Евгений Пригожинийн эхнэр овог нэрээ өөрчилжээ

Любовь Пригожина

 "Вагнер"-ийг үүсгэн байгуулагч Евгения Пригожины бэлэвсэн эхнэр Любовь 9-р сарын 15-нд өөрийн эзэмшдэг гурван компанийн үүсгэн байгуулалтын баримт бичигт өөрчлөлт оруулсан гэж Daily Storm тэмдэглэв. Хуулийн этгээдийн улсын нэгдсэн бүртгэлд дурдсанаар бизнес эрхлэгч одоо компанийн баримт бичигт Кряжева гэсэн нэрээр бичигдсэн байна. Энэ бол  түүний нөхөрт гараагүй байх үеийн нэр юм.

Энэхүү өөрчлөлттэй холбоотойгоор Санкт-Петербург дахь "Шоколадны музей" сүлжээ дэлгүүр болон мөн Санкт-Петербург хотын төвд байрладаг хамгийн эртний хүнсний дэлгүүр болох Елисеев худалдааны дэлгүүрийн хуулийн этгээдийн улсын нэгдсэн бүртгэлийн мэдээлэл мөн өөрчлөгджээ.

Үүнээс гадна Любовь Пригожина үл хөдлөх хөрөнгийн түрээс, менежментийн чиглэлээр ажилладаг  "AGAT-A" компанийн баримт бичигт овог нэрээ бас өөрчилсөн байна. 

Үүнтэй зэрэгцэн Пригожины эхнэр Любовь гэж хэн бэ гэсэн сониучирхал олны анхаарлын төвд байна. Үүнд хамгийн товч байдлаар хариулахад Любовь Пригожина бол үзэсгэлэнтэй эмэгтэй, амжилттай бизнес эрхлэгч. Любовь Валентиновна гучин жилийн турш Евгений Пригожинийн үнэнч эхнэр байсан бөгөөд түүнд гурван хүүхэд төрүүлж өгсөн гэж тодотгож байна. Тэд нэг хүү, хоёр охинтой.

Пригожин эхнэр охины хамт

 Тэрээр 1970 оны 6-р сарын 26-нд төрсөн. Кряжева нь Андрей гэдэг ахтай. Кряжева ирээдүйн нөхөр болох Пригожинтой их сургуулийн оюутан байхдаа танилцсан гэдэг. Тэд есөн насны зөрүүтэй, сонгосон хүнийхээ шоронд ял эдэлж байсан гэдгээс ичиж зовсонгүй. Гэхдээ Пригожин ухаалаг гэр бүлд өссөн. Түүний ээж Виолетта Пригожина бол зүгээр нэг халдварт өвчний эмч биш, харин анагаахын шинжлэх ухааны доктор хүн юм.

Пригожинийн эхнэр олон жилийн турш нөхөр Евгений Пригожинтэй холбоотой 19 компанийн үйл ажиллагаанд оролцож байсан бол одоо гуравхан компанийг эзэмшдэг.

Любовь Пригожина Невский проспект, Малая Садовая гудамжны буланд байрлах Елисеевийн худалдаачдын дэлгүүрийн барилгыг эзэмшдэг бөгөөд хосуудын эзэмшдэг "Склад №5" ресторан бас тэнд ажилладаг. Любовью Кряжева эм зүйч-химич мэргэжилтэйэнэ чиглэлээрээ өмнө нь эрүүл мэндийг сайжруулах цогцолборын менежерээр ажиллаж байсан.

 Одоо тэрбээр  Санкт-Петербург дахь «Музей шоколада» сүлжээ болон эрүүл мэндийн төвүүдийг эзэмшдэг. Энэ бизнес Любовь Валентиновнад жил бүр 2.5 сая долларын ашиг авчирдаг. Мөн тэр "Агат" ХХК-ийн (Конкорд менежмент ба консалтинг компанийн охин компани) эзэмшигч юм. 

8-р сарын 23-нд Пригожины  "Embraer Legacy" онгоц Тверь мужид осолдож,  Мөрдөн байцаах хороо молекул генетикийн шинжилгээгээр  бизнес эрхлэгчийг нас барсныг баталжээ.

Пригожинтэй хамтран ажиллаж байсан социологич, улс төрийн стратегич Максим Шугалей "Вагнер"-ийг үүсгэн байгуулагчийн үхэлд дотоод хүчин эсвэл гадны хүчин буруутай" гэж үзжээ.

Эх сурвалж:/muzh-zhena.ru.  paperpaper.io