Засгийн газрын хуралдаанаас гарсан мэдээлэл, шийдвэрүүдийг танилцууллаа.
Эдийн засаг, хөгжлийн сайд Ч.Хүрэлбаатар "Монгол Улсын эдийн засгийн байдал нөхцөл ҮСХ-ноос мэдээлснээр нэгдүгээр улиралд 7.9 хувиар өссөн үзүүлэлттэй байна. Монгол Улсын валютын нөөц 3.8 тэрбум доллар буюу тогтвортой, өсөлттэй дүнтэй байна. Эдийн засгийн өсөлт гадаад эрэлтээс бий болж байгаа. Нүүрс олборлолт 3.3 дахин өссөн. Оюутолгой төлөвлөж байснаас 43 хувиар илүү үйлдвэрлэл явуулж байгаа нь эдийн засаг өсөх таатай нөхцөл бүрдүүлж байна.
Д.Оюун-Эрдэнийн Засгийн газар эдийн засгийг өсгөж цар тахлын өмнөх үеийн нөхцөл байдалд хүргэх зорилт тавьсан. Гурван салбараас бусад нь хүрээд байна. Уул уурхай, тээвэр, барилгын салбарт хараахан хүрээгүй байна. Эдийн засаг 7.9 өсөлттэй байгаа ч өвөлжилт амаргүй, малын зүй бус хорогдол их, шинэ төлийн тоо бага байгаагаас шалтгаалж, Хөдөө аж ахуйн салбар уналттай байна. Дотоодын эрэлт өөрчлөлтгүй байгаа. Эдийн засгийг гол өсгөж байгаа зүйл нь гадаад эрэлт байна." гэв
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.