НИГЕРИЙН ЕРӨНХИЙЛӨГЧ МОХАМЕД БАЗУМ: Бүс нутаг бүхэлдээ Орос ба "Вагнер" -ийн нөлөөнд орж магадгүй 

Нигерийн нийслэл Ниамей хотод Оросын төрийн далбааны өнгөт малгай өиссөн дарангуйлагчдыг дэмжигч нар

 Цэргийн хунтад түлхэгдэн унасан Нигерийн Ерөнхийлөгч Мохамед Базум хэвлэлээр дамжуулан АНУ болон бусад улс орнуудыг Үндсэн хуулийн дэг журмыг сэргээхэд нь туслахыг уриалж, хэрвээ дарангуйлагчид засгийн эрхэнд үлдвэл Төв Сахелийн бүс нутаг бүхэлдээ Орос болон Вагнерийн нөлөөнд орж болзошгүй гэж мэдэгджээ. 

Мохамед Базум уриалгадаа, Нигерийн цэргийн хунт хөрш Мали, Буркина Фасогийн хунтын нэгэн адил Нигерт исламын радикал бүлгүүдтэй тэмцэхэд тусалсан Франц, Америкчуудын оронд Оросын Вагнер-ийн хөлсний цэргүүдийг урихыг хүсч байгааг тэмдэглэжээ.

"Төв Сахелийн бүс нутаг бүхэлдээ Украйнд алан хядах харгис хэрцгий аргуудыг харуулсан Вагнер группээр дамжуулан Оросын нөлөөнд орж болзошгүй" гэж Базум бичжээ.

АНУ, Францын тусламжийн ачаар сүүлийн хоёр жилд Нигерийн амьдрал илүү аюулгүй болсон гэж огцорсон ерөнхийлөгч мэдэгдэв. 

Мохамед Базум бол 2021 онд болсон тайван, ардчилсан сонгуулиар сонгуулиар соногдсон Нигерийн анхны ерөнхийлөгч юм.

Сенегал хөндлөнгөөс оролцоход бэлэн байна
Үүний зэрэгцээ Баруун Африкийн ECOWAS эвсэл ийм шийдвэр гаргавал Сенегал Нигерт цэргээ илгээхэд бэлэн гэдгээ мэдэгдэв. Өнгөрсөн долоо хоногийн сүүлээр ECOWAS-ын орнуудын удирдагчид долоо хоногийн дотор Ерөнхийлөгч Базумд эрх мэдлээ буцааж өгөхгүй бол Нигерийн дарангуйлагчдын үйл ажиллагаанд хөндлөнгөөс оролцоно гэжмэдэгдээд буй.

Франс Пресс агентлагийн мэдээлснээр, Сенегалын Гадаад хэргийн сайд Айссата Талл Салл сэтгүүлчдэд хэлэхдээ, тус бүс нутагт дахин цэргийн эргэлт хийх нь хэтэрсэн тул Сенегалын арми Нигерт очиход бэлэн байна гэжээ.

Ням гарагт Нигерийн Ниамей дахь Францын элчин сайдын яамны гадаа хэдэн зуун жагсагчид цугларч, зарим нь "Орос мандтугай", "Путин мандтугай" гэж хашгирч байв. Тэд мөн ЭСЯ-ны цогцолборын ханыг шатаасан байна.

Үүний зэрэгцээ төрийн эргэлтийг зохион байгуулж, өөрийгөө Ерөнхийлөгчөөр зарлаад байгаа генерал Чиани хэлсэн үгэндээ, Нигерт байгаа Францын иргэд "хэзээ ч аюул заналхийлэлд өртөж байгаагүй" гэжээ.

Франц, АНУ-ын цэргийн баазууд байрладаг Нигер нь Сахел дахь жихадист хэт даврагчдын эсрэг тэмцэлд барууны гол холбоотонуудын нэг юм.

Нигер бол ураны томоохон үйлдвэрлэгч юм. Тус улс нь Хойд Африк, Газар дундын тэнгис рүү чиглэсэн нүүдлийн гол зам дээр оршдог.

Эх сурвалж: ВВС