Энэ мэдээ хуучирсан буюу 2023-05-27 нд нийтлэгдсэн байна.

Хоёр улсын боомтыг холбох 7 км нарийн цариг буюу 1200 гаруй км төмөр замын эхлэл

5/ 27/ 2023    8 цаг 10 минут

Засгийн газрын “Шинэ сэргэлтийн бодлого”-ын хүрээнд боомтын хүчин чадлыг нэмэгдүүлэхээр бүтээн байгуулалтын ажлыг эрчимжүүлж байгаа.

Хоёр улстай хиллэдэг 39 боомтоос 6 боомт дээр бүтээн байгуулалтын ажил, 11 боомт дээр судалгаа төсөл, зураг төсөл төлөвлөлтийн ажил хийж байгаа тухай өнгөрсөн оны сүүлээр Эдийн засгийн хөгжлийн яамнаас мэдээлэл өгч байсан. Тэгвэл энэ хүрээнд Шивээхүрэн-Сэхээ чиглэлийн нарийн царигийн төмөр зам барьж байгуулах ажлын эрхийг “Нарийнсухайтын төмөр зам” компанид өнгөрсөн долоо хоногт Засгийн газраас олгосон. Зам тээврийн хөгжлийн сайдын өгсөн мэдээллээр төмөр замын бүтээн байгуулалтын ажлыг 2023 оны тавдугаар сард эхлүүлж, 10 дугаар сар гэхэд ашиглалтад оруулах юм.

Тэгэхээр 7 км энэ төмөр замын ач холбогдол нь юу вэ, чухам яагаад нарийн царигаар барих болов, хэдий хэмжээний өртгөөр баригдаж байна вэ, яагаад хувийн хэвшилд тусгай эрхийг олгов...

Анх 2018 онд Засгийн газраас Шивээхүрэн боомтын хилийн зурваст боомтын зориулалттай төмөр зам барих шийдвэр гарч, “Монголын төмөр зам” ТӨХК-ийн 51 хувь, хувийн хэвшлийн “Нарийнсухайтын төмөр зам” ХХК-ийн 49 хувийн эзэмшилтэй “Шивээхүрэн төмөр зам” ХХК байгуулах тогтоол гарсан байдаг. Гэхдээ ковидын буюу цар тахлын жилүүдэд энэ ажил зогсонги байдалд орж, 2023 онд сая хамтарсан компанийг байгуулжээ. Компани байгуулахаас өмнө “Монголын төмөр зам” ТӨХК Шивээхүрэн хилийн боомт дахь төмөр замын техник эдийн засгийн үндэслэлийг боловсруулсан бол Нарийнсухайтын төмөр зам компанийн захиалгаар инженерийн нарийвчилсан зураг төслийн “Хяталын төмөр замын зураг төслийн корпораци” боловсруулсан байна.

“Нарийнсухайтын бүлэг нүүрсний орд”–оос экспортын нүүрс тээвэрлэх зорилготой гол төмөр замын урт нь 7 км ч салаа төмөр замтайгаа нийлээд нийт 20 орчим км энэхүү төмөр замаар жилд 10 сая тонн ачаа тээвэрлэхээр тооцсон байна.

Нарийн царигийн төмөр замын суурь бүтэц барих тусгай зөвшөөрөл болон суурь бүтцийн барилгын ажлын зөвшөөрлийг эзэмших эрхтэй болсон “Нарийнсухайтын төмөр зам” ХХК нь суурь бүтцийг 170 гаруй тэрбум төгрөгөөр, сэлгээний зүтгүүр, чингэлэг өргөгч, бусад тоног төхөөрөмж, багаж худалдан авахад 27.9 тэрбум төгрөг зарцуулна гэжээ. Ингээд төртэй хамтран байгуулсан “Шивээхүрэн төмөр зам” ХХК боомт дахь төмөр замын үйл ажиллагааны орлогоос 6 жилийн хугацаанд хувь нийлүүлэгчид ногдол ашиг тооцолгүй эргүүлэн төлөхөөр гэрээлсэн аж.

Жилд 10 сая тонн ачаагаа тээвэрлэж чадвал жилд дунджаар 90 гаруй тэрбум төгрөгийн орлоготой ажиллаж, 6 жилийн дараа анхны хөрөнгө оруулалтаа нөхөж, төрд буюу “Монголын төмөр зам” төрийн өмчит компанид хүлээлгэж өгөх аж.

Шивээхүрэн-Сэхээ чиглэлийн энэхүү нарийн царигт төмөр зам бол баруун босоо тэнхлэгийн төмөр замын эхлэл нь болох юм. Цаашид Шивээхүрэн-Арц суурь-Нарийнсухайт чиглэлийн 1250 км төмөр замыг барьж байгуулах тендерт Хятадын “Equipment Supply” ХХК шалгараад буй. Энэ төмөр замын ажлын концессын гэрээг зургадугаар сардаа багтаан хийж, гуравдугаар улиралд бүтээн байгуулалтын ажил эхэлнэ гэдгийг ЗТХ-ийн сайд С.Бямбацогт өгсөн мэдээлэлдээ онцолж байсан.

Өөрөөр хэлбэл эхлээд холболтын буюу хоёр улсын боомтыг холбох төмөр замыг барьж, араас нь 1200 гаруй км төмөр замын ажил эхэлнэ. Шивээхүрэн-Арц суурь-Нарийнсухайт чиглэлийн 20 гаруй сая тонн ачаа тээвэрлэх хүчин чадалтай төмөр зам дагуу уул уурхайн 10 гаруй орд бий гэх мэдээлэл ч бий.

0


Сэтгэгдэл (0)

⚠ Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.





ШИНЭ МЭДЭЭ

Хокүсэйхо А.Даваанинж сүмогоос зодог тайлж, түүний багш Хакүхо М.Даваажаргалыг зэрэглэл бууруулжээ2 сар 23. 12:21Нийслэлийн Засаг даргын зөвлөхөөр М.Найданхүү, Ж.Энхжаргалан нарыг томиллоо2 сар 23. 10:52“Nova-C” буугч төхөөрөмж өнөөдөр саран дээр газардах төлөвлөгөөтэй байна2 сар 23. 9:00АТГ: Төрийн албан хаагчийн ёс зүй, хүнд сурталд хамаарах 6 гомдол, мэдээллийг хянан шалгав2 сар 23. 9:00Энэ оны дөрөвдүгээр сарын 1-нээс цалин, тэтгэврийг  нэмнэ2 сар 23. 8:45МЕДВЕДЕВ:  ОХУ-ын зэвсгийн үйлдвэрлэл 1500 хувиар нэмэгдсэн2 сар 23. 8:45ЦАГ АГААР:  Хангай, Хөвсгөл, Хэнтийн уулархаг нутгаар цас орж,  шуурна2 сар 23. 7:45ЗУРХАЙ: Өнөөдөр Идэрийн барилдлагатай өдөр2 сар 23. 7:30Сэлбэ голын 21,340 тонн мөсийг зөөн тээвэрлээд байна2 сар 22. 17:05УИХ-ын дарга Г.Занданшатар Бүгд Найрамдах Киргиз Улсад энэ сарын 25, 26-ны өдөр айлчилна2 сар 22. 13:08С.АМАРСАЙХАН: Малчид Төрийн банкнаас 685 тэрбум, Хаан банкнаас 580 тэрбумын зээл авсан байна2 сар 22. 12:24Яармагийн гүүр орчмын шонг өвс ачсан “Норд бенз“ мөргөжээ2 сар 22. 12:09Элон Маск Цагаан ордонд нууцаар зочилжээ2 сар 22. 9:25БНСУ-д суралцах оюутнууд суралцангаа ажиллах хөтөлбөрт хамрагдана2 сар 22. 9:13Ерөнхий сайд Л.Оюун-Эрдэнэ зудын дараах нөхөн сэргээлт, малчдын амьдралд онцгой анхаарахаа илэрхийллээ2 сар 22. 9:10" Тавантолгой төмөр зам" ХХК-д Засгийн газар, Цагдаагийн байгууллагаас шалгалт оржээ2 сар 22. 8:30ЗУРХАЙ: Улаан бар сарын гурван хөх улаан луу өдөр2 сар 22. 7:45Өнөөдөр хангайн уулархаг нутаг болон Орхон голын сав газраар цас орж  шуурна2 сар 22. 7:30Туркийн үйлдвэрлэсэн тав дахь үеийн сөнөөгч онгоц анхны нислэгээ үйлдэв2 сар 21. 19:35Орон нутгийн замд хунгарласан цасыг цэвэрлэж, үнс, давс цацаж байна2 сар 21. 19:29НИТХ-ын зөвлөл нийслэлийн төсвийн тодотголыг хэлэлцэхийг дэмжлээ2 сар 21. 19:25НӨАТ-ын урамшууллын сугалаанаас 43 261 иргэн азтан болжээ2 сар 21. 19:21МАДУРО: Венесуэл улс  удахгүй БРИКС-т элсэнэ2 сар 21. 11:00Эрдэнэбүрэнгийн УЦС-ын үндсэн барилгын ажлыг эхлэх гэрээг удахгүй үзэглэх төлөвлөгөөтэй байна2 сар 21. 10:30Папуа Шинэ Гвинейн овог аймгуудын хооронд мөргөлдөөн болж 53 хүн амь үрэгджээ2 сар 21. 10:00Өнөөдөр НӨАТ-ын урамшууллын сугалааны тохиролтой2 сар 21. 9:30Малчдын зээлийн эргэн төлөлтийг 6 дугаар сар хүртэл хойшлуулна2 сар 21. 9:10Өнөөдөр болох үйл явдал2 сар 21. 9:06ФОН ДЕР ЛЕЙЕН: ЕХ ойрын өдрүүдэд Оросын хөрөнгийн орлогыг ашиглахыг хуульчлах болно2 сар 21. 8:50Г.Занданшатар: Татварын бодлогын цогц шинэчлэл нь дотоодын үйлдвэрлэгч, ажлын байр бий болгогчдыг дэмжихэд чиглэх ёстой2 сар 21. 8:30ЗУРХАЙ: Хаврын тэргүүн улаан бар сарын дөрвөн ногоон хөхөгчин туулай өдөр2 сар 21. 7:40ЦАГ АГААР: Өнөөдөр говийн нутгийн өмнөд хэсгээр цас орж, явган шуурга шуурна2 сар 21. 7:30"Тавантолгой төмөр зам" ХХК бичлэг нь задарсан ажилтнуудаа халжээ2 сар 20. 14:50Зудын гамшигт нэрвэгдсэн малчдад УБТЗ “ХНН” 500 сая төгрөг хандивлав2 сар 20. 13:45Үндсэн хууль: Газрын хэвлий, түүний баялаг төрийн нийтийн өмч Бодит байдал: Газрын хэвлий төрийн өмч, түүний баялаг “Ажнай” Д.Бат-Эрдэнийх2 сар 20. 12:19Путин Хойд Солонгосын удирдагч Ким Жон Унд Орост үйлдвэрлэсэн машин бэлэглэжээ2 сар 20. 10:44П.Сайнзориг: Энэ онд метроны суурь судалгаануудыг хийж, барилгын ажлыг эхлүүлнэ2 сар 20. 9:59АТГ: Хэрэг бүртгэлтийн 20 хэрэг шинээр нээв2 сар 20. 9:54Сүүлийн 49 жил ажиглагдаагүй цас ихтэй жил болж байна2 сар 20. 9:45 ЮЛИЯ НАВАЛЬНАЯ: Нөхрийнхөө үйл хэргийг  үргэлжлүүлнэ2 сар 20. 8:50
 Facebook Twitter Youtube