Сангийн сайд Б.Жавхлан, Хөдөлмөр, Нийгмийн Хамгааллын сайд Х.Булгантуяа нар Төсвийн тодотголын төслийг УИХ-д өргөн барьсан талаар мэдээлэл өглөө. Хүүхдийн мөнгийг бүх хүүхдэд олгох асуудлаар ХНХ-ын сайд Х.Булгантуяа "Монгол Улсын нийт хүүхдийн 91 хувь нь хүүхдийн мөнгөн тэтгэмж авч байгаа. Үлдсэн 9 хувьд нь хүүхдийн мөнгийг олгохоор болсон. Хүүхдийн мөнгийг нөхөн авах хүсэлт гаргахаар E-mongolia систем ачааллаа даахгүй болж магадгүй. Тиймээс хүүхдүүдийн хүсэлтийг өөр төрлийн цахим системээр авна. Эсвэл Хөдөлмөр халамжийн харьяа хэлтэст гаргах бололцоог бүрдүүлнэ. Одоо хүүхдийн мөнгөө авч байгаа хүүхдүүд нэмэлт хүсэлт гаргах шаардлагагүй. Архивт бүх хүүхдийн мэдээлэл бий. "Хүүхдийн төлөө сан"-д 11 орчим тэрбум төгрөг хуримтлагдсан, үүнээс нэг тэрбум төгрөгийн зарцуулалт хийгдсэн. Сангийн мөнгөөр иргэдийн хүсэлтээр хүүхдэд зориулсан бүтээн байгуулалт хийнэ. Иргэд "Хүүхдийн төлөө үндэсний сан"-д хүүхдийн мөнгөө хандивлах боломжтой" гэлээ.
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.