Засгийн газрын өнөөдрийн хуралдаанаар Баян-Өлгий, Ховд, Улаангом, Улиастай, Говь-Алтай, Мөрөн, Баянхонгор, Даланзадгад, Чойбалсан зэрэг орон нутгийн 9 чиглэлд долдугаар сарын 01-нээс дотоодын нислэгийг сэргээх зорилгоор "МИАТ" ТӨХК нислэг үйлдэх боломж бүрдүүлэхийг Засгийн газраас ЗТХЯ-нд даалгалаа. Ингэхдээ, агаарын тээврийн зорчих билетний үнийг 50-70 хувиар бууруулах боломж бүрдэх аж. Тухайлбал, Баян-Өлгий аймагт хоёр талдаа 1.8 сая төгрөгөөр нисдэг бол 800 мянган төгрөг болох нь. Орон нутгийн нислэгт "МИАТ" ТӨХК нь 2024 оны нэгдүгээр сарын 1-нийг хүртэл гаднаас нойтон түрээсээр онгоц авч ажиллах бөгөөд ирэх жилээс орон нутгийн чиглэлд нисэх зориулалтын онгоц авна гэлээ. Долоо хоногт 1-3 удаа нисэхээр тооцож байгаа юм байна.
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.