УИХ-ын чуулганд Ерөнхий сайд Л.Оюун-Эрдэнэ 2023 оны төсвийн тухай хуульд өөрчлөлт оруулах тухай хуулийн төслийг танилцуулсны дараа төсвийн төсөлд хийсэн аудитын дүгнэлтийг ҮАГ-ын дарга Д.Занданбат танилцууллаа.
Аудитын зүгээс Монгол Улсын 2023 оны төсвийн тухай хуульд өөрчлөлт оруулах тухай хуулийн төсөлд тэтгэвэр тэтгэмж, цалин хөлсийг нэмэгдүүлэхэд нийт зардлыг дийлэнхийг чиглүүлж байгаа нь иргэдийн амьжиргааг дээшлүүлэх сайн талтай ч 2023 оны батлагдсан төсвийг алдагдалгүй байлгах боломж буйг, нэмэгдэж буй энэ зардал нь байнга гарах зардал учраас үүнийг санхүүжүүлж буй эх үүсвэр нь төсвийн орлого нь тасралтгүй байх боломж буй эсэх эрсдэл өндөр байгааг анхаарч үзэх, мөн Төсвийн тухай хуульд төсвийн тодотгол хийх талаарх зохицуулалтыг илүү нарийвчлах зэрэг анхаарах асуудал байна гэж үзэв. Мөн төсвийн тодотгол хийх, УИХ-аар хэлэлцүүлэх нь цаг хугацааны хувьд нэн хязгаарлагдмал байгаа нь ажлын бодит гүйцэтгэлд эрсдэл үүсгэснийг анхаарахыг зөвлөмж болгов.
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.