НАТО-гийн Ерөнхий нарийн бичгийн дарга Йенс Столтенберг Украинд алсын тусгалтай "Taurus" пуужинг нийлүүлэхийг Германд уриалав.
“Германчууд Украинд танк, агаарын довтолгооноос хамгаалах систем нийлүүлэх зэргээр шийдэмгий дэмжлэг үзүүлэх нь чухал. Украин НҮБ-ын дүрэмд тусгагдсан өөрийгөө хамгаалах эрхтэй. Хэрэв бид НҮБ-ын дүрмийг нухацтай авч үзэх юм бол Украинд туслах ёстой” гэж Ерөнхий нарийн бичгийн дарга хэлэв.
Түүнчлэн тэрээр АНУ, Их Британи, Франц аль хэдийн Киевт алсын тусгалтай зэвсгийг нийлүүлсэн гэдгийг онцолжээ. Украинд зэвсэг нийлүүлэх Европын гол орнуудын нэг болох Германаас ч мөн ийм дэмжлэг үзүүлнэ гэдэгт найдаж буйгаа тэр онцолсон байна.
Германы Батлан хамгаалах яамны тэргүүн Борис Писториус өмнө нь Герман улс ойрын долоо хоногт "Taurus" далавчит пуужингуудыг Украинд нийлүүлэх боломжтой гэж мэдэгджээ. Германы Сайд нарын танхим нэгээс хоёр долоо хоногийн дотор Украины Зэвсэгт хүчинд "Taurus" пуужин нийлүүлэх шийдвэр гаргана гэжээ.
Тодотгоход, "Taurus" далавчит пуужин нь 500 км-ийн радиуст байгаа байг онох чадвартай бөгөөд агаар-газар ангиллын пуужин юм. Өөрөөр хэлбэл тэдгээрийг газар, нисэх онгоцноос харвах боломжтой.
Эх сурвалж: Лента.ру
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.