Засгийн өнөөдрийн хуралдаанаар тусгай сангийн тухай хуульд өөрчлөлт оруулах тухай хуулийн төслийг хэлэлцэж, УИХ-д өргөн барихаар боллоо.
Эрүүл мэндийн яамны сайд С.Чинзориг “Засгийн газрын тусгай сангийн тухай хуулинд өөрчлөлт оруулах хуулийн төслийн өнөөдрийн Засгийн газрын хуралдаанаар хэлэлцүүлээд дэмжүүллээ. Өнөөдрийн байдлаар архи, тамхины татварын 1-2 хувийг Эрүүл мэндийг дэмжих санд төвлөрүүлдэг. Сангийн хөрөнгийг зөвхөн нийгмийн эрүүл мэндийн үйл ажиллагаанд зарцуулж байгаа юм. Эрүүл мэндээ хамгаална гэдэг чинь нэг нь, нийгмийн эрүүл мэнд, нөгөөх нь эмнэлгийн тусламж үйлчилгээ. Тийм учраас энэ хуулинд өөрчлөлт оруулаад, сангийн хөрөнгийг зөвхөн нийгмийн эрүүл мэндээр хязгаарлахгүй.
Эрүүл мэндийн сайд 2017 тушаал гаргаад дотооддоо эмчилж, оношилж чадахгүй 26 нэр төрлийн өвчин байна гэсэн жагсаалт гаргасан. Энэ 26 нэр төрлийн өвчний дотооддоо эмчилдэг оношилдог технологи нэвтрүүлэх нутагшуулах зардлыг нь тухайн эмнэлгүүд өөрсдөө хариуцаж хийх гэхээр хөрөнгө санхүүгийн боломжгүй байгаа юм. Тиймээс тусгай сангийн хуулинд оруулж байгаа гол өөрчлөлт бол энэ 26 өвчнийг оношлох, эмчлэх технологи нутагшуулахад шаардлагатай санхүүжилтийг Эрүүл мэндийг дэмжих сангаас олгохоор тусгасан” гээд мөн Донорын ар гэрт олгох 3.5 сая төгрөгийг Эрүүл мэндийг дэмжих сангаас зохицуулалт хийхээр хуулийн өөрчлөлтөд тусгаж өгнө гэв.
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.