Энэ мэдээ хуучирсан буюу 2023-06-09 нд нийтлэгдсэн байна.

Сонгуулийн хуульд оруулах өөрчлөлтөөр нэр дэвшигчид тавих шаардлагыг өндөрсгөж чадах уу

6/ 9/ 2023    10 цаг 18 минут

Үндсэн хуулийн өөрчлөлтөөр УИХ-ын 2024 оны сонгууль холимог тогтолцоогоор явагдаж, намууд жагсаалтад 48, тойрогт 78 нийт 126 хүнийг нэр дэвшүүлэхээр болсон. Гэсэн ч Засгийн газраас Үндсэн хуулийн өөрчлөлтийн төслийг өргөн барихдаа дэвшүүлсэн үндсэн үзэл баримтлал үнэхээр хангагдаж, жагсаалтад  нийгмийн секторын төлөөллүүд багтаж чадах уу эсвэл өнгөтэй мөнгөтэй, эрх мэдэлтэй нь шургалах уу гэх зэрэг хариултгүй асуулттай залгаад намын наймааны асуудал яригдаж эхлэв.

Сүүлийн өдрүүдэд Ерөнхийлөгч асан Х.Баттулга, УИХ-ын гишүүн асан Н.Номтойбаяр нарыг нам авсан, өөрийнхөө хүмүүсийг улстөрд оруулахаар бэлтгэж байна гэх мэдээлэл гарлаа.

Одоогоор хэн хэн нь албан ёсны тайлбар өгөөгүй ч УИХ-ын сонгуулийн одоо мөрдөгдөж байгаа хуулиар Н.Номтойбаярын хувьд нэгэнт ял шийтгүүлсэн учраас нэр дэвших эрхгүй, харин Х.Баттулгын хувьд УИХ-д орох эрх нь нээлттэй.

Мөн Дээд шүүхийн бүртгэлд дээгүүрт бичигдсэн намуудын жагсаалт ч өндрөөр үнэлэгдэж эхэлсэн гэдгийг УИХ-ын зарим гишүүд хэлэв.

УИХ-ын өчигдрийн чуулганаар Сонгуулийн тухай хуульд оруулах нэмэлт өөрчлөлтийн төслийг хэлэлцэх үеэр Д.Ганбат нарын гишүүн энэ асуудлыг хөндөж, УИХ-ын дарга Г.Занданшатар ард түмний хүсч байгаа нэр дэвшигч хэмээн хэд хэдэн шаардлагыг Сонгуулийн тухай хуульд тусгах ёстой гэв.

УИХ-ын сонгуулийн тухай хуульд нэмэлт өөрчлөлт оруулах тухай хуулийн төслийг боловсруулах ажлын хэсгийн ахлагч Д.Тогтохсүрэн намуудын жагсаалттай холбоотойгоор “Нам, эвсэл нэр дэвшүүлэхдээ ардчилсан ёс, шударга ёсны зарчмыг баримталж, нийгмийн бүлгийн төлөөлөл, оролцоог хангана.”, “Нам, эвсэл нэр дэвшүүлэхдээ намын гишүүн, дэмжигчээсээ мөнгөн болон мөнгөн бус хөрөнгө, үйлчилгээ, барьцаа, дэнчин авахыг хориглоно.” гэх заалт оруулж байгаа гэв.

Өөрөөр хэлбэл, Сонгуулийн тухай хуульд бус Улстөрийн намуудын тухай хуульд нэр дэвшигчдэд тавигдах шаардлагыг нарийвчилж тодорхой болгоно гэлээ.

Харин УИХ-ын дарга Г.Занданшатар “Сонгуулийн тухай хуулийг иргэдийн ашиг сонирхолд нийцүүлж, нэр дэвшигчдэд тавигдах шаардлагыг тусгах хэрэгтэй” гээд хэлсэн үгэндээ эзэн болдог, хариуцлага хүлээдэг, ард түмний дунд амьдарсан, ёс суртахууны өндөр төлөвшилтэй, авлига албан тушаалын хэрэгт яагаад ч орооцолдохгүй, цогц  мэдлэгтэй, асуудлыг бүхлээр харж чаддаг гэх зэргээр намуудад хэзээ ч байгаагүй супер нэр дэвшигчтэй болох тухай хэлнэ билээ.

Зөвхөн Дээд шүүхэд бүртгэлтэй 36 нам тус бүр 126 хүн нэр дэвшүүлнэ гээд тооцвол 4536 хүн 2024 оны сонгуульд нэр дэвшигчээр бүртгүүлнэ. Үүн дээр бие даан нэр дэвшигчид гэж бий. Тэгэхээр нэр дэвшигчид тавигдах шаардлагыг УИХ-ын сонгуулийн тухай хуульд нарийвчлан тусгах уу, Улстөрийн намуудын тухай хуульд уу гэдгийг анзаарч харах нь зүй биз.

Одоогоор УИХ-ын сонгуулийн тухай хуулийг баталчихаагүй байна. Эцсийн хэлэлцүүлэгт бэлтгүүлэхээр Төрийн байгуулалтын байнгын хороонд шилжүүлсэн. Энэхүү хуулийн төсөл эцэслэгдэхэд үнэхээр ард түмний хүсэмжлээд байгаа улстөрчийг УИХ-ын танхимд оруулж ирэх сонирхол хууль батлах эрхтэй өнөөдрийн 76-д бий  юу гэдэг нь тодорхой харагдах нь.

Ямартай ч  УИХ-д суудалтай байгаа гурван намын зүгээс УИХ-д нэр дэвшигчид тавигдах шаардлагыг Сонгуулийн тухай хуульд тусгаж өгөх ёстой гэдэгт уг нь санал нэгдэж байгаа аж.

МАН-ын ерөнхий нарийн бичгийн дарга Д.Амарбаясгалан “Үндсэн хуульд өөрчлөлт оруулснаар улс төрийн намыг шинэ түвшинд гаргая гэж зорьсон болохоос хөрөнгө мөнгөтэй хүнд илүү боломж олгож, улс төрийн намын худалдаж авдаг, жагсаалтад мөнгө төлөөд орох байдал хэрхэвч байж болохгүй. Сонгуулийн хуулиар жагсаалтад бичигдэх хүмүүст ямар шаардлага тавигдах вэ гэдгийг тодорхой болгох гэж хичээж байна. Мэдлэг боловсрол, ажил хөдөлмөрийн туршлага, ёс суртахуун, зан суртахуун гээд Сонгуулийн хуульд тусгаж өгөх ёстой. Мэдээж хүний Үндсэн хуулиар олгогдсон сонгох, сонгогдох эрхэнд халдаж болохгүй. Гэхдээ сонгуулийн хуульд Монголын ард түмний тавиад байгаа шаардлагыг суулгах гэж хичээж байна” гэсэн.

УИХ-ын гишүүн, “ХҮН”-ын дарга Т.Доржханд “Манай намын хувьд нэр цэвэр, гэмт хэрэгт тэр тусмаа авлига албан тушаалын гэмт хэрэгт холбогдож байгаагүй, мэдлэгтэй, мэргэжилтэй чадвартай, нийгмийн төлөөллийг оруулдаг байх гэсэн байр суурин дээр хатуу байна” гэдгээ илэрхийлж байгаа юм.

0


Сэтгэгдэл (0)

⚠ Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.





ШИНЭ МЭДЭЭ

Бутан улстай хөдөө аж ахуй, боловсрол, соёл, уламжлалт анагаах ухааны салбарт хамтран ажиллана7 сар 9. 12:59Байнгын хорооны бүрэлдэхүүнд өөрчлөлт оруулах тухай Улсын Их Хурлын тогтоолын төслийг батлав7 сар 9. 12:51Шинээр Хяналт үнэлгээний болон өрсөлдөөний асуудал эрхэлсэн сайдтай болно7 сар 8. 17:54АН, ХҮН намын дарга нар Монгол Улсаа нэгдүгээрт тавьсан шийдвэр гаргасан Ерөнхий сайдын байр суурьтай санал нэг байна гэв7 сар 8. 17:46Гавьяат тамирчин Ч.Дамдиншарав, Эрүүлийг хамгаалахын гавьяат ажилтан Д.Мөнхөө нарт Хөдөлмөрийн баатар цол хүртээлээ7 сар 8. 17:12ҮСХ: Улсын цолтой бөхийн тоо ойролцоогоор 661 байна7 сар 8. 12:29Ерөнхий сайд Л.Оюун-Эрдэнэ: Монгол Улсаа илүү хурдтай хөгжүүлэхийн тулд улс төрийн намууд хамтран Засгийн газар байгуулж байна7 сар 8. 11:56Ш.Баранчулуун: Хотын дундуур урсаж байгаа голыг өргөтөх боломжгүй учраас лаг хагшаасыг цэвэрлэж, гүнзгийрүүлэх нь зөв7 сар 8. 9:38Гамшиг, аюулт үзэгдлийн улмаас өнгөрсөн 7 хоногт 17 хүн нас барсан байна7 сар 8. 9:3511, 12-нд төвийн аймгуудын ихэнх нутгаар бороо орно7 сар 8. 9:30Зурхай: Үс шинээр үргээлгэх буюу засуулбал эд малтай баялаг төгс болно7 сар 8. 9:24ШЕЗ хуульд байхгүй заалтаар шүүгч томилдог болоо юу?!7 сар 8. 9:07Элсэлтийн ерөнхий шалгалтад 77 шалгуулагч 800 оноо авчээ7 сар 8. 8:52АН Засгийн газарт хамтрахаар болов7 сар 8. 8:49Ц.Батнайрамдал: Цоо шинэ хөгжим, хувцас дизайн, бүрэн автомат тайз чимэглэл бүхий монгол мюзиклийг нээнэ7 сар 7. 13:08Ерөнхий сайдаар Л.Оюун-Эрдэнийг гишүүдийн 99 хувийн саналаар улираан томиллоо7 сар 5. 19:12“Монгол Улсын Их Хурлын Байнгын хорооны бүрэлдэхүүний тухай” УИХ-ын тогтоол батлагдав7 сар 5. 18:12Улаанбаатар хот, “Дова инженеринг” түншлэл хооронд метроны зөвлөх үйлчилгээний гэрээ байгууллаа7 сар 5. 13:28МАН-ын бүлгийн даргаа Л.Мөнхбаатар, АН-ын бүлгийн даргаар О.Цогтгэрэл ажиллана7 сар 5. 13:03Баянзүрх дүүргийн Засаг даргаар Ганбаатарын ЖАРГАЛСАЙХАН томилогдлоо7 сар 5. 12:52“Улаанбаатар метро” төсөлд зөвлөх үйлчилгээ үзүүлэгчээр шалгарсан БНСУ-ын “Дова инженеринг” -тэй гэрээ байгуулна7 сар 5. 7:59Монгол Улсын Ерөнхийлөгч У.Хүрэлсүх ШХАБ-ын дээд түвшний уулзалтад ажиглагчаар оролцож, үг хэллээ7 сар 5. 7:55Улаанбаатарт дуу цахилгаантай аадар бороо орно7 сар 5. 7:38Зурхай: Гэрээ хэлцэл хийхэд сайн өдөр7 сар 5. 7:36О.Цогтгэрэл: Засагт орохгүй7 сар 3. 9:18Ажиглагчид: Томсгосон тойрогт сурталчилгааны хугацаа хангалтгүй байна7 сар 3. 9:05Монгол Улсын Ерөнхийлөгч У.Хүрэлсүх ШХАБ-ын дээд түвшний уулзалтад оролцоно7 сар 2. 18:20УПЕГ: Шийдвэр гүйцэтгэгч М.Б нь нэр бүхий албан тушаалтнуудын гарын үсгийг хуурамчаар үйлдсэн хэргийг шүүхэд шилжүүлжээ7 сар 2. 18:18Ерөнхийлөгч У.Хүрэлсүх: Монгол хүн бүрийн аж амьдралд бодит үр өгөөжөө өгсөн эдийн засгийн бодлогыг нэн тэргүүнд хэрэгжүүлэх шаардлагатай байна.7 сар 2. 18:18Д.Амарбаясгалан: Иргэдийн төрдөө итгэх итгэлийг сэргээсэн шинэ цагийн парламентыг бид цогцлоох үүрэгтэй7 сар 2. 17:57Улаанбаатарт үүлшинэ, +27...+29 градус дулаан байна7 сар 2. 7:05Зурхай: Сэтгэлд сэвтэй газар очиход муу өдөр7 сар 2. 6:45Ерөнхийлөгч УИХ-ын сонгуульд суудал авсан нам, эвслийн удирдлагыг хүлээн авч уулзлаа7 сар 1. 17:33Монгол Улсын Ерөнхийлөгч УИХ-ын Анхдугаар чуулганыг маргааш товлон зарлалаа7 сар 1. 17:30МАН ард түмний олонхын итгэлийг хүлээсэн учраас ачааны хүндийг дангаар үүрэх ёстой7 сар 1. 14:39Үндэсний их баяр наадмын хөтөлбөрийг танилцуулж байна7 сар 1. 13:42СЕХ:126 нэр дэвшигчийг УИХ-ын гишүүнээр сонгогдсонд тооцож, тогтоол батлав7 сар 1. 13:40Н.Өнөрцэцэгт холбогдох хэргийг хянан хэлэлцэх шүүх хуралдааныг хойшлуулав7 сар 1. 11:13Эрх баригч ба сөрөг хүчин байх уу эсвэл хамтрах уу?7 сар 1. 10:04СЕХ : УИХ-ын сонгуулийн дүнг Ерөнхийлөгчид өргөн мэдүүлнэ7 сар 1. 10:02
 Facebook Twitter Youtube