Хөгжлийн банкны гэх 47 хоног үргэлжилсэн шүүх хурлын дараа 32 хүнд ямар ял оноосон бэ

Хөгжлийн банкны гэх 80 хүн, 4 хуулийн этгээдэд холбогдох эрүүгийн хэргийн шүүх хуралдаан 47 өдөр үргэлжилж, энэ сарын 7-ны өдөр Шүүх бүрэлдэхүүн гэм буруугийн дүгнэлтээр  48 иргэнийг цагаатгаж, 32 иргэн дөрвөн хуулийн этгээдийг гэм буруутайд тооцсон.

Тэгвэл гэм буруутайд тооцсон 32 иргэнд шүүхээс оноосон шийтгэлийг тоймлон хүргэж байна.

1. Л.Аззаяа- Хөгжлийн банкны ахлах мэргэжилтэн асан. Албаны чиг үүргээ хэрэгжүүлэхдээ хахууль авсан гэм буруутайд тооцсон

/Гэмт хэргийн хөөн хэлэлцэх хугацаа дууссан үндэслэлээр хэрэгсэхгүй болгов/

2. Б.Батбаяр- Хөгжлийн банкны гүйцэтгэх захирал асан. Нийтийн албан тушаалтнаар ажиллаж байхдаа үргэлжилсэн үйлдлээр албан тушаалын давуу байдлаа ашиглаж бусдад давуу байдал олгож, их хэмжээний хохирол учруулсан гэмт хэрэгт гүйцэтгэгчээр хамтран оролцсон гэм буруутайд тооцсон

Нийтийн албанд томилогдох эрхийг 4 жилийн хугацаагаар хасч, 3 жилийн хугацаагаар хорих ял

3. Ч.Энхбат-Хөгжлийн банкны тэргүүн дэд захирал асан. Нийтийн албан тушаалтнаар ажиллаж байхдаа үргэлжилсэн үйлдлээр албан тушаалын давуу байдлаа ашиглаж бусдад давуу байдал олгож, их хэмжээний хохирол учруулсан гэмт хэрэгт гүйцэтгэгчээр хамтран оролцсон гэм буруутайд тооцсон

Нийтийн албанд томилогдох эрхийг 4 жилийн хугацаагаар хасч, 3 жилийн зорчих эрхийг хязгаарлах ял

4. Ч.Мөнхбаяр- Хөгжлийн банкны дэд захирал асан. Нийтийн албан тушаалтнаар ажиллаж байхдаа үргэлжилсэн үйлдлээр албан тушаалын давуу байдлаа ашиглаж бусдад давуу байдал олгож, их хэмжээний хохирол учруулсан гэмт хэрэгт гүйцэтгэгчээр хамтран оролцсон гэм буруутайд тооцсон.

Нийтийн албанд томилогдох эрхийг 4 жилийн хугацаагаар хасч,  2,6 жил хугацаагаар хорих ял

5. Д.Цогтбаатар- Хөгжлийн банкны хэлтсийн дарга асан. Эрх мэдэл албан тушаалын байдлаа урвуулан ашигласан гэм буруутайд тооцсон

Нийтийн албанд томилогдох эрхийг 2 жилийн хугацаагаар хасч, 20 мянган нэгжтэй тэнцэх буюу 20 сая төгрөгөөр торгох ял

6. Б.Будхүү- Хөгжлийн банкны хуулийн газрын дарга асан. Эрх мэдэл албан тушаалын байдлаа урвуулан ашигласан гэм буруутайд тооцсон

Нийтийн албанд томилогдох эрхийг 4 жилийн хугацаагаар хасч, 2 жилийн хугацаагаар хорих ялаар шийтгэв

7. Б.Даажамба- Хөгжлийн банкны ТУЗ-ийн дарга асан. Албаны чиг үүргээ хэрэгжүүлэхдээ хахууль авсан гэм буруутайд тооцсон

Нийтийн албанд томилогдох эрхийг 5 жилийн хугацаагаар хасч, 30 мянган нэгжтэй тэнцэх буюу 30 сая төгрөгөөр торгох ялаар шийтгэв

8. Б.Чойжилжалбуу- Хөгжлийн банкны газрын захирал асан. Эрх мэдэл албан тушаалын байдлаа урвуулан ашигласан гэм буруутайд тооцсон

 -Нийтийн албанд томилогдох эрхийг 4 жилийн хугацаагаар хасч, 1 жил хорих ял,

-Нийтийн албанд томилогдох эрхийг 5 жилийн хугацаагаар хасч, 2 жил хорих ял

-Нийтийн албанд томилогдох эрхийг 2 жилийн хугацаагаар хасч, 6000 нэгжтэй тэнцэх буюу 6 сая төгрөгөөр торгох ял

/ Шүүхээс нийт ялыг нэмж нэгтгэн Нийтийн албанд томилогдох эрхийг 8 жилийн хугацаагаар хасч, хорих ялыг 3 жилээр тогтоож, 6 мянган нэгжтэй тэнцэх буюу 6 сая төгрөгөөр торгох ял оноов/

9. Л.Мягмаржав- Хөгжлийн банкны хэлтсийн дарга асан.

Нийтийн албанд томилогдох эрхийг 2 жилийн хугацаагаар хасч, 10 мянган нэгжтэй тэнцэх буюу 10 сая төгрөгөөр торгох ял.

10. Д.Дэлгэрсайхан- Хөгжлийн банкны гүйцэтгэх захирлын ажлын албаны дарга асан.

Нийтийн албанд томилогдох эрхийг 4 жилийн хугацаагаар хасч, 32 жил 3 сар хугацаагаар хорих ял .

11. Ж.Ганхуяг- Хөгжлийн банкны хяналт шалгалт, тамгын газрын хэлтсийн захирал асан.

Нийтийн албанд томилогдох эрхийг 5 жилийн хугацаагаар хасч, 35 мянган нэгжтэй тэнцэх буюу 35 сая төгрөгөөр торгох ял

12. Б.Шинэбаатар- Хөгжлийн банкны ТУЗ-ийн дарга асан

Нийтийн албанд томилогдох эрхийг 3 жилийн хугацаагаар хасч, 15 мянган нэгжтэй тэнцэх буюу 15 сая төгрөгөөр торгох ял.

13. Н.Мөнхбат- Хөгжлийн банкны гүйцэтгэх захирал асан.

Албан тушаалын байдлаа ашиглаж бусдад давуу байдал олгосон гэмт хэрэгт зохион байгуулагчаар хамтран оролцсон гэмт хэрэгт гэм буруутайд тооцсон.

/Гэмт хэргийн хөөн хэлэлцэх хугацаа дууссан үндэслэлээр хэрэгсэхгүй болгов/

14. Э.Эрдэнэ-ТЕГ-ын хэлтсийн даргаар ажиллаж байсан

Нийтийн албанд томилогдох эрхийг 3 жилийн хугацаагаар хасч, 23  мянган нэгжтэй тэнцэх буюу 23 сая төгрөгөөр ял.

15. Ц.Баярсайхан-“Монгол ус” ТӨҮГ-ын ахлах мэргэжилтэн /НВЦ ХХК/

Нийтийн албанд томилогдох эрхийг 3 жилийн хугацаагаар хасч, 3000 нэгжтэй тэнцэх буюу 3 сая төгрөгөөр торгох ял.

16. Г.Цолмон- “Пирамид Орд” ХХК-ийн захирал. Хөгжлийн банкны хэлтсийн даргаар ажиллаж байсан.

Нийтийн албанд томилогдох эрхийг 3 жилийн хугацаагаар хасч, 23 мянган нэгжтэй тэнцэх буюу 23 сая төгрөгөөр торгох ял.

17. Ц.Баатарбилэг- “НВЦ” ХХК-ийн ерөнхий захирал

-Нийтийн албанд томилогдох эрхийг 3 жилийн хугацаагаар хасч, 26 мянган нэгжтэй тэнцэх буюу 26 сая төгрөгөөр торгох ял

-Нийтийн албанд томилогдох эрхийг 3 жилийн хугацаагаар хасч, 14 мянган нэгжтэй тэнцэх буюу 14 сая төгрөгөөр торгох ял

/ Шүүхээс нийт ялыг нэмж нэгтгэн Нийтийн албанд томилогдох эрхийг 6 жилийн хугацаагаар хасч, 40 мянган нэгжтэй тэнцэх буюу 40 сая төгрөгөөр торгох ял оноов/

18. Х.Баттулга- НВЦ ХХК

Нийтийн албанд томилогдох эрхийг 4 жилийн хугацаагаар хасч, 5 мянган нэгжтэй тэнцэх буюу 5 сая төгрөгөөр торгох ял

19. Ш.Бүтэд- “Мондулаан трейд” ХХК

Нийтийн албанд томилогдох эрхийг 3 жилийн хугацаагаар хасч, 25 мянган нэгжтэй тэнцэх буюу 25 сая төгрөгөөр торгох ял

20. Н.Сүхболд-"Бэрэн групп" ХХК

Нийтийн албанд томилогдох эрхийг 5 жилийн хугацаагаар хасч, 10 мянган нэгжтэй тэнцэх буюу 10 сая төгрөгөөр торгох ял

21. Т.Болдмаа- "Бэрэн групп" ХХК

3 мянган нэгжтэй тэнцэх буюу 3 сая төгрөгөөр торгох ял

22. Б.Мөнхтөр- "Бэрэн" группийн үүсгэн байгуулагч

Нийтийн албанд томилогдох эрхийг 3 жилийн хугацаагаар хасч, 27 мянган нэгжтэй тэнцэх буюу 27 сая төгрөгөөр торгох ял

-10 мянган нэгжтэй тэнцэх буюу 10 сая төгрөгөөр торгох ял

/ Шүүхээс нийт ялыг нэмж нэгтгэн Нийтийн албанд томилогдох эрхийг 3 жилийн хугацаагаар хасч, 37 мянган нэгжтэй тэнцэх буюу 37 сая төгрөгөөр торгох ял/

23. Г.Байгалмаа-Ерөнхийлөгчийн Тамгын газрын дэд дарга асан

6 сарын хугацаагаар зорчих эрхийг хязгаарлаж, 3 мянган нэгжтэй тэнцэх буюу 3 сая төгрөгөөр торгох ял

/3 сая төгрөгөөр торгох ялыг өршөөн хэлтрүүлсэн/

24. Б.Батбаатар-“Инжир” ХХК-ийн захирлаар ажиллаж байсан

Нийтийн албанд томилогдох эрхийг 3 жилийн хугацаагаар хасч, 25 мянган нэгжтэй тэнцэх буюу 25 сая төгрөгөөр торгох ял

25. Ч.Өлзий- “Инжир” ХХК-ийн ерөнхий инженерээр ажиллаж байсан

Нийтийн албанд томилогдох эрхийг 2 жилийн хугацаагаар хасч, 15 мянган нэгжтэй тэнцэх буюу 15 сая төгрөгөөр торгох ял

26. Г.Батдорж-“Сэлэнгийн герефорд” ХХК-ийн захирал

Нийтийн албанд томилогдох эрхийг 3 жилийн хугацаагаар хасч, 23 мянган нэгжтэй тэнцэх буюу 23 сая төгрөгөөр торгох ял

27. Я.Батцэцэг-“Болор шүр” ХХК-ийн захирал

10 мянган нэгжтэй тэнцэх буюу 10 сая төгрөгөөр торгох ял

28. Л.Ням-Очир- “Ганхүдэр орд” ХХК-ийн захирал. Өөртөө давуу байдал олгох зорилгоор бусдад хахууль өгсөн

/Гэмт хэргийн хөөн хэлэлцэх хугацаа дууссан үндэслэлээр хэрэгсэхгүй болгов/

29. Х.Эрдэнэбилэг- “Монгол драй милк” ХХК-ийн захирал.

Нийтийн албанд томилогдох эрхийг 2 жилийн хугацаагаар хасч, 10 мянган нэгжтэй тэнцэх буюу 10 сая төгрөгөөр торгох ял

30. Х.Бат-Эрдэнэ–“Алтай групп” ХХК-ийн үүсгэн байгуулагч

Нийтийн албанд томилогдох эрхийг 3 жилийн хугацаагаар хасч, 25 мянган нэгжтэй тэнцэх буюу 25 сая төгрөгөөр торгох ял

31. П.Мягмардорж-“Газ импорт” ХХК-ийн захирал

Нийтийн албанд томилогдох эрхийг 3 жилийн хугацаагаар хасч, 23 мянган нэгжтэй тэнцэх буюу 23 сая төгрөгөөр торгох ял

32. УИХ-ын гишүүн Ё.Баатарбилэг –

Эрүүгийн хуулийн тусгай ангийн 22.4.6-д зааснаар таван жилээр хорих ял, Эрүүгийн хуулийн тусгай ангийн 22.10.2-д зааснаар үндэслэлгүй хөрөнгөжсөн 73 сая төгрөгийг хурааж, нийтийн албанд томилогдох эрхийг 4жилээр хасаж нэг жилийн хугацаагаар хорих ял оноолоо.

/ Шүүхээс нийт ялыг нэмж нэгтгэн Нийтийн албанд томилогдох эрхийг 4 жилийн хугацаагаар хасч, хорих ялыг 6 жилээр тогтоосон /

Хорих ялаар шийтгүүлсэн шүүгдэгч нарын ялыг нээлттэй хорих ангид эдлүүлэхээр тогтов.

Хөгжлийн банкны гэх хэрэгт холбогдсон 4 хуулийн этгээдэд доорх ялыг оноожээ

Шүүгдэгч “НВЦ” компани

Өндөгний цаасан сав үйлдвэрлэх үйл ажиллагааны эрхийг 1 жилийг хугацаагаар хасч, 130 мянган нэгжтэй тэнцэх буюу 130 сая төгрөгөөр торгох ял

Шүүгдэгч “Хааны харгуй” ХХК

Ашигт малтмалын хайгуул явуулах үйл ажиллагааны эрхийг 1 жилийн хугацаагаар хасч, 120 мянган нэгжтэй тэнцэх буюу 120 сая төгрөгөөр торгох ял

Шүүгдэгч “Инжир” ХХК

Аялал жуулчлалын үйл ажиллагаа эрхлэх эрхийг 1 жилийн хугацаагаар хасч, 125 мянган нэгжтэй тэнцэх буюу 125 сая төгрөгөөр торгох ялаар шийтгэсэн байна.