- Долдугаар сарын 8-нд Украинд дайн эхэлснээс хойш яг 500 хоног болж байна. Энэ өдөр Турк улсад айлчилж байгаа Украины Ерөнхийлөгч Владимир Зеленский дайны хохирогчдын дурсгалыг хүндэтгэх ёслол хийж Истанбул хотын Гэгээн Георгий сүмд зочилжээ.
- АНУ-ын Украинд үзүүлэх шинэ тусламжийн багцын нийт дүн 800 сая доллараар хэмжигдэж байна. Үүнд: Брэдлигийн явган цэргийн байлдааны машин 32, "Stryker" хуягт тээвэрлэгч, Patriot болон HIMARS пуужингийн системд зориулсан сум, түүнчлэн агаарын довтолгооноос хамгаалах пуужин, Stinger ба Javelin зөөврийн нисэх онгоцны эсрэг систем, мина устгах төхөөрөмж, сэлбэг хэрэгсэл, жижиг зэвсэг, 28 сая сум, тээврийн хэрэгсэл 37 багтжээ.
- АНУ Украйнд кластерийн сум нийлүүлэхээр болов. Энэ тухай Цагаан ордонд болсон хэвлэлийн бага хурал дээр Ерөнхийлөгчийн Үндэсний аюулгүй байдлын асуудал эрхэлсэн туслах Жейк Салливан мэдэгдэв.
- Дайны 500 хоногийн хугацаанд 494 хүүхэд амь үрэгдэж, 1050 гаруй хүүхэд шархадсан гэж Украины Ерөнхий прокурорын газраас мэдээлэв. НҮБ-ын мэдээлснээр дайны 500 хоногийн хугацаанд 500 гаруй хүүхэд амь үрэгджээ. Дайн эхэлснээс хойш буюу 2022 оны 2-р сарын 24-нөөс хойш Украинд амь үрэгдсэн энгийн иргэдийн нийт тоо 9 мянга давсан тухай НҮБ мэдээлэв.
Эх сурвалж: ВВС
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.