Орос улс 2022 оны 3-р сард "Кинжаал" хэт авианы пуужинг анх удаа байлдааны нөхцөлд ашигласан гэж үздэг. Тухайн үед ОХУ-ын Батлан хамгаалах яам "Ивано-Франковск мужийн Делятын тосгон дахь Украины цэргийн пуужин, нисэхийн зэвсгийн газар доорх томоохон агуулахыг "Кинжаал" пуужингаар устгасан гэж мэдэгдсэн. Гэвч энэ нь зарим нэгэнд эргэлзээ төрүүлсэн юм.
2022 оны 5-р сарын 9-нд Украины "Өмнөд" командлал Оросууд Ту-22М3 бөмбөгдөгч онгоцноос гурван "Кинжаал" пуужингаар Одесса мужийг буудсан тухай мэдээлсэн. Гэхдээ Оросын Батлан хамгаалах яам энэ талаар тайлбар хийгээгүй. Дараа нь 2022 оны 8-р сарын эхээр Винница мужийг мөн пуужингаар дахин буудсан гэж Украины эх сурвалжууд мэдээлсэн.
Улмаар 2023 оны 5-р сараас Орос улс "Кинжаал"-ыг илүү системтэй ашиглаж эхэлсэн. Энэхүү цохилт Украинд АНУ-аас нийлүүлсэн "Patriot" цогцолборын эсрэг голчлон чиглэж байгаа нийтлэг агуулга харагдаж байгаа юм.
Тавдугаар сарын 8-нд Украины Зэвсэгт хүчин агаарын довтолгооноос хамгаалах “Patriot” систем Киевийн дээгүүр нисч байсан Оросын “Кинжаал”-ыг устгасан гэж мэдэгдсэн. Киев хотын дарга Виталий Кличко унасан пуужингийн хэсгүүдийг харуулсан бөгөөд энэ нь Кинжаалынх мөн үү, эсвэл Оросын бусад агаарын зэвсгийн нэг хэсэг үү гэсэн онлайн хэлэлцүүлэг өрнөжээ.
Үүнээс хэдхэн хоногийн дараа буюу 5-р сарын 16-нд Орос Киев рүү 18 пуужин, мөн "Шахед-136" нисгэгчгүй онгоц ашиглан том хэмжээний дайралт хийв. Киев рүү харвасан пуужингийн дотор зургаан "Кинжаал" байсан бөгөөд Украины армийн мэдээлснээр тэднийг бүгдийг нь устгасан байна.
Үүнээс үндэслэн “Кинжаал” пуужинг “Искандер” оператив-тактикийн баллистик пуужинд тулгуурлан бүтээсэн гэж үзэж байна. Ингэж дүгнэх шалтгаан нь "Кинжаал" ба 9M723 "Искандер" пуужингийн гадаад ижил төстэй байдал юм.
Нөгөөтэйгүүр "Кинжаал"-ын зарим шинж байдал нь нь Зөвлөлтийн хожуу үеийн Х-15 баллистик пуужинтай төстэй юм. Тухайлбал, онгоцноос харвасан пуужинг баллистик траекторийн дагуу бай руу чиглүүлдэг. Энэ пуужингийн ялгаа нь пуужингийн алслалт дээд тал нь 300 км хүрдэг. Харин X-15 нь анх цөмийн цэнэгт хошуунд зориулагдсан байсан боловч бусад өөрчлөлтүүд, тухайлбал хөлөг онгоцны эсрэг хувилбарууд гарсан.
X-15 харьцангуй бага хурдтай нисдэг, гадна талаасаа ч "Кинжаал"-тай нэг их төстэй харагддаггүй. Гэсэн хэдий ч X-15-ыг бүтээхэд ашигласан технологиудыг "Кинжаал"-ыг бүтээхэд ч ашигласан байх магадлалтай.
Байлдааны пуужингуудыг далавчит, баллистик гэж шинж байдлаар нь тодотгодог. Далавчит пуужин нь онгоц шиг нисдэг, далавчаараа агаарт зохицуулагддаг.
Харин баллистик пуужин нь дээшээ агаарт шидэгдсэн чулуу шиг нисдэг. Хөдөлгүүр ажиллахаа болих хүртэл баллистик пуужин дээш хөөрч, дараа нь байны чиглэлд доошилж эхэлдэг. Ийм замаар байндаа хүрдэг пуужинг баллистик гэж нэрлэдэг.
Эх сурвалж: ВВС
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.