Энэ мэдээ хуучирсан буюу 2023-06-07 нд нийтлэгдсэн байна.

Европын холбоо Каховская усан цахилгаан станцыг дэлбэлснийг дайны гэмт хэрэг гэж нэрлэв

6/ 7/ 2023 8 цаг 56 минут

Украины Каховская усан цахилгаан станцын даланг дэлбэлснээс Днепр мөрний эрэг орчмын суурин газрууд үерт автсан нь дайны гэмт хэрэг гэж Европын зөвлөлийн ерөнхийлөгч Чарльз Мишель мягмар гарагт мэдэгдэв.

"Иргэний дэд бүтцийг устгах нь дайны гэмт хэрэг гэж тодорхой заасан" гэж Мишель твиттер хуудсандаа бичжээ.

Тэрбээр болсон явдалд "шоконд орсон" гэдгээ нэмж хэлээд "Орос болон түүний агентуудад" хийсэн хэргийнх нь төлөө хариуцлага хүлээлгэнэ гэж амласан байна.

Каховка далан сүйрсэн нь олон мянган энгийн иргэдэд аюул учруулж, олонхи нь орон гэргүй болж, тусламж хэрэгтэй болж байна гэж НҮБ-ын Хүмүүнлэгийн хэрэг эрхлэх газраас мэдэгдэв. "Иргэд болон иргэний дэд бүтцийг онилж болохгүй" гэж НҮБ-ын мэдэгдэлд дурджээ.

6-р сарын 6-ны өглөө Украины Зэвсэгт хүчний "Өмнөд" шуурхай командлал Оросын цэргүүд Херсон муж дахь Каховская усан цахилгаан станцын даланг дэлбэлсэн гэж мэдэгдсэн юм.

Урьдчилсан мэдээллээр Оросын зэвсэгт хүчний 205 дугаар мотобуудлагын бригад Каховская усан цахилгаан станцыг дэлбэлсэн гэж Украины Ерөнхийлөгчийн Тамгын газрын даргын зөвлөх Михаил Подоляк мэдэгдэв.

Тодотгоход, Украины Зэвсэгт хүчин буудсаны улмаас Херсон мужийн Каховка усан цахилгаан станц (УЦС) эвдэрч, дээд хэсэг нь сүйрсэн тухай Новая Каховка хотын дарга Владимир Леонтьев мэдэгдсэн хэмээн Оросын тал мэдэгджээ. Ийнхүү энэ хэрэг явдлын хариуцлагын төлөө сөргөлдөгч хоёр тал бие биеэ буруутгаж байна.

Усан цахилгаан станцын далан сүйрсэний дараа Каховка усан сангийн усны түвшин 2.5 метрээр нэмэгдсэн, онцгой байдлынхан газар дээр нь ажиллаж байна гэж хотын дарга Владимир Леонтьев мэдэгджээ.

Эх сурвалж: Moscowtimes.ru

0

Сэтгэгдэл (0)

⚠ Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.