“Улаанбаатар” олон улсын медиа урлагийн наадамд АНУ, БНФУ, Тайванийн уран бүтээлчид оролцож байна

Монголын урлагийн зөвлөлөөс жил тутам зохион байгуулдаг “Улаанбаатар” олон улсын медиа урлагийн наадам найм дахь удаагаа энэ сарын 23-нд Занабазарын нэрэмжит Дүрслэх урлагийн музейд нээлтээ хийсэн юм.

Энэ удаагийн наадамд зургаан улсын нийт 23 уран бүтээлч нийслэлийн гурван байршилд уран бүтээлээ толилуулж буй. Тодруулбал,

V/19-VI/02-нд Монголын урлагийн зөвлөлийн дэргэдэх “Улаан гэр” галерейд Монгол, Тайванийн уран бүтээлчдийн бүтээлүүд

V/23-V/29-нд Занабазарын нэрэмжит Дүрслэх урлагийн музейд ХБНГУ, Япон, АНУ, БНФУ, Тайвань, Монголын уран бүтээлчдийн бүтээлүүд 

V/30-нд “White Rock” төвд АНУ, БНФУ, Тайванийн уран бүтээлчдийн 360o медиа бүтээлүүдийг толилуулах аж.

Энэхүү наадмын гол зорилго нь техник технологийн дэвшилд тулгуурласан шинэ хэллэг, хэв маяг бүхий медиа бүтээлийг үзэгчдэд хүргэх, медиа, дүрслэх урлагийн салбарын олон улсын хамтын ажиллагааг нэмэгдүүлэх, гадаад уран бүтээлчид болон профессорын лекц, сургалтууд зохион байгуулах замаар орчин үеийн урлагийн хөгжилд хувь нэмэр оруулах юм.

Хаалтын арга хэмжээ тавдугаар сарын 30-ны 19 цагт "White rock" центрт болох ба Франц, Америк, Тайван улсын дөрвөн уран бүтээлчдийн 360о медиа бүтээлүүдийг толилуулан наадам өндөрлөх болно.  

Хаалтын арга хэмжээнд:

360о медиа урлагийн бүтээлүүд толилуулагдах

Уран бүтээлчид:

Жон Вэллс (АНУ)

Марго Гийемо (БНФУ)

Хун Ю Хао (Тайвань)

Уильям Мэтисон (АНУ)

2022 оны “Улаанбаатар” медиа урлагийн наадмын зургуудаас…