Энэ мэдээ хуучирсан буюу 2023-09-06 нд нийтлэгдсэн байна.

Нүүрсний гэх хэргийнхээ "ард гарахгүй" бол МАН уруудсан рейтинг, урагшгүй ноёнтой сонгуульд орно

9/ 6/ 2023    15 цаг 06 минут

Өнөөдрийн Ерөнхий сайд Л.Оюун-Эрдэнэ УИХ-д дөнгөж орж ирээд “Монгол Улсын Төрийн сүлд, Төрийн далбаа энэ байна. Монгол Улсын Үндсэн хууль миний гарт байна. М.Энхболд гуай та 60 тэрбумын бичлэгт үнэхээр байгаагүй юу, яг үнэхээр эвлүүлэг үү, тэр таны дуу хоолой биш үү. Та ганцхан энэ зүйлийг над руу харж байгаад үнэн гээд хэлчих. Прокурор, Авлигатай тэмцэх газар 60 тэрбумын бичлэг эвлүүлэг гэдэг дүгнэлт гаргасан нь үнэн юм уу. Энхболд дарга аа, та миний нүд рүү харж байгаад энийг эхлээд хэлчих. Өөрөө орчихоод ороогүй гэж хууль хяналтын байгууллагад нөлөөлж дүгнэлт гаргуулсан шиг яахаараа бидний бичгийн дугаар өөрчлөгдөж, 4 гишүүний нэр алга болчихов” хэмээн тухайн үед улстөрд "арслан" байсан УИХ-ын дарга байсан М.Энхболдын амыг асуусан.

Тэгэхэд Л.Оюун-Эрдэнэ зоригтой бас залуу харагдаж байв. Түүний хажууд МАН-ын Т.Аюурсайхан, Х.Нямбаатар нараас гадна АН-ын Л.Болд, Ж.Батзандан нар  байсан юм. Энэ ажиллагаанд Ерөнхийлөгч асан Х.Баттулга, өнөөдрийн Ерөнхийлөгч У.Хүрэлсүх нар ил гараагүй ч оройлон оролцсон гэдгийг хэн хүнгүй мэднэ.  Л.Болд, Ж.Батзандан нар Х.Баттулгын хувьд хэн байсан билээ...

Тэд шударга ёс нэхэж, УИХ-ын даргыг огцрохыг шаардаж, зорьсон зорилгодоо ч хүрсэн. Ерөнхийлөгч асан Х.Баттулга тухайн үед М.Энхболд, Ц.Элбэгдоржийн буюу МАНАН хэмээн нэрлэгдээд байсан улс төрийн бүлэглэлтэй хамтарч ажиллах боломж байхгүйг мэдэж байсан учраас У.Хүрэлсүх, Л.Оюун-Эрдэнийг идэвхтэй дэмжсэн.

М.Энхболдыг унагаж чадсан учраас У.Хүрэлсүх намаа авч, Засгийн эрхийг ч атгасан. МАНАН бүлэглэлтэй хийж байгаа тэмцэл, 60 тэрбумын хэрэг У.Хүрэлсүхийг "орчин цагийн Сүхбаатар"-ын дүрд харагдуулж, МАН үнэмлэхүй ялалт авсан нь ч үнэн. Нэгэнт УИХ, Засгийн газраа авсан 100 жилийн настай намд Х.Баттулгыг тонгорох тийм ч хэцүү байгаагүй.

Үндсэн хуулиар Х.Баттулгыг нэр дэвших эрхгүй болгож чадсан У.Хүрэлсүх хар цагаан дуугүй хэд хоног таг болсныг тухайн үед хэвлэлүүд ч онцолж байв.

Ингээд өөрийн мөрөөдөл болсон Зэвсэгт хүчний ерөнхий командлагч буюу Монгол Улсын Ерөнхийлөгчийн сонгууль руу зүтгэчихсэн. Гэхдээ У.Хүрэлсүх Ерөнхийлөгчийн сонгуульд 2020 оны УИХ-ын сонгуульд ялалт байгуулсан шигээ рейтинг өндөртэй гарч чадаагүй. Магадгүй түүний рейтинг хэзээ ч 2020 оны сонгуулийн өмнөх шиг түвшинд очихгүй байх.

Харин Л.Оюун-Эрдэнийн хувьд “өөрөө ч төсөөлж байгаагүй” суудалд хүрч чадсан. Тэр намын тамгыг, төрийн тамгатай хамт атгав.

Хажууд нь зогсч байсан 4 нөхрийн хувьд хоёр нь УИХ, Засгийн газрын гишүүн болсон бол хоёр нь УИХ-ын гишүүн болоогүй улсаа төлөөлөх эрхтэй гадаадад суух болсон.  Сонирхолтой нь, ердөө таван жилийн дараа тэдний заримаас шударга бусын талаар асуухад хүрэв. Учир нь, Ж.Батзанданг туслахаараа дамжуулан, Капитал банкнаас 12 тэрбум төгрөгийн зээл авсан хэмээн буруутган АТГ-аас баривчилсан бол Т.Аюурсайханыг нүүрсний гэх хэргээр яллагдагчаар татан шалгаж эхлэв.

Шударга, шударга бусын талаар Л.Оюун-Эрдэнэд хамгийн их нөлөөлж байсан Ерөнхийлөгч асан Х.Баттулга ч өнөөдөр яллагдагчийн дүртэй явна.

Л.Оюун-Эрдэнийн хувьд 5 жилийн өмнө ганцхан М.Энхболдтой харц тулан, түүнийг бүлтэгнүүлж, ам асууж байсан бол өнөөдөр мөр зэрэгцэж, өөрийн танхимдаа залж байсан “нөхдөө” шүүхийн танхимд яллагдагчийн суудалд суухыг харж байна.

МАН-ын улс төрчдийн орооцолдсон нүүрсний гэх хэргийг нэгэн цагт хамтдаа шударга ёсны төлөө тэмцэж явсан нөхөр нь “толгойлов” уу, түүнд шударга ёсны шийтгэл ногдуулж чадах уу гэдгээс Л.Оюун-Эрдэнийн толгойлсон МАН-ын сонгуулийн рейтинг шалтгаалж болзошгүй нөхцөл байдалд тэр орчихоод байгаа нь нууц биш.

Хэдийгээр авлига, албан тушаалын хэрэгтэй тэмцэж, улс орны эрх ашгийн төлөө шударга ёсны төлөө зүтгэсээр байгаа гэх дүр төрхөө хадгалахын тэр ихэд хүсч байгаа ч 2020 оны У.Хүрэлсүхийн толгойлсон МАН шиг рейтинг өндөртэй байж чадахгүй нь тодорхой байна.

Цар тахал, геополитикийн хэцүүхэн нөхцөл байдал, дэлхийн эдийн засгийн хямрал гээд гадаад олон хүчин зүйл Засгийн газрыг “гуд” татсаар байсан ч нөгөө талд Монголын эдийн засгийн гол хөдөлгөгч хүч болсон ашигт малтмалын үнэ дэлхийн зах зээл дээр өссөн нь Засгийн газарт “дэм” өгч байв.

Гэлээ гээд ард түмний амьдрал уруудсан, авдаг цалин нь хүрэхээ больсон, ядуусын эгнээ тэлсэн гээд нийгмийн бухимдал улаан гэрэл асаачихаад байгааг тэд тун сайн мэдэрч буй. Үүн дээр, албан тушаалтнуудын идсэн уусан, завшсан гэх мэдээлэл тос болоод байна. Харин тэдэнд хүлээлгэж байгаа хариуцлагыг Хөгжлийн банкны гэх дуулианаар жишвэл хөх инээд хүрэх нь ойлгомжтой.

Л.Оюун-Эрдэнийн Засгийн эрхэнд гараад анхлан гаргаж ирсэн Эрдэнэтийг “МАНАН” бүлэглэл авсан гэх хэрэг ч өнөөдөр нэг талдаа гарч, хариуцлага хүлээх эзэн тодорхой болоогүй байна. Араас нь нүүрсний гэх дуулиан “шалгагдаж байна” гэх төдийгээр энэ зун чимээ алдрав.

Мэдээж, нүүрсний гэх хэргийнхээ ард гарахгүй бол МАН уруудсан рейтинг, урагшгүй ноёнтой сонгуульд орно. Тиймээс ямар ч байсан “шударга тав”–ын нэг байсан ХЗДХ-ийн сайд Х.Нямбаатарын ахалсан ажлын хэсгийн үйл ажиллагаанаас МАН-ын сонгуулийн дүр төрх ерөнхийдөө тодорхой болох нь.

0


Сэтгэгдэл (0)

⚠ Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.





ШИНЭ МЭДЭЭ

И.Мөнхжаргал: Эрх баригчид зөвхөн ялахын төлөө Үндэсний эв нэгдлийг уландаа гишгэж болохгүй3 минут 20 секундын өмнөАЖНАЙГ АЖИХАД: Амны цавчаачдын толгойлгогч "АЖНАЙ"35 минут 35 секундын өмнөМонголын баячууд улстөрчдөд дарлуулж байхдаа таарсан увайгүй л дээ37 минут 44 секундын өмнө“Миний дайсны дайсан бол миний найз”2 цаг 30 минутын өмнөТүүхэн товчоон: Улаанбутангийн тулалдаан2 цаг 55 минутын өмнөХуулийн сайд асны “шүгэл үлээсэн” дээрэмчин нь “Цагаан Шонхор”-ын Ч.Энхтайван байв3 цаг 1 минутын өмнөД.СОСОРБАРАМ: С.Зориг амиа алдсан хэрэг хамт зүтгэж байсан нөхдийг нь насан туршид нь хардуулж, нулимуулж явдаг тогтолцооны цөм болчихлоо3 цаг 2 минутын өмнөУлаанбаатар ба Токио хотын цэвэрлэх байгууламж хэрхэн ажилладаг вэ?3 цаг 5 минутын өмнөЦаг агаарын мэдээ3 цаг 11 минутын өмнөЖ.Соронзонгийн хэргийг давж заалдах шатны шүүхээр дахин хэлэлцүүлэхээр буцааж, шийдвэрлэв3 цаг 13 минутын өмнөС.Зоригийн хэргийн материалыг нууцаас бүрэн гаргахыг шаардав3 цаг 23 минутын өмнөНЭРИЙГ НЬ АШИГЛАГЧ “ЭРЭЭ ЦЭЭРГҮЙЧҮҮД” ЦӨМ С.ЗОРИГИЙГ ТАЙВАН НОЙРСУУЛ…4 сар 22. 10:30Иргэний шилжилт хөдөлгөөний бүртгэлийг энэ сарын 29-нөөс зогсооно4 сар 22. 10:27Р.Базарын баривчилгаанаас улс төрийн “үнэр” л ханхийгээд байна даа4 сар 22. 9:10Нэрд гарсан юмнуудад нэг ч өөдтэй “амьтан” байхгүй4 сар 22. 9:09АЖНАЙГ АЖИХАД: Монголын төр нүдгүй чихгүй мэт аашилсан Ажнайгийн ноёрхол бол хуулиар халхавчилсан хулгай мөнөөсөө мөн4 сар 22. 8:58Баабар: Сарлаг нядлах аргачлал4 сар 22. 8:09Өнөөдөр могой өдөр4 сар 22. 8:07Долоо хоногийн өрнийн зурхай4 сар 22. 8:04Улаанбаатарт өдөртөө 6 хэм дулаан байна4 сар 22. 8:00“…Улс төрийн санхүүжилт” гэвэл Р.Базар ч, банк ч биш, Монголбанкны дэргэдэх СМА буруудна4 сар 22. 7:56Гадаад харилцааны сайд Б.Батцэцэг Тайландын Хаант Улсад албан ёсны айлчлал хийнэ4 сар 22. 1:00Улсын начин Б.Түвшинтөгс түрүүллээ4 сар 21. 18:12Б.Ням-Эрдэнэ хүрэл медалийн болзол хангалаа4 сар 21. 18:02Б.Ганхайч Азийн дэд аварга боллоо4 сар 21. 17:56Тодорхой тоймлоно-Долоо хоногийн тойм4 сар 21. 15:33Азийн аваргын тэмцээнийг Монголын жүдочид амжилттай эхлүүллээ4 сар 21. 11:09С.Зоригийн амь насыг бүрэлгэсэн хэргийн талаар хэн юу ярьж байсан бэ4 сар 20. 14:23"Амгалан" Дулааны станцын эрчим хүчний үйлдвэрлэл 1.3 сая Гкал дулаанаар нэмэгдэж байна.4 сар 19. 15:58Л.Оюун-Эрдэнэ: Эрчим хүчний салбартаа бизнесийн өрсөлдөөнийг дэмжиж, реформ хийх цаг нь болсон.4 сар 19. 15:48Говьсүмбэр аймгийн баг шөвгийн дөрөвт шалгарлаа4 сар 19. 0:50“Төв цэнгэлдэх хүрээлэн” ХХК-ийн гүйцэтгэх захирлаар Ж.Энхжаргаланг томиллоо4 сар 18. 22:15Дээд боловсролын байгууллагад оюутан элсүүлэх босго оноог 420 болгов4 сар 18. 21:25Төв цэнгэлдэх хүрээлэнг 100 хувь нийслэлийн эзэмшилд авлаа4 сар 18. 21:02Дээд шүүх Т.Бадамжунайн хэргийг тусгаарлах шаардлагагүй гэж үзжээ4 сар 18. 10:55“Хөгшин” улс төрчдийн "сав" хальсан толхилцоон4 сар 18. 10:29Цасан болон шороон шуурга шуурна4 сар 18. 10:01Ц.Туваан: Эмийн салбарт ашиг сонирхлын хамаарал, “цус ойртолт” хэрээс хэтэрч, бүртгэл, хяналт нь бүр дампуурсан байна4 сар 18. 9:33ЦАГ АГААР: Бусад нутгаар хур тунадас орохгүй4 сар 18. 9:07Д.Ганбаяр: Иргэний болон улс төрийн эрхийг эдлүүлж чадахгүй бол гадагшаа дүрвэх иргэд их байна4 сар 18. 9:02
 Facebook Twitter Youtube