Япон улсын зүгээс ОХУ-ын эсрэг тавьсан хориг арга хэмжээг өргөжүүлж, өчигдөр Оросын 24 хувь хүн, хуулийн этгээдийн хөрөнгийг царцааж, 78 байгууллагыг экспортын хоригт оруулахаар төлөвлөсөн тухай мэдэгджээ.
ТАСС мэдээллийн агентлагаас мэдээллээр хоригт багтсан хүмүүсийн дунд сэтгүүлч Ольга Скабеева, Спарта батальоны командлагч Артём Жога, Алмаз-Антей концерны ерөнхий захирал Ян Новиков нар байгаа аж. Мөн Украины Донецк, Луганск, Херсон, Запорожжье мужуудын албан тушаалтнууд ч багтсан байна.
Жагсаалтад, Үндэсний баялгийн сан, Москвагийн Физик-техникийн хүрээлэн, Горькийн автомашины үйлдвэр, Эникс ХК, “Буревестник” судалгааны хүрээлэн, Рязань металл керамик багажийн үйлдвэр, Уралын иргэний нисэхийн үйлдвэр зэрэг байгууллага оржээ.
Японы Засгийн газрын төлөөлөгч Хирокацу Мацуногийн баасан гарагт буюу өчигдөр хийсэн мэдээллээр Япон шинэ хоригийн хүрээнд ОХУ-д барилга, инженерийн үйлчилгээ үзүүлэхгүй гэжээ.
Мөн зургадугаар сарын 2-ноос Оросын 80 байгууллагад экспортын хязгаарлалт хийхээр шийдвэрлэсэн. Одоогоор 437 байгууллагад экспортын хязгаарлалт тогтоогоод байгаа юм.
Украинд үүссэн нөхцөл байдлын улмаас Японы зүгээс ОХУ-д тавьж байгаа үе шаттай хоригууд нь Оросын 1000 орчим хүн, 100 орчим байгууллагад аль хэдийнэ нөлөөлжээ. Үүнээс гадна Альфа-Банк, ВТБ, Новикомбанк, Промсвязбанк, Россия банк, Сбербанк, Совкомбанк болон бусад 40 орчим байгууллага, компанийн хөрөнгийг битүүмжилсэн байна. Үүнээс гадна Япон улс экспортлохыг хориглосон бараа, технологийн жагсаалтыг баталсан бөгөөд үүнд 800 орчим нэр төрлийн бүтээгдэхүүн багтсан байна.
Эх сурвалж: ТАСС
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.