Хятадын Батлан хамгаалахын сайд Ли Шанфу хамгийн сүүлд хоёр долоо хоногийн өмнө буюу наймдугаар сарын 29-нд олны өмнө гарч ирсэн. Үүнээс хойш сураг тасраад байгаа юм. Үүнтэй холбоотойгоор дэлхийн хэвлэл мэдээллүүд янз бүрийн таамаг дэвшүүлсээр байна.
Түүнчлэн энэ талаар тус улсын хэвлэлүүдэд баттай таамаглал мэдээлэл одоогоор нийтлэгдээгүй байгаа юм. Тэгвэл Хятадын Батлан хамгаалахын сайд Ли Шанфуг авлигын хэрэгт сэжиглэн шалгаж байгаа тухай Washington Post (WP) сонинд бичжээ.
Хятадын батлан хамгаалах аж үйлдвэртэй холбоотой хэвлэлийн эх сурвалжийн мэдээлснээр Ли Шанфугийн БНХАУ-ын БХЯ-ны цэргийн хангамжийн хэлтсийн даргаар ажиллаж байх үеийн үйл ажиллагаатай холбоотой мөрдөн байцаалтын ажиллагаа явагдаж байгаа гэжээ.
Өмнө нь "Файнэншл таймс" сонин Америкийн тагнуулын мэдээллээс иш татан Ли Шанфуг албан тушаалаас нь огцруулж, мөрдөн байцаалтын шатанд байгаа гэж мэдээлсэн юм.
2018 онд Ли Шанфуг ХАЧА-ын Худалдан авалт, зэвсгийн хөгжлийн ерөнхий газрыг толгойлж байхдаа Оросоос зэвсэг худалдан авсан хэргээр АНУ хориг арга хэмжээ авч байсан.
Эх сурвалж: Lenta.ru, news.htn.tech
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.