Боловсролын зээлийн сангаас олгосон зээл, чөлөөлөлт, эргэн төлөлтийн талаар БШУ-ны сайд Л.Энх-Амгалан мэдээлэл хийлээ. Тэрээр "Иргэн О.Батнайрамдал БЗС-ийн мэдээллийг утгасан гэж мэдээлэл хийсэн. Өнгөрсөн хугацаанд зургаан удаа мэдээллийн систем хийх гэж 260 сая төгрөг зарцуулсан байдаг. Гэвч нэг ч систем хийгдээгүй. Системээ хүлээж аваагүй юм билээ.
БЗС-гийн 3 мянган зээлдэгчийн мэдээллээс 2100 нь алдагдсан, өмнө ажиллаж байсан хүмүүс устгасан гэх мэдээлэл бий. Зээлийн мэдээллийн сангаар мэргэшиж байсан ч ёс зүйн зөрчлөөр тушаал буурч ажиллаж байсан хоёр мэргэжилтний нэг нь ажлаасаа гарахдаа БЗС-ийн компьютероос зээлдэгч нартай холбоотой сүүлийн хоёр жилийн мэдээллийг хард диск дээр хуулж аваад, устгасан. Цагдаагийн байгууллагад ханд гэж Гарьд даргад даалгасан. Цагдаад хандсан боловч хэргийг нь хэрэгсэхгүй болгосон нөхцөл байдалтай байгаа юм билээ. Гэхдээ устсан гэх мэдээллүүд нь БЗС-ийн компьютероос устсан болохоос БШУЯ-ны архивд хадгалагдаж байгаа" гэлээ.
Сэтгэгдэл (1)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.
За одоо иргэдийн баталгаа нотолгоотой мэдээллүүдийн араам Энх-Амгалан, Гарьд нар муухай харагдаж бна, худлаа ярьж бгаа нь илт бна.