Гоо сайхны тэргүүлэгч эмнэлгүүдийн нэг “Glowday” энгийн хүмүүс дунд санал асуулга явуулж, тэдний нүдээр "40-өөс дээш насны од”-доос хэн нь сэтгэл татам байдлаа хадгалж, наснаасаа залуу харагддагийг олж мэдэхээр шийджээ.
Нэгт-Женнифер Лопез / 53 настай/
Иргэдээс Ж.Ло хамгийн их буюу 38 хувийн санал авч, жагсаалтын 1-р байрыг эзэлжээ. Гоо сайхан бол цаг хугацаатай ямар ч холбоогүй гэдэгт итгэдэг тэрээр нас, гадаад төрх байдлын тухай тэр бүр ярьдаггүй. Түүний амьдралын философи нь сэтгэл хөдлөлөө хянаж чаддаг байх. Лопез хоолны хатуу дэглэмд дургүй. Хэзээ ч өлсгөлөн явдаггүй. Гэхдээ хэзээ ч хэтрүүлдэггүй. Түүний хоолны жоронд ногоо, загас, самар заавал байдаг. Зуушны хувьд үргэлж жимс эсвэл сүүтэй уургийн ундаа авч явдаг бөгөөд өдрийн хамгийн сүүлийн хоол 18.30 гэх дэглэмийг чанд баримталдаг.
Женнифер Энистон /54 настай/
Жагсаалтын хоёрт Холливудын од Женнифер Энистоныг нэрлэжээ. Тэр бол авьяас төдийгүй гадаад төрхөөрөө хамгийн алдартай од.
Жүжигчин гоо үзэсгэлэнгээ хадгалахын тулд нүүрээ мөстэй усаар угааж, спортоор хичээллэж, бясалгал хийж, органик гоо сайхны бүтээгдэхүүнийг илүүд үздэг бөгөөд кофены оронд жанцайны шүүс сонгодог. Тэрээр лазерын эмчилгээ хийлгэдэг ч гоо сайхны хагалгааг тэр бүр таашаадаггүй.
Ким Кардашиан / 42 настай/
Маке up артистуудад өөрийнхөө нүүр будалтаар байнга урам зориг өгч байдаг Ким Кардашиан гуравт орсон байна. Түүний гоо сайхны нууц нь шүршүүрийн гельдээ халбага элсэн чихэр хийж, арьсаа байнга гуужуулдаг аж.
Уилл Смит / 52 настай/
Эхний таван хүний нэгээр Холливудын од жүжигчин, найруулагч, хип хоп уран бүтээлч Уилл Смит орсон байна. Ярилцлагуудынхаа нэгт тэрээр "Би сайхан харагдах дуртай, гэхдээ миний бие сайн ажиллахад хамгийн их дуртай" гэж залуу байхын нууцыг томъёолсон.
Виктория Бекхэм / 49 настай/
Жагсаалтын тавд, Британийн дуучин, дизайнер Виктория Бекхэм багтжээ. Тэрээр нүүрний массаж, лазер эмчилгээг сонгох дуртай, байгалийн гаралтай гоо сайхны бүтээгдэхүүн хэрэглэдэг, нүдний будгийг илүүд үздэг бөгөөд арьсны чийгшүүлэгчгүйгээр амьдралыг төсөөлөхийн аргагүй гэдэг . Түүний залуу сайхан харагдахын гол нууц бол гэрэлтсэн, эрүүл арьс юм.
Тэднээс гадна Холливудын од Том Круз / 60 настай/, Брэд Питт /57 настай/, хөлбөмбөгчин Дэвид Бекхэм /45 настай/, загвар өмсөгч Наоми Кэмпбелл /52 настай/ нар жагсаалтад багтсан байна.
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.