Авлигатай тэмцэх газрын Урьдчилан сэргийлэх, соён гэгээрүүлэх хэлтэс энэ сарын 15-19-ний өдрүүдэд авлигын шалтгаан, нөхцөлийг арилгах, эрсдэлийг бууруулах чиглэлээр Нийслэлийн өмчийн харилцааны газар, “Эрдэнэт үйлдвэр”, Чингэлтэй дүүргийн Газар зохион байгуулалтын алба, Гаалийн ерөнхий газар, “Эрдэнэс Тавантолгой” зэрэг байгууллагад зөвлөмж хүргүүлж, хэрэгжилтийг нь хянаж ажиллажээ.
Төрийн үйлчилгээний хүнд суртал, чирэгдэл, албан тушаалтны ёс зүйтэй холбоотой иргэн, байгууллагаас ирүүлсэн улсын II эмнэлэг, Хүрээ амаржих газар, Говьсүмбэр аймгийн нэгдсэн эмнэлэг, Дотоод хэргийн их сургууль, Хан-Уул дүүргийн Онцгой байдлын газар, Завхан аймгийн Цагаанхайрхан сумын Засаг дарга зэрэг байгууллага, албан тушаалтанд хамаарах нийт 19 гомдол, мэдээллийг шалгаж шийдвэрлэсэн аж.
Мөн өнгөрөгч долоо хоногт авлигын эсрэг сургалт зохион байгуулж, 848 хүнийг хамруулжээ.
Эх сурвалж: Монгол Улсын Авлигатай тэмцэх газар
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.