралтын өсөлтийн бас нэг шалтгаан нь цар тахалтай холбоотой юм.
Залуучуудын дунд COVID-19-ийн нас баралт маш бага байсан ч хөл хорио, нийгмийн сөрөг өөрчлөлтүүд, нэг талаас эрүүл мэндийн тусламж үйлчилгээ муудаж, нөгөө талаас сэтгэцийн эмгэг, сэтгэл гутралын тархалт нэмэгдэхэд хүргэсэн. Судалгаагаар албадан тусгаарлах, зайн сургалтанд шилжсэнтэй холбоотойгоор олон нийтийн сүлжээнд зарцуулах цаг нэмэгдсэн нь залуучуудын сэтгэцийн эрүүл мэндэд сөргөөр нөлөөлсөн болохыг баталж байна.
Үүний зэрэгцээ, судалгааны зохиогчдын тэмдэглэснээр америкчуудын дунд амиа хорлох тохиолдол 2007 оноос, аллага 2013 оноос өсч эхэлсэн байна. 19-өөс доош насны хүмүүсийн нас баралтын нийт өсөлтөд 10-19 насны өсвөр насныхан хамгийн их хувь эзэлж байна.
Вашингтоны их сургуулийн профессор Фредерик Ривара хэлэхдээ, тахлын төгсгөл энэ чиг хандлагыг өөрчлөх магадлал бага. Учир нь одоо нас баралт нэмэгдэж байгаа нь юуны түрүүнд сэтгэцийн асуудал, зэвсгийн хүртээмжтэй холбоотой юм гэжээ.
Эх сурвалж: Сentralasiamedia
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.